અફઘાનિસ્તાનને હરાવ્યા પછી હવે ટીમ ઈન્ડિયા ક્યારે અને કોની સામે રમશે? એશિયન ગેમ્સ પહેલા યોજાશે T20I મેચ
છેલ્લું અપડેટ : 18 Sept 2026
શ્રેયસ અય્યરની આગેવાની હેઠળની ટીમ ઈન્ડિયાએ ત્રણ મેચની T20 સિરીઝમાં અફઘાનિસ્તાનને ક્લીન સ્વીપ કર્યું. ટીમ ઈન્ડિયાએ આ સિરીઝમાં શાનદાર પ્રદર્શન કર્યું, ત્રણેય મેચ એકતરફી રીતે જીતીને સિરીઝ 3-0થી જીતી. ભારત-અફઘાનિસ્તાન T20 સિરીઝના સમાપન પછી ફેન્નાસ મનમાં સૌથી મોટો પ્રશ્ન એ છે કે ટીમ ઈન્ડિયા આગામી મેચ ક્યારે રમશે.
ટીમ ઈન્ડિયા આ મહિને એશિયન ગેમ્સમાં પોતાના ખિતાબનો બચાવ કરવાના ઈરાદા સાથે મેદાનમાં ઉતરશે. જોકે, એશિયન ગેમ્સ પહેલા ટીમ ઈન્ડિયાએ T20 આંતરરાષ્ટ્રીય મેચ રમવાની છે. તો ચાલો જાણીએ કે ટીમ ઈન્ડિયા તેની આગામી મેચ ક્યારે અને કોની સામે રમશે?
એશિયન ગેમ્સમાં ભારતની પહેલી મેચ 28 સપ્ટેમ્બરે થશે
અફઘાનિસ્તાનને 3-0થી હરાવ્યા બાદ, ટીમ ઈન્ડિયા ટૂંક સમયમાં જાપાનમાં 2026 એશિયન ગેમ્સ માટે રવાના થશે. એશિયન ગેમ્સમાં પુરુષોની ક્રિકેટ સ્પર્ધા 24 સપ્ટેમ્બરથી શરૂ થવાની છે. યજમાન જાપાન અને અફઘાનિસ્તાન શરૂઆતના દિવસે એકબીજા સામે ટકરાશે, ત્યારબાદ તે જ દિવસે હોંગકોંગ ચાઈના અને મલેશિયા વચ્ચે મેચ રમાશે.
ટીમ ઈન્ડિયા 28 સપ્ટેમ્બરે પોતાનો પહેલો મુકાબલો રમશે, તે સીધો ક્વાર્ટર ફાઈનલમાં રમશે. જોકે, હજુ સુધી એ નક્કી થયું નથી કે ભારત કોનો સામનો કરશે. આ મેચમાં જીત ટીમ ઈન્ડિયાને સેમીફાઈનલમાં આગળ ધપાવશે. જોકે, એશિયન ગેમ્સના અભિયાનની શરૂઆત કરતા પહેલા, ટીમ ઈન્ડિયા એક T20 આંતરરાષ્ટ્રીય મેચ રમશે.
ભારત અને જાપાન વચ્ચે 22 સપ્ટેમ્બરે એક ઐતિહાસિક T20I મેચ રમાશે
એશિયન ગેમ્સ પહેલા, ટીમ ઈન્ડિયા જાપાન સામે T20I મેચ રમશે. આ ઐતિહાસિક મેચ 22 સપ્ટેમ્બરે સાનો ઇન્ટરનેશનલ ક્રિકેટ સ્ટેડિયમ ખાતે રમાશે. આ એકમાત્ર મેચની T20 સિરીઝને 'સુઝુકી સિરીઝ' નામ આપવામાં આવ્યું છે. એશિયન ગેમ્સ માટે પસંદ કરાયેલી ટીમ ઈન્ડિયા આ મેચમાં રમશે. આ મેચ ભારતીય ખેલાડીઓ માટે પરિસ્થિતિઓથી પરિચિત થવા અને એશિયન ગેમ્સ માટે તૈયારી કરવાની સારી તક હશે.
એશિયન ગેમ્સ 2026 માટે ભારતની ટીમ
શ્રેયસ અય્યર (કેપ્ટન), અભિષેક શર્મા, સંજુ સેમસન (વિકેટકીપર), ઈશાન કિશન (વિકેટકીપર), શિવમ દુબે, તિલક વર્મા (વાઈઝ-કેપ્ટન), નીતિશ કુમાર રેડ્ડી, અક્ષર પટેલ, વોશિંગ્ટન સુંદર, વરુણ ચક્રવર્તી, રવિ બિશ્નોઈ, જસપ્રીત બુમરાહ, અર્શદીપ સિંહ, વૈભવ સૂર્યવંશી, યશ ઠાકુર.