VIDEO: Hershey’sની ચોકલેટ સીરપમાંથી નીકળ્યો 'મરેલો ઉંદર'! મહિલાએ શેર કર્યું તો કંપનીએ આપ્યો આવો રિપ્લાય
આજકાલ ખાદ્ય ચીજવસ્તુઓમાં જીવજંતુઓ અને મૃત પ્રાણીઓ મળી આવવા એ એક નવી સમસ્યા બની ગઈ છે. છેલ્લા કેટલાક
આજકાલ ખાદ્ય ચીજવસ્તુઓમાં જીવજંતુઓ અને મૃત પ્રાણીઓ મળી આવવા એ એક નવી સમસ્યા બની ગઈ છે. છેલ્લા કેટલાક દિવસોમાં આવા ઘણા કિસ્સાઓ સામે આવ્યા છે. હવે લેટેસ્ટ કિસ્સો Hershey’sની ચોકલેટ સીરપનો છે.
એક મહિલાનો દાવો છે કે તેની બોટલની અંદર એક મૃત ઉંદર મળી આવ્યો હતો. તેણે તેનો વીડિયો પણ શેર કર્યો છે. આ જોઈને લોકો આશ્ચર્યચકિત થઈ ગયા છે. મહિલાએ કહ્યું કે તેણે ઝેપ્ટો પાસેથી આનો ઓર્ડર આપ્યો હતો. તેણે ઈન્સ્ટાગ્રામ પર ફરિયાદ કરી હતી. કંપની તરફથી જવાબ પણ આપવામાં આવ્યો છે.
પ્રામી નામના યુઝરે પોતાની ઈન્સ્ટાગ્રામ પોસ્ટમાં લખ્યું છે કે, 'મારા ઝેપ્ટો ઓર્ડરમાં એક આશ્ચર્યજનક વસ્તુ જોવા મળી. દરેકની આંખો ખોલવા માટે આ માહિતી આપવામાં આવી રહી છે.' વીડિયોમાં જોઈ શકાય છે કે મહિલા પહેલા એક ચમચીમાં થોડું સીરપ કાઢે છે, જેમાં એક વાળ જોવા મળે છે, ત્યારબાદ તે ઢાંકણ ખોલે છે અને એક કપમાં સીરપ રેડે છે. આમાં તેને મૃત ઉંદર જોવા મળે છે. તેના પરિવારમાંથી એક વ્યક્તિ તેને પાણીથી ધોઈ નાખે છે. જેથી તે સ્પષ્ટપણે બતાવી શકે કે સીરપની અંદરથી મળેલી વસ્તુ મૃત ઉંદર છે.
મહિલાએ પોતાની પોસ્ટમાં લખ્યું, 'અમે ઝેપ્ટોમાંથી હર્શીનું ચોકલેટ સીરપ બ્રાઉની કેક સાથે ખાવા માટે મંગાવ્યું હતું. જ્યારે અમે તેને કેક પર રેડવાનું શરૂ કર્યું, ત્યારે નાના વાળ સતત દેખાવા લાગ્યા. પછી અમે તેને ખોલવાનું નક્કી કર્યું. જ્યારે તેને ખોલીને ડિસ્પોઝેબલ ગ્લાસમાં મુકવામાં આવ્યો ત્યારે એક મૃત ઉંદર મળી આવ્યો હતો. તે ઉંદર છે કે બીજું કંઈ જાણવા માટે, અમે તેને વહેતા પાણીમાં ધોઈ નાખ્યું. ત્યારે ખબર પડી કે તે મૃત ઉંદર હતો.'
ચોકલેટ સીરપ કંપની Hershey's એ પોસ્ટનો જવાબ આપ્યો છે. તેણે કહ્યું, 'અમે આ જોઈને ખૂબ દુઃખી છીએ. કૃપા કરીને અમને રેફરન્સ નંબર 11082163 સાથે [email protected] પર બોટલમાંથી UPC અને મેન્યુફેક્ચરિંગ કોડ મોકલો, જેથી અમારી ટીમના સભ્ય તમને મદદ કરી શકે!' સોશિયલ મીડિયા યુઝર્સ મહિલાના વીડિયો પર કોમેન્ટ કરીને પોતાનો પ્રતિભાવ આપી રહ્યા છે. એક યુઝરે લખ્યું, 'આ મેન્યુફેક્ચરિંગ પ્રોબ્લેમ છે. જો પ્રોડક્ટ સીલ બંધ આવે છે, તો ઝેપ્ટો તેના માટે જવાબદાર નથી. અન્ય યુઝર કહે છે, 'અમને કેવી રીતે જાણ થશે કે પ્રોડક્ટમાં કંઈક ખોટું છે? મારા માટે વેગન બનવાનો સમય આવી ગયો છે.'
