IND vs WI / ત્રીજી ODIમાં હાર માટે આ 5 ખેલાડીઓ જવાબદાર, સિરીઝ જીતવાની મજા ખરાબ થઈ ગઈ
છેલ્લું અપડેટ : 04 Oct 2026
ભારતીય ક્રિકેટ ટીમને ત્રીજી અને અંતિમ ODમાં હારનો સામનો કરવો પડ્યો. પહેલા બેટિંગ કરતા ટીમ ઈન્ડિયાએ 351 રન બનાવ્યા. જવાબમાં, વેસ્ટ ઈન્ડિઝે 48.2 ઓવરમાં 5 વિકેટ ગુમાવીને 352 રન બનાવ્યા અને મેચ પાંચ વિકેટથી જીતી લીધી. ભારતીય ટીમે સિરીઝ 2-1થી જીતી હોવા છતાં, કેટલાક ખેલાડીઓએ હજુ પણ ફેન્સને નિરાશ કર્યા છે આ 5 ખેલાડીઓનું પ્રદર્શન ખાસ કરીને ત્રીજી ODIમાં નિરાશાજનક રહ્યું હતું.
અંશુલ કંબોજ
યુવા ફાસ્ટ બોલર અંશુલ કંબોજે ત્રીજી ODIમાં ડેબ્યુ કર્યું, માત્ર 9 ઓવરમાં 82 રન આપ્યા. તેનો ઇકોનોમી રેટ 9.10 હતો. અંશુલની બોલિંગમાં બે કેચ પણ છૂટ્યા હતા. જોકે, તે ઉપરાંત, તેણે ખરાબ બોલિંગ કરી. કંબોજ પહેલી મેચમાં પ્રભાવ પાડવામાં નિષ્ફળ ગયો.
ગુરનૂર બરાર
ફાસ્ટ બોલર ગુરનૂર બરારે સતત ત્રીજી મેચમાં નિરાશ કર્યા છે. તે ત્રીજી ODIમાં પણ કંઈ ખાસ ન કરી શક્યો ગુરનૂરે 9.1 ઓવરમાં 64 રન આપ્યા, ફક્ત એક વિકેટ લીધી. તેનો ઇકોનોમી રેટ 7 હતો. બરાર પાસે વાપસી કરવાની તક હતી, પરંતુ તે ચૂકી ગયો.
મોહમ્મદ સિરાજ
અનુભવી ફાસ્ટ બોલર મોહમ્મદ સિરાજને લાંબા સમયની રાહ બાદ પ્લેઈંગ ઈલેવન માં તક મળી હતી પરંતુ તે તેનો લાભ લેવામાં નિષ્ફળ ગયો. વેસ્ટ ઈન્ડિઝ સામેની ત્રીજી ODIમાં, સિરાજે આઠ ઓવરમાં ફક્ત એક વિકેટ લીધી, જેમાં 52 રન આપ્યા. તેનો ઇકોનોમી રેટ રેટ 6.50 હતો. સિરાજે લાઇન અને લેન્થમાં પણ ઘણી ભૂલો કરી.
નીતિશ કુમાર રેડ્ડી
ઉભરતા ફાસ્ટ બોલિંગ ઓલરાઉન્ડર નીતિશ કુમાર રેડ્ડીએ આ મેચમાં બેટ અને બોલ બંનેથી ખૂબ નિરાશ કર્યા. બેટથી, તેણે 16 બોલમાં ફક્ત 9 રન બનાવ્યા. તેની પાસે ઈનિંગ ફિનિશ કરવાની સારી તક હતી. રેડ્ડીએ 6.5 ઓવરમાં એક પણ વિકેટ લીધા વિના 50 રન આપ્યા. આ સમયગાળા દરમિયાન રેડ્ડીનો ઇકોનોમી રેટ 7.30 હતો.
કુલદીપ યાદવ
પહેલી મેચમાં સ્પિનર કુલદીપ યાદવ પ્લેયર ઓફ ધ મેચ હતો. બીજી મેચમાં પણ તે ટીમ ઈન્ડિયાનો મુખ્ય બોલર હતો. ત્રીજી ODI કુલદીપ યાદવે નિરાશા વ્યક્ત કરી. તેણે પોતાની 10 ઓવરમાં 62 રન આપ્યા અને માત્ર એક વિકેટ લીધી. આ સમયગાળા દરમિયાન તેનો ઇકોનોમી રેટ 6.20 હતો.