T20 World Cup 2026: મેચોની ટિકિટને લઈ ક્રિકેટરસિકો માટે મોટી જાહેરાત
છેલ્લું અપડેટ : 18 Dec 2025
T20 વર્લ્ડ કપ 2026ની મેચોની ટિકિટનું વેચાણ શરૂ થઈ ગયું છે. આ વચ્ચે કોલકાતાના ઈડન ગાર્ડન્સને મેનેજ કરનારી ક્રિકેટ એસોસિએશન ઓફ બંગાળ (CAB)એ બુધવાર, 17 ડિસેમ્બરના રોજ T20 વર્લ્ડ કપ મેચોની ટિકિટની કિંમતોનું એલાન કરી દીધું છે. કોલકાતાના ઈડન ગાર્ડન્સમાં યોજાનારી ગ્રુપ સ્ટેજ મેચો અને નોકઆઉટ મેચો માટે કિંમતો અલગ-અલગ રાખવામાં આવી છે.
આ પ્રતિષ્ઠિત ટુર્નામેન્ટની 10મી સીઝન 7 ફેબ્રુઆરીથી શરૂ થશે. તમને T20 વર્લ્ડ કપ મેચોની ટિકિટ 100-100 રૂપિયામાં પણ મળશે. જોકે, આ કિંમતે તમને ભારતની મેચોની ટિકિટ નહીં મળશે.
ક્રિકેટ ફેન્સ માટે લોટરી
બાંગ્લાદેશ vs ઈટાલી, ઈંગ્લેન્ડ vs ઈટાલી અને વેસ્ટ ઈન્ડીઝ vs ઈટાલીની ગ્રુપ મેચોની ટિકિટના ભાવ આ મુજબ છે: પ્રીમિયમ હોસ્પિટાલિટી (B પ્રીમિયમ)ની કિંમત 4,000 રૂપિયા હશે, જ્યારે લોઅર બ્લોક B અને Lની કિંમત 1,000 રૂપિયા હશે, લોઅર બ્લોક C, F અને K ની કિંમત 200 રૂપિયા હશે, લોઅર બ્લોક D, E, G, H અને J ની કિંમત પણ 200 રૂપિયા હશે. જ્યારે, અપર બ્લોક B1, C1, D1, F1, G1, H1, K1 અને L1ની ટિકિટની કિંમત માત્ર 100 રૂપિયામાં મળશે.
આ મેચોની ટિકિટો માટે ચૂકવવા પડશે વધારે ભાવ
વેસ્ટ ઈન્ડિઝ vs બાંગ્લાદેશ અને ઈંગ્લેન્ડ vs બાંગ્લાદેશ ગ્રુપ મેચો માટે ટિકિટના ભાવ થોડા વધારે છે, કારણ કે આ મેચો માટે ચાહકોની સંખ્યા વધુ હોવાની અપેક્ષા છે. પ્રીમિયમ હોસ્પિટાલિટી (B પ્રીમિયમ) ટિકિટની કિંમત 5,000 હશે, જ્યારે લોઅર બ્લોક્સ B અને Lની કિંમત 1,500 હશે. લોઅર બ્લોક્સ C, F અને Kની ટિકિટની કિંમત 1,000, લોઅર બ્લોક્સ D, E, G, H અને Jની કિંમત 500 અને અપર બ્લોક્સ B1, C1, D1, F1, G1, H1, K1 અને L1 ની કિંમત 300 છે.
ઈડન ગાર્ડન્સમાં રમાનારી સુપર આઠ મેચ અને સેમિફાઈનલ માટે પ્રીમિયમ હોસ્પિટાલિટી (B પ્રીમિયમ) ટિકિટની કિંમત 10,000 રાખવામાં આવી છે. લોઅર બ્લોક B અને L ટિકિટની કિંમત 3,000, લોઅર બ્લોક C, F અને Kની કિંમત 2,500, લોઅર બ્લોક D, E, G, H અને Jની કિંમત 1,500 હશે, જ્યારે અપર બ્લોક B1, C1, D1, F1, G1, H1, K1 અને L1ની કિંમત 900 હશે. ટીમ ઈન્ડિયા કોઈ પણ મેચ આ મેદાન પર લીગ ફેઝમાં નથી રમવાની.
