IND vs NZ / ન્યુઝીલેન્ડ સામે આવી હોઈ શકે છે ભારતની ODI ટીમ, શ્રેયસ અય્યર અને જસપ્રીત બુમરાહની થશે વાપસી
છેલ્લું અપડેટ : 06 Oct 2026
ટીમ ઈન્ડિયા ન્યુઝીલેન્ડ સામે પાંચ મેચની ODI સિરીઝ રમવાની છે. આ સિરીઝ માટે ટીમ આગામી 24 કલાકમાં જાહેર થવાની ધારણા છે. ચીફ સિલેક્ટર તરીકે પ્રજ્ઞાન ઓઝાનું આ પહેલું સિલેક્શન હશે. બધાની નજર તેના પર છે. ODI સિરીઝની પહેલી મેચ મેચ 4 નવેમ્બરે રમાશે, જ્યારે ભારતીય ટીમ 7 ઓક્ટોબરે જાહેર કરવામાં આવશે. ભારતીય પસંદગીકારો ODI ટીમમાં કેટલાક સ્ટાર ખેલાડીઓને પાછા લાવી શકે છે.
સ્ટાર ખેલાડીઓ ટીમ ઈન્ડિયામાં પાછા આવી શકે છે
શ્રેયસ અય્યર, ઈશાન કિશન, અક્ષર પટેલ, વોશિંગ્ટન સુંદર, અર્શદીપ સિંહ અને જસપ્રીત બુમરાહ ન્યુઝીલેન્ડ સામેની ODI સિરીઝ માટે ટીમમાં પાછા આવી શકે છે. આ બધા ખેલાડીઓ એશિયન ગેમ્સ 2026માં રમતા જોવા મળ્યા હતા, જેના કારણે આ સ્ટાર્સ વેસ્ટ ઈન્ડિઝ સામેની ODI સિરીઝ માટે ટીમમાં સામેલ નહતા. આ છ ખેલાડીઓ ICC ODI વર્લ્ડ કપ 2027માં ટીમ માટે મહત્ત્વપૂર્ણ સાબિત થશે. ઈજાને કારણે, પ્રસિદ્ધ કૃષ્ણા આ સિરીઝનો ભાગ ન બની શકે.
ઈજામાંથી સ્વસ્થ થયા પછી હર્ષિત રાણા પણ વાપસી કરી શકે છે, જેના કારણે નંબર 8 ખેલાડીની શોધનો અંત આવી શકે છે. કેપ્ટન શુભમન ગિલ, રોહિત શર્મા, વિકેટકીપર-બેટ્સમેન કેએલ રાહુલ અને વિરાટ કોહલી બધાની પુષ્ટિ થયેલ છે. ઈજાને કારણે હાર્દિક પંડ્યા પણ આ સિરીઝમાંથી બહાર થઈ ગયો છે, જેના કારણે ફરી એકવાર નીતિશ કુમાર રેડ્ડીને ટીમમાં સામેલ કરવામાં આવી શકે છે. મોહમ્મદ સિરાજ, ઋતુરાજ ગાયકવાડ અને ગુરનૂર બરારને પોતાને સાબિત કરવા માટે વધુ તકો મળી શકે છે. યશસ્વી જયસ્વાલને એક પણ મેચ રમ્યા વિના ટીમમાંથી બહાર કરી શકાય છે. નમન ધીરને પણ તક મળે તેવી શક્યતા નથી.
ભારતની સંભવિત ODI ટીમ
શુભમન ગિલ, રોહિત શર્મા, વિરાટ કોહલી, શ્રેયસ અય્યર, કેએલ રાહુલ (વિકેટકીપર), ઈશાન કિશન (વિકેટકીપર), નીતિશ કુમાર રેડ્ડી, અક્ષર પટેલ, વોશિંગ્ટન સુંદર, અર્શદીપ સિંહ, મોહમ્મદ સિરાજ, જસપ્રીત બુમરાહ, ગુરનુર બરાર, હર્ષિત રાણા, ઋતુરાજ ગાયકવાડ.
ODI સિરીઝનું શેડ્યૂલ
પ્રથમ ODI - 4 નવેમ્બર, 2026 - ઇડન પાર્ક
બીજી ODI - 7 નવેમ્બર, 2026 - હેનરી સ્ટેડિયમ
ત્રીજી ODI - 10 નવેમ્બર, 2026 - સેડન પાર્ક
ચોથી ODI - 13 નવેમ્બર, 2026 - બે ઓવલ
પાંચમી ODI - 15 નવેમ્બર, 2026 - બે ઓવલ