IND-A vs SA-A / ભારત પ્રવાસ માટે જાહેર થઈ સાઉથ આફ્રિકા A ટીમ, ટેમ્બા બવુમાનો પણ થયો સમાવેશ
છેલ્લું અપડેટ : 17 Oct 2025
ઈજામાંથી સ્વસ્થ થયા બાદ, સાઉથ આફ્રિકાના ટેસ્ટ કેપ્ટન ટેમ્બા બવુમાનો ભારત પ્રવાસ માટે સાઉથ આફ્રિકા-A ટીમમાં સમાવેશ કરવામાં આવ્યો છે. બવુમાને પાકિસ્તાન સામેની ટેસ્ટ સિરીઝ માટે સાઉથ આફ્રિકાની ટીમમાં જગ્યા નહતી મળી. આગામી ભારત પ્રવાસ અને તેની રિકવરીને ધ્યાનમાં રાખીને તે ODI સિરીઝનો પણ ભાગ નથી.
તે ભારતમાં રમાનારી બે ફર્સ્ટ-ક્લાસ મેચમાંથી બીજી મેચ માટે ઉપલબ્ધ રહેશે, જે બેંગલુરુમાં રમાશે. સાઉથ આફ્રિકા-Aનો પ્રવાસ આ મહિનાના અંતમાં શરૂ થશે. સાઉથ આફ્રિકા 14 નવેમ્બરથી 19 ડિસેમ્બર દરમિયાન ભારતમાં બે ટેસ્ટ, ત્રણ ODI અને પાંચ T20I રમશે.
પગની ઘૂંટીમાં ઈજા
પાકિસ્તાન પછી ઉપખંડમાં આ તેનો સતત બીજો વિદેશ પ્રવાસ હશે. સપ્ટેમ્બરમાં ઈંગ્લેન્ડમાં મર્યાદિત ઓવરની સિરીઝ દરમિયાન પગની ઘૂંટીમાં ઈજા થયા બાદ બવુમા વર્લ્ડ ટેસ્ટ ચેમ્પિયનશિપ (WTC) ટાઈટલ ડિફેન્સ દરમિયાન તાત્કાલિક ટીમનું નેતૃત્વ કરી નહતો કરી શક્યો.
ચાર દિવસીય મેચોમાં ટીમનું નેતૃત્વ ટોપ ઓર્ડરનો બેટ્સમેન માર્કસ એકરમેન કરશે અને ટીમમાં ઝુબૈર હમઝા અને પ્રેનેલન સુબ્રાયનનો પણ સમાવેશ થશે, જે બંને પાકિસ્તાનમાં ટેસ્ટ ટીમનો ભાગ છે. સુબ્રાયન લાહોર મેચમાં રમ્યો હતો, જે સાઉથ આફ્રિકા 93 રનથી હારી ગયું હતું.
બેંગલુરુમાં રમાશે મેચ
સાઉથ આફ્રિકા માટે મર્યાદિત ઓવરની ક્રિકેટ રમતા ફાસ્ટ બોલર કોડી યુસુફનો પણ ટીમમાં સમાવેશ કરવામાં આવ્યો છે. બંને ચાર દિવસીય મેચ 30 ઓક્ટોબરથી 9 નવેમ્બર દરમિયાન બેંગલુરુમાં BCCI સેન્ટર ઓફ એક્સેલન્સ ખાતે રમાશે.
સાઉથ આફ્રિકા-A 13થી 19 નવેમ્બર દરમિયાન રાજકોટમાં ઈન્ડિયા-A સામે ત્રણ ODI મેચ પણ રમશે. લેફ્ટ આર્મ ફાસ્ટ બોલર ક્વેના મ્ફાકા હેમસ્ટ્રિંગની ઈજામાંથી વાપસી કરશે, જેના કારણે તે પાકિસ્તાનમાં મર્યાદિત ઓવરની સિરીઝમાંથી બહાર થઈ ગયો.
અનઓફિશિયલ ટેસ્ટ મેચ માટે આફ્રિકા A ટીમ
માર્કસ એકરમેન (કેપ્ટન), ટેમ્બા બવુમા (બીજી મેચ માટે), ઓકુહ્લે સેલે, ઝુબેર હમઝા, જોર્ડન હરમન, રુબિન હરમન, રિવાલ્ડો મૂનસામી, ત્શેપો મોરેકી, મિહલાલી મપોંગવાના, લેસેગો સેનોકવાને, પ્રેનેલન સુબ્રાયન, કાઈલ સિમોન્ડ્સ, ત્શેપો નદવાંડવા, જેસન સ્મિથ, તિયાન વાન વુરેન, કોડી યુસુફ.
