VIDEO : હે ભગવાન! મેચ જોવા માટે પરિવારના સભ્યોએ રોકી દીધો અંતિમ સંસ્કાર
હાલમાં જ દક્ષિણ અમેરિકાના દેશ ચિલીમાં એક અનોખી ઘટના બની, જેણે સોશિયલ મીડિયા પર ધૂમ મચાવી દીધી. અહીં એક
હાલમાં જ દક્ષિણ અમેરિકાના દેશ ચિલીમાં એક અનોખી ઘટના બની, જેણે સોશિયલ મીડિયા પર ધૂમ મચાવી દીધી. અહીં એક પરિવારે પોતાના પ્રિયજનના અંતિમ સંસ્કાર અટકાવીને ફૂટબોલ મેચ જોવાનું નક્કી કર્યું. તેનો વીડિયો પણ વાયરલ થયો છે, જેના પર સોશિયલ મીડિયા યૂઝર્સ તરફથી મિશ્ર પ્રતિક્રિયા જોવા મળી રહી છે.
મીડિયા રિપોર્ટ્સ અનુસાર, પરિવારે ચિલી અને પેરુ વચ્ચેની ફૂટબોલ મેચ જોવા માટે તેમના સંબંધીના અંતિમ સંસ્કાર અટકાવ્યા હતા. વાયરલ થઈ રહેલા વીડિયોમાં પરિવાર પ્રાર્થના રૂમમાં મોટી સ્ક્રીન પર ફૂટબોલ મેચની મજા લેતા જોઈ શકાય છે. તેમજ વચ્ચે એક શબપેટી છે, જે ફુલો અને ફૂટબોલ ખેલાડીઓની જર્સીથી શણગારવામાં આવી છે. આ સિવાય એક પોસ્ટર છે જેના પર લખ્યું છે, 'અંકલ ફેના...તમે મને આપેલી ખુશીની પળો માટે તમારો આભાર. અમે તમને હંમેશા યાદ રાખીશું.
આ વીડિયોને સોશિયલ સાઈટ X પર ટોમ વેલેન્ટિનો નામના યુઝરે શેર કર્યો છે. તેણે આશ્ચર્યજનક રીતે કેપ્શનમાં લખ્યું, ચિલી અને પેરુ વચ્ચેની ફૂટબોલ મેચ જોવા માટે એક પરિવારે અંતિમ સંસ્કાર અટકાવ્યો. હવે આ 18 સેકન્ડની ક્લિપ જોયા બાદ લોકો વિવિધ રીતે કોમેન્ટ કરી રહ્યા છે.
અહીં જુઓ વીડિયો, જ્યારે પરિવારના સભ્યો અંતિમ સંસ્કાર બંધ કરીને મેચ જોવા લાગ્યા
એક યૂઝરે કમેન્ટ કરી છે કે, 'જો મેચ જોવામાં આટલી જ રસ હતી તો બીજા દિવસે અંતિમ સંસ્કાર થવો જોઈએ.' સાથે જ લખ્યું છે કે, 'પરિવારના સભ્યો છેલ્લી મેચ એકસાથે જોઈને મૃતકોને શ્રદ્ધાંજલિ આપી રહ્યા છે.'
ચિલીમાં બનેલી આ અનોખી ઘટનાએ લોકોને હસાવ્યા તો કેટલાક ભાવુક પણ કર્યા. વીડિયોમાં એ પણ જોવા મળે છે કે પરિવારે પોતાના પ્રિયજનને તેની મનપસંદ રમતથી વિદાય આપવાની અનોખી રીત અપનાવી છે.
