IND vs NZ / પહેલી જ ઓવરમાં આપી દીધા આટલા રન, ભારતીય બોલરના નામે જોડાયો અનિચ્છનીય રેકોર્ડ
છેલ્લું અપડેટ : 24 Jan 2026
રાયપુરમાં રમાયેલી ભારત અને ન્યુઝીલેન્ડ વચ્ચેની બીજી T20 આંતરરાષ્ટ્રીય મેચમાં ભારતીય ફાસ્ટ બોલર અર્શદીપ સિંહે એક એવો રેકોર્ડ બનાવ્યો, જે કોઈ બોલર પોતાની કારકિર્દીમાં નથી બનાવવા માંગતો. ભારતીય પેસ એટેકનું નેતૃત્વ કરતા અર્શદીપ સિંહે મેચની પહેલી ઓવરમાં 18 રન આપ્યા હતા.
પ્રથમ ઓવરમાં સૌથી વધુ રન આપ્યા
23 જાન્યુઆરીના રોજ શહીદ વીર નારાયણ સિંહ ઇન્ટરનેશનલ સ્ટેડિયમ ખાતે રમાયેલી મેચમાં અર્શદીપ સિંહે નવા બોલથી બોલિંગની શરૂઆત કરી હતી. ન્યુઝીલેન્ડના લેફટી ઓપનર ડેવોન કોનવેએ શરૂઆતથી જ તેને નિશાન બનાવ્યો. કોનવેએ પ્રથમ ઓવરમાં 3 ચોગ્ગા અને 1 છગ્ગો ફટકારીને કુલ 18 રન બનાવ્યા, જેનાથી ભારત દબાણમાં આવી ગયું હતું.
T20Iમાં સૌથી મોંઘી પહેલી ઓવર (ભારતીય બોલર)
અર્શદીપ સિંહના 18 રન એ ભારતીય બોલર દ્વારા T20I મેચમાં પહેલી ઓવરમાં આપેલા સૌથી વધુ રન છે. આ રેકોર્ડમાં તેણે ભુવનેશ્વર કુમારની બરાબરી કરી. ભુવનેશ્વરે 28 જૂન, 2022ના રોજ ડબલિનમાં આયર્લેન્ડ સામેની પોતાની પહેલી ઓવરમાં 18 રન આપ્યા હતા. જોકે, તે ઓવર રન ચેઝ દરમિયાન હતી અને અર્શદીપે આ ઓવર પહેલી ઈનિંગમાં ફેંકી હતી.
T20Iમાં ભારતીય બોલરો દ્વારા સૌથી મોંઘી પહેલી ઓવર
- અર્શદીપ સિંહ - 18 રન (ભારત vs ન્યુઝીલેન્ડ, રાયપુર, 2026)
- ભુવનેશ્વર કુમાર - 18 રન (ભારત vs આયર્લેન્ડ, ડબલિન, 2022)
- રવિચંદ્રન અશ્વિન - 17 રન (ભારત vs ઈંગ્લેન્ડ, બર્મિંગઘમ, 2014)
- મોહમ્મદ શમી - 17 રન (ભારત vs વેસ્ટ ઈન્ડિઝ, લોડરહિલ, 2016)
- મોહમ્મદ શમી - 17 રન (ભારત vs ઈંગ્લેન્ડ, મુંબઈ, 2025)
