અહીં માત્ર 105 રૂપિયામાં મળી રહ્યું છે આલીશાન ઘર, તેને ખરીદવા પર મકાન માલિક આપશે રૂ. 7 લાખ

આજના મોંઘવારીના યુગમાં ઘર ખરીદવું ઘણા લોકો માટે સપનાથી ઓછું નથી. પરંતુ જો કોઈ તમને આલીશાન ઘર લગભગ મફતમાં આપે તો? ન્યૂકેસલ, ઈંગ્લેન્ડમાં 4BHK ઘર વેચાણ માટે છે, જેની કિંમત તમને આશ્ચર્યચકિત કરી દેશે. આ ઘરની કિંમત માત્ર 105 રૂપિયા રાખવામાં આવી છે. એટલું જ નહીં, આ ઘર ખરીદવા પર તમને 7 લાખ રૂપિયાનું બોનસ પણ મળશે.

જણાવવામાં આવી રહ્યું છે કે આ ઘરમાં ચાર બેડરૂમ, બે બાથરૂમ, એક લાઉન્જ અને એક કિચન છે. આ સિવાય બાળકોને રમવા માટે એક બગીચો પણ છે. પેટિસન એસ્ટેટ એજન્સી દ્વારા આ ઘર વેચાણ માટે લિસ્ટ કરવામાં આવ્યું છે.

હવે તમારા મનમાં સવાલ આવી રહ્યો હશે કે આ ઘર આટલું સસ્તું કેવી રીતે છે. વાસ્તવમાં આ ઘર એટલું ગંદુ છે કે તેને ખરીદવામાં જે ખર્ચ થાય છે તેના કરતાં તેને સાફ કરવામાં વધુ ખર્ચ થશે.

પેટિન્સન એસ્ટેટ એજન્સીના પ્રવક્તાના જણાવ્યા અનુસાર, આ ઘરમાં હાજર ગ્રાન્ડ પિયાનોની કિંમત લગભગ 7000 પાઉન્ડ છે. આ ઘરથી માત્ર 5 મિનિટના અંતરે તમામ સારી સુવિધાઓ છે. એજન્સીએ કહ્યું કે મિલકત સંપૂર્ણપણે ખંડેર હાલતમાં છે, તેથી તેની કિંમતનો અંદાજ કાઢવો મુશ્કેલ હતો.

જેથી કોઈ પણ વ્યક્તિ ઘર ખરીદી શકે, ઘરના માલિકે ઘરની કિંમત માત્ર 1 પાઉન્ડ રાખી છે અને ખરીદનારને પણ 7 લાખ રૂપિયા બોનસ તરીકે આપવામાં આવશે.