ક્રિકેટ જગતમાંથી આવ્યા દુઃખદ સમાચાર, ઓસ્ટ્રેલિયાના યુવા ખેલાડીનું માથા પર બોલ વાગવાથી થયું મૃત્યુ

ભારતીય ટીમ 5 મેચની T20I સિરીઝ માટે ઓસ્ટ્રેલિયાના પ્રવાસે છે. બંને ટીમો વચ્ચેની પહેલી T20I મેચ વરસાદને કારણે રદ્દ કરવામાં આવી હતી. આ દરમિયાન, ઓસ્ટ્રેલિયાના મેલબર્નથી દુ:ખદ સમાચાર સામે આવ્યા છે. 17 વર્ષીય ઓસ્ટ્રેલિયન ક્રિકેટર બેન ઓસ્ટિનને નેટમાં પ્રેક્ટિસ કરતી વખતે માથામાં બોલ વાગ્યો હતો અને ત્યારબાદ તેનું હોસ્પિટલમાં મૃત્યુ થયું હતું.

આ પણ વાંચો :

શ્રેયસ અય્યર હોસ્પિટલમાં એડમિટ છે, તો આ ખેલાડી દક્ષિણ આફ્રિકા સામે રમી શકે છે ODI સિરીઝ

ICUમાંથી બહાર નીકળ્યા બાદ શ્રેયસ અય્યરનું પહેલું નિવેદન સામે આવ્યું, ઈજા પર આપ્યું મોટું અપડેટ

ક્રિકેટ ઓસ્ટ્રેલિયાએ શોક વ્યક્ત કર્યો છે

ક્રિકેટ ઓસ્ટ્રેલિયાએ બેન ઓસ્ટિનના નિધન પર શોક વ્યક્ત કર્યો છે, સોશિયલ મીડિયા પ્લેટફોર્મ X પર પોસ્ટ કરીને કહ્યું છે કે, "ક્રિકેટ ઓસ્ટ્રેલિયા 17 વર્ષીય મેલબર્નના ક્રિકેટર બેન ઓસ્ટિનના નેટ્સમાં બેટિંગ કરતી વખતે દુર્ઘટનામાં થયેલા મૃત્યુથી આઘાતમાં છે." ક્રિકેટ વિક્ટોરિયાએ પણ શોક વ્યક્ત કર્યો છે. તેણે લખ્યું છે કે, "અમારી સંવેદના ઓસ્ટિન પરિવાર, બેનના સાથી ખેલાડીઓ, ફર્ન્ટ્રી ગલી ક્રિકેટ ક્લબ અને વિક્ટોરિયન ક્રિકેટ સમુદાય સાથે છે."

પ્રેક્ટિસ દરમિયાન તેના માથામાં બોલ વાગ્યો

ફર્ન્ટ્રી ગલી ક્રિકેટ ક્લબ અને એલ્ડન પાર્ક વચ્ચેની T20 મેચ પહેલા બેન ઓસ્ટિન નેટ્સમાં વોર્મઅપ કરી રહ્યો હતો. આ દરમિયાન એક બોલ સીધો તેના માથા પર વાગ્યો, જેના કારણે તે ઘાયલ થયો. સાથી ખેલાડીઓ તરત જ તેની મદદ માટે આવ્યા. દક્ષિણપૂર્વ મેલબર્ન વિસ્તાર ફર્ન્ટ્રી ગલીમાં વોલી ટુ રિઝર્વ ખાતે નેટ પ્રેક્ટિસ ચાલી રહી હતી.

બેન ઓસ્ટિન લાઇફ સપોર્ટ પર હતો

માથા પર બોલ વાગ્યા બાદ, બેન ઓસ્ટિનને તાત્કાલિક પ્રાથમિક સારવાર આપવામાં આવી. થોડીવારમાં જ એમ્બ્યુલન્સ, ફાયર ફાઈટર અને પોલીસ ઘટનાસ્થળે પહોંચી ગયા. ત્યારબાદ તેને હોસ્પિટલમાં લઈ જવામાં આવ્યો, જ્યાં તેને લાઈફ સપોર્ટ પર રાખવામાં આવ્યો. તેની હાલત ગંભીર હોવાનું જાણવા મળ્યું. રિંગવુડ અને ડિસ્ટ્રિક્ટ ક્રિકેટ એસોસિએશનના પ્રમુખ માઈકલ ફિને બેન ઓસ્ટિનને શક્ય તેટલી બધી મદદ કરવાનું વચન આપ્યું હતું. જોકે, ઓસ્ટિન આખરે જીવનની લડાઈ હારી ગયો.