VIDEO: ગૌતમ ગંભીર અને પંડિતજીને છોડીને KKRના યુવા સ્ટારે DCના કોચ પાસેથી લીધી ટિપ્સ, વીડિયો વાયરલ

IPLની 47મી મેચમાં KKRએ DCને 7 વિકેટથી હરાવીને ધમાકેદાર જીત દાખવી હતી. મેચમાં KKRના બોલરોએ જોરદાર પ્રદર્શન કર્યું અને DCને માત્ર 157 રનમાં જ રોકી દીધી. આ પછી KKRએ 21 બોલ બાકી રહેતા ટાર્ગેટ હાંસલ કરી લીધો હતો. મેચ ખતમ થયા બાદ બંને ટીમના ખેલાડીઓ એકબીજાને મળ્યા અને વાતો કરી, પરંતુ આ દરમિયાન KKRના યુવા સ્ટાર અંગક્રિશ રઘુવંશીએ જે કર્યું તેના ખૂબ વખાણ થઈ રહ્યા છે. 

X પર જુઓ

મેચ પૂરી થયા પછી, જ્યારે ખેલાડીઓ એકબીજા સાથે વાત કરવામાં વ્યસ્ત હતા, ત્યારે અંગક્રિશ દિલ્હી કેપિટલ્સના કોચ અને ભૂતપૂર્વ ઑસ્ટ્રેલિયન બેટ્સમેન રિકી પોન્ટિંગ પાસે બેટિંગ ટિપ્સ લેવા ગયો હતો. પોન્ટિંગે પણ તેને નિરાશ ન કર્યો. તેણે અંગક્રિશને પુલ શોટ સારી રીતે મારવાની ટેકનિક સમજાવી હતી

અંડર-19 વર્લ્ડ કપમાં પોતાની રમતથી પ્રભાવિત કરનાર અંગક્રિશને જ્યારે લાગે છે કે તેને કોઈ પ્રકારની ટિપ્સની જરૂર છે, ત્યારે તે તરત જ તેના વરિષ્ઠ ખેલાડીઓ અને કોચિંગ સ્ટાફની મદદ લે છે. KKR પાસે રમાકાંત પંડિત અને ગૌતમ ગંભીર જેવા અનુભવી ક્રિકેટ કોચ છે. ગૌતમ ગંભીરે ખુદ પોતાની કેપ્ટનશીપમાં KKRને ચેમ્પિયન બનાવ્યું છે.