IND vs NZ / 'તેને કેમ પસંદ ન કરવમાં આવ્યો, તે...', મોહમ્મદ સિરાજના સપોર્ટમાં ઉતર્યા સુનીલ ગાવસ્કર

IND vs NZ / 'તેને કેમ પસંદ ન કરવમાં આવ્યો, તે...', મોહમ્મદ સિરાજના સપોર્ટમાં ઉતર્યા સુનીલ ગાવસ્કર
તસવીર: gstv
આ સમાચાર સાંભળો

ભારત અને ન્યુઝીલેન્ડ વચ્ચે મર્યાદિત ઓવર્સની સિરીઝના સમાપન પછી બે મેચની ટેસ્ટ સિરીઝ હવે શરૂ થઈ ગઈ છે, જેની પહેલી મેચ વેલિંગ્ટનના બેસિન રિઝર્વ સ્ટેડિયમમાં રમાઈ રહી છે. આ મેચ માટે ટીમ ઈન્ડિયાની પ્લેઈંગ ઈલેવન પર સૌથી વધુ ધ્યાન કેન્દ્રિત કરવામાં આવ્યું હતું, જેમાં ચાર ફાસ્ટ બોલર્સને મેદાનમાં ઉતારવાનો નિર્ણય શામેલ હતો, પરંતુ મોહમ્મદ સિરાજનો સમાવેશ નહતો કરવામાં આવ્યો. ટીમ મેનેજમેન્ટ અને કેપ્ટન શુભમન ગિલના આ નિર્ણયથી ભૂતપૂર્વ ભારતીય ખેલાડી અને દિગ્ગજ બેટ્સમેન સુનિલ ગાવસ્કર સહિત બધાને આશ્ચર્ય થયું છે, જેમણે સિરાજને પ્લેઈંગ ઈલેવનમાંથી બહાર રાખવાના નિર્ણય પર સવાલ ઉઠાવ્યા છે.

'સિરાજે વિદેશી પરિસ્થિતિઓમાં તમારા માટે ખૂબ સારું પ્રદર્શન કર્યું છે'

વેલિંગ્ટન ટેસ્ટમાંથી મોહમ્મદ સિરાજને બાકાત રાખવાના નિર્ણય અંગે બ્રોડકાસ્ટર સોની સ્પોર્ટ્સ પર વાત કરતા સુનિલ ગાવસ્કરે કહ્યું કે, "સિરાજે ભારતીય ટેસ્ટ ટીમમાં પોતાનું સ્થાન જાળવી રાખવા માટે સારું પ્રદર્શન કર્યું છે, ખાસ કરીને વિદેશી પરિસ્થિતિઓમાં તેની રમતને ધ્યાનમાં લેતા. મેનેજમેન્ટે એવા બોલરને કેમ છોડી દીધો જેણે દેશ માટે સતત સારું પ્રદર્શન કર્યું છે? જ્યારે તેને ટેસ્ટ ટીમમાં શરૂઆતમાં સામેલ નહતો કરવામાં આવ્યો, ત્યારે કેટલાક સંકેતો પહેલાથી જ હતા. મને લાગ્યું હતું કે તેને તેની છેલ્લી ODI પછી ટેસ્ટ ટીમમાં તક મળશે. પરંતુ આ ખરેખર આશ્ચર્યજનક છે. મને નથી લાગતું કે તેણે દેશ માટે રમતી વખતે ક્યારેય નિરાશ કર્યા છે. તેણે ક્યારેય નિરાશ નથી કર્યા."

જાહેરાત

સિરાજની બોલિંગ લયમાં પણ કોઈ ખાસ ઘટાડો નથી જોવા મળ્યો

સુનિલ ગાવસ્કરે મોહમ્મદ સિરાજ વિશેના પોતાના નિવેદનમાં વધુમાં કહ્યું હતું કે, "તેની બોલિંગમાં કોઈ ખામીઓ નથી. તેની લય સારી છે. તે તાજેતરમાં રમાયેલા તમામ ક્રિકેટમાં ખૂબ જ સારો દેખાતો હતો. તેને કેમ પસંદ ન કરવામાં નહીં તે મારી સમજની બહાર છે. હું ફક્ત આશા રાખું છું કે તેના સ્થાને પસંદ કરાયેલા ખેલાડીઓ સારું પ્રદર્શન કરે." વેલિંગ્ટન ટેસ્ટમાં બુમરાહ ઉપરાંત આકાશ દીપ, પ્રસિદ્ધ કૃષ્ણા અને અંશુલ કંબોજને ભારતની પ્લેઈંગ ઈલેવનમાં ફાસ્ટ બોલર તરીકે સામેલ કરવામાં આવ્યા છે.

આ સમાચાર શેર કરો

જાહેરાત