VIDEO: આલુ કે ગોબી નહીં પણ લીમડાના પાનમાંથી બનાવ્યા પરોઠા, લોકોએ કહ્યું- 'બસ આ જ બાકી હતું'
આજના સમયમાં લોકો ખોરાક સાથે અનેક અજીબોગરીબ પ્રયોગ કરે છે. દરેક વ્યક્તિ પોતાની રીતે પ્રયોગ કરવામાં વ્યસ્ત છે. જો કે, આ
આજના સમયમાં લોકો ખોરાક સાથે અનેક અજીબોગરીબ પ્રયોગ કરે છે. દરેક વ્યક્તિ પોતાની રીતે પ્રયોગ કરવામાં વ્યસ્ત છે. જો કે, આ બધી વસ્તુઓની શરૂઆત એટલા માટે કરવામાં આવી હતી કે જેથી વસ્તુઓને વધુ સારી બનાવી શકાય અને કોઈપણ વાનગીનો સ્વાદ વધારી શકાય. તેના બદલે લોકોએ અલગ-અલગ પ્રયોગ કરવાનું અને વિચિત્ર વસ્તુઓ બનાવવાનું શરૂ કર્યું. હાલમાં જ આવો જ એક વીડિયો આ દિવસોમાં ખૂબ જ વાયરલ થઈ રહ્યો છે. જ્યાં એક વ્યક્તિએ લીમડાના પાનનું પરોઠું બનાવ્યું હતું.
આપણે બધા જાણીએ છીએ કે લીમડાના પણ આપણા શરીર માટે ખૂબ જ આરોગ્યપ્રદ છે, આયુર્વેદિક દૃષ્ટિકોણથી લીમડો ખૂબ જ મહત્ત્વપૂર્ણ માનવામાં આવે છે. ભલે તેનો સ્વાદ તમને કડવો લાગે પરંતુ લીમડામાં ઘણા ઔષધીય ગુણો છે, જે સ્વાસ્થ્ય માટે સારા છે. આયુર્વેદ અનુસાર જો સવારે ખાલી પેટે લીમડાનું સેવન કરવામાં આવે તો શરીરની અડધી બીમારીઓ દૂર થઈ જાય છે. પરંતુ શું તમે ક્યારેય તેના પરોઠા ખાધા છે? આ દિવસોમાં વાયરલ થઈ રહેલો આ વીડિયો જુઓ જ્યાં એક વ્યક્તિ લીમડાના પાનનું પરોઠું બનાવી રહ્યો છે.
વીડિયોમાં તમે જોઈ શકો છો કે આ વ્યક્તિ સૌપ્રથમ લીમડાના ઝાડમાંથી થોડા તાજા પાંદડા તોડે છે. તે તેને ધોઈને બારીક સમારે છે. આ પછી, તે ડુંગળી, પનીર, ટમેટા અને મસાલા વગેરે ઉમેરે છે અને સ્ટફિંગ તૈયાર કરે છે. આ પછી, કણકમાંથી પરોઠું વણે છે પછી તેમાં સ્ટફિંગ ભરીને. ત્યારબાદ કડાઈમાં ઘી ઉમેરીને તેને શેકીને પરોઠું તૈયાર કરે છે. ત્યારબાદ આ પરોઠું એક છોકરીને આપે છે.
આ વીડિયોને AGRA Eatery vegetarian food નામના એકાઉન્ટ દ્વારા ઇન્સ્ટાગ્રામ પર શેર કરવામાં આવ્યો છે, જેને અત્યાર સુધી લાખો લોકો તેને જોઈ ચૂક્યા છે અને કોમેન્ટ કરીને પોતાની પ્રતિક્રિયા આપી રહ્યા છે. એક યુઝરે લખ્યું, 'આ જોઈને મારું મોઢું કડવું થઈ ગયું.' જ્યારે બીજાએ લખ્યું, 'આને ડાયાબિટીસના દર્દીઓને ખવડાવવું જોઈએ.' જ્યારે કેટલાક લોકો કહી રહ્યા છે, 'બસ આ જ જોવાનું બાકી રહ્યું હતું'
