WTC 2025ની ફાઈનલની તારીખ જાહેર કરાઈ, ભારત આ ઐતિહાસિક મેદાનમાં રચી શકે છે ઈતિહાસ

ICC એ વર્લ્ડ ટેસ્ટ ચેમ્પિયનશિપ 2025ની ફાઈનલ મેચની તારીખ જાહેર કરી છે. ફાઈનલ મેચ ઈંગ્લેન્ડના ઐતિહાસિક મેદાન લોર્ડ્સમાં 11-15 જૂને રમાશે. ફાઈનલ માટે 16 જૂનને રિઝર્વ ડે તરીકે રાખવામાં આવ્યો છે. વર્લ્ડ ટેસ્ટ ચેમ્પિયનશિપના ઈતિહાસમાં આ ત્રીજી ફાઈનલ મેચ હશે અને લોર્ડ્સ પ્રથમ વખત ફાઈનલ મેચનું આયોજન કરવા જઈ રહ્યું છે.

ICC ના સીઈઓએ આ સંદર્ભમાં એક નિવેદન જારી કરીને કહ્યું કે, "વર્લ્ડ ટેસ્ટ ચેમ્પિયનશિપની ફાઈનલ ખૂબ જ ઓછા સમયમાં ક્રિકેટ જગતની સૌથી રોમાંચક ઈવેન્ટમાંની એક બની ગઈ છે. તેથી, અમે 2025ની ફાઇનલની તારીખ જાહેર કરતાં ખૂબ જ ખુશ છીએ. આ વિશ્વમાં ટેસ્ટ ક્રિકેટની વધતી જતી અપીલની માન્યતા છે જેણે ફેન્સને તેના માટે દિવાના બનાવી દીધા છે, તેથી હું લોકોને વિનંતી કરું છું કે તેઓ આવતા વર્ષની મેચ માટે ટિકિટ બુક કરે."

ભારત બે વખત હારી ચૂક્યું છે

વર્લ્ડ ટેસ્ટ ચેમ્પિયનશિપની પ્રથમ ફાઈનલ 2021માં સાઉથેમ્પ્ટનમાં રમાઈ હતી, જ્યારે 2023ની ફાઈનલ ઓવલ મેદાનમાં યોજાઈ હતી. અત્યાર સુધી ન્યુઝીલેન્ડ અને ઓસ્ટ્રેલિયાએ અનુક્રમે 2021 અને 2023માં આ ખિતાબ જીત્યો છે. બંને વખત ભારતને ફાઈનલ મેચમાં હારનો સામનો કરવો પડ્યો હતો.