VIDEO: ગોલ્ડ મેડલ જીતનાર નવદીપ માટે જમીન પર બેઠા પીએમ મોદી, પછી આપ્યો ઓટોગ્રાફ
વડાપ્રધાન નરેન્દ્ર મોદી 12 સપ્ટેમ્બરે ભારતના પેરિસ પેરાલિમ્પિક હીરોને મળ્યા હતા. આ ખાસ અવસર પર પીએમ
વડાપ્રધાન નરેન્દ્ર મોદી 12 સપ્ટેમ્બરે ભારતના પેરિસ પેરાલિમ્પિક હીરોને મળ્યા હતા. આ ખાસ અવસર પર પીએમ મોદીએ ખેલાડીઓને તેમના ઐતિહાસિક પ્રદર્શન માટે અભિનંદન પાઠવ્યા હતા. દિલ્હીના પેરા એથ્લેટ અને જેવલિન થ્રો ગોલ્ડ મેડલિસ્ટ નવદીપ સિંહ સાથે વડાપ્રધાનની મુલાકાત ખૂબ જ અનોખી હતી, જેમાં વડાપ્રધાન નવદીપ સાથે મજાક કરતા જોવા મળ્યા હતા. આ જોક સાંભળીને નજીકમાં ઉભેલા લોકો હસવા લાગ્યા. આ વીડિયો સોશિયલ મીડિયા પર ખૂબ જ વાયરલ થઈ રહ્યો છે.
પીએમ મોદી અને નવદીપની ખાસ પળ થઈ વાયરલ
વડાપ્રધાન નરેન્દ્ર મોદી સાથે નવદીપની મુલાકાત દરમિયાન બીજી એક ખાસ ક્ષણ આવી જ્યારે નવદીપે પીએમને કેપ આપી. કેપ પહેરવા માટે વડાપ્રધાન પોતે જમીન પર બેસી ગયા જેથી નવદીપ આરામથી કેપ પહેરાવી શકે. આ ભાવુક ક્ષણ જોઈને સૌના દિલ દ્રવી ઉઠ્યા. આ પછી નવદીપે વડાપ્રધાનને તેમના થ્રોઇંગ હેન્ડ પર ઓટોગ્રાફ માગ્યો, જે પીએમ મોદીએ સ્મિત સાથે આપ્યો.
મીટિંગ દરમિયાન પીએમ મોદીએ મજાકમાં નવદીપને પૂછ્યું કે, 'આટલા ગુસ્સામાં કેમ છે?'
https://www.instagram.com/reel/C_0VP86SrAp
પોતાના લોકલ ફ્લેવરને કારણે વાયરલ થયો નવદીપ સિંહ
નવદીપ સિંહનું નામ માત્ર મેડલ જીતવાને કારણે જ નહીં, પણ તેની ઘણી ફની, અનોખી પ્રવૃત્તિઓ અને સ્થાનિક ફ્લેવરને કારણે પણ ચર્ચામાં રહ્યું. પેરાલિમ્પિક્સ દરમિયાન તેના જોશ અને ઉત્સાહની ક્ષણો કેમેરામાં કેદ થઈ હતી, જેમાંથી કેટલીક વાઈરલ પણ થઈ હતી. ખાસ કરીને જ્યારે તેણે જેવલિન થ્રો કર્યા બાદ ગુસ્સામાં ગાળો આપી હતી, ત્યારે આ વીડિયો સોશિયલ મીડિયા પર વાયરલ થયો હતો.
આ સિવાય એક ઈન્ટરવ્યુમાં નવદીપ સિંહે જીત બાદ પોતાની લાગણીઓ શેર કરી હતી. જ્યારે તેને તેના વ્યક્તિગત સર્વશ્રેષ્ઠ થ્રો વિશે પૂછવામાં આવ્યું ત્યારે તે હસી પડ્યો અને કહ્યું કે, તે પોતે પણ તેના પર વિશ્વાસ કરી શકતો નથી. નવદીપે તેના કોચને પૂછ્યું, "શું મેં ખરેખર મારો રેકોર્ડ તોડ્યો?" અને મજાકમાં જવાબ આપ્યો, "આખો માતાના સમ."
