RCB આઈપીએલના ઈતિહાસની સૌથી મોંઘી ટીમ બની, 4 કંપનીઓએ 16,706 કરોડમાં ખરીદી

IPLની સૌથી લોકપ્રિય ટીમોમાંથી એક અને વર્તમાન ડિફેન્ડિંગ ચેમ્પિયન, રોયલ ચેલેન્જર્સ બેંગ્લોર (RCB) હવે નવા માલિકો દ્વારા હસ્તગત કરવામાં આવી છે. આદિત્ય બિરલા ગ્રુપ, ટાઇમ્સ ઓફ ઇન્ડિયા ગ્રુપ, બોલ્ટ વેન્ચર્સ અને બ્લેકસ્ટોને સંયુક્ત રીતે ટીમને આશરે $1.78 બિલિયન (આશરે રૂ. 16,706 કરોડ) માં આ ટીમને હસ્તગત કરી છે. આ સાથે RCB આઈપીએલના ઈતિહાસની સૌથી મોંઘી ટીમ બની ગઈ છે. 

ઉલ્લેખનીય છે કે, આ સોદા પહેલા, અમેરિકન ઉદ્યોગપતિ કાલ સોમાનીએ પણ રાજસ્થાન રોયલ્સ લગભગ રૂ. 15,000 કરોડમાં હસ્તગત કરી હતી. આનો અર્થ એ છે કે એક જ દિવસમાં બે IPL ટીમોની માલિકી બદલાઈ ગઈ છે.

એક અહેવાલ મુજબ, આ સોદામાં RCBનો 100% હિસ્સો ટ્રાન્સફર કરવામાં આવશે. આ સોદામાં IPL તેમજ WPL (મહિલા ટીમ)નો સમાવેશ થાય છે. આનો અર્થ એ છે કે હવે આ ચાર ભાગીદારો પાસે RCB પુરુષ અને મહિલા બંને ટીમોની માલિકી છે.

ટીમનું સંચાલન કોણ કરશે?

નવી માલિકી હેઠળ:

* આર્યમન વિક્રમ બિરલા (આદિત્ય બિરલા ગ્રુપ) ચેરમેન રહેશે.

* સત્યન ગજવાની (ટાઈમ્સ ગ્રુપ) વાઇસ ચેરમેન રહેશે.

આ કન્સોર્ટિયમમાં ડેવિડ બ્લિટ્ઝર (બોલ્ટ વેન્ચર્સ) અને વિરલ પટેલ (બ્લેકસ્ટોન) પણ સામેલ છે.