IND vs AUS / પર્થની પિચનો પહેલો ફોટો સામે આવ્યો, જાણો બેટ્સમેન કે બોલર, મેચમાં કોને મળશે ફાયદો

ભારતીય ટીમ હાલમાં ઓસ્ટ્રેલિયાના પ્રવાસે છે, જ્યાં બંને ટીમો વચ્ચે 3 ODI અને 5 T20 મેચની સિરીઝ રમાશે. આ પ્રવાસની શરૂઆત ODI સિરીઝથી થશે, જેની પહેલી મેચ 19 ઓક્ટોબરે પર્થમાં રમાશે. હવે, પર્થની પિચનો પહેલો ફોટો સામે આવ્યો છે. હવે એ જોવું રસપ્રદ હશે કે આ પિચ પર બેટ્સમેન કે બોલર કોને ફાયદો થશે.

આ પણ વાંચો :

વેસ્ટ ઈન્ડિઝને હરાવતા જ ભારતે ઈંગ્લેન્ડને પાછળ છોડ્યું, હવે માત્ર એક જ ટીમ છે આગળ

અજિંક્ય રહાણેએ BCCIના પસંદગીકારો સામે ઉઠાવ્યાં સવાલ, કહ્યું- "સિલેક્ટર્સની વિચારસરણીમાં પરિવર્તન જરૂરી"

પર્થની પિચ કેવી હશે?

આ પણ વાંચો :

T20 World Cup 2026 માટે ક્વોલિફાય થઈ વધુ બે ટીમો, હવે માત્ર એક સ્પોટ માટે થશે ટક્કર

'તમે ફક્ત ત્યારે જ નિષ્ફળ...' નિવૃત્તિ કે વર્લ્ડ કપની તૈયારી? ઓસ્ટ્રેલિયા પહોંચતા જ વિરાટ કોહલીએ X પર કરી ક્રિપ્ટીક પોસ્ટ

ભારત અને ઓસ્ટ્રેલિયા વચ્ચે પહેલી ODI જેના પર રમાશે તે પર્થની પિચનો પહેલો ફોટો સામે આવ્યો છે. પિચ એકદમ લીલી દેખાય છે. પર્થની પિચ તેના વધારાના ઉછાળા અને ગતિ માટે જાણીતી છે. શરૂઆતમાં, બોલર્સને વધુ મદદ મળે છે, પરંતુ તે પછી, બેટ્સમેનને ફાયદો થવા લાગે છે. પહેલી ઈનિંગમાં બેટિંગ કરનારી ટીમને વધુ ફાયદો મળે છે.

મેચ ક્યારે શરૂ થશે?

ત્રણ મેચની ODI સિરીઝની પહેલી મેચ રવિવાર, 19 ઓક્ટોબરના રોજ પર્થના ઓપ્ટસ સ્ટેડિયમ ખાતે ભારતીય સમય મુજબ સવારે 9:00 વાગ્યે શરૂ થશે, જેમાં ટોસ સવારે 8:30 વાગ્યે થશે.

રોહિત અને વિરાટ વાપસી કરી રહ્યા છે

ભૂતપૂર્વ કેપ્ટન રોહિત શર્મા અને વિરાટ કોહલી પણ આ ODI સિરીઝમાં વાપસી કરી રહ્યા છે. આ બંને દિગ્ગજ ખેલાડીઓ T20I અને ટેસ્ટ ક્રિકેટમાંથી નિવૃત્તિ લીધા પછી ક્રિકેટના મેદાનથી દૂર હતા. તેઓ છેલ્લે ICC ચેમ્પિયન્સ ટ્રોફી 2025 દરમિયાન સાથે જોવા મળ્યા હતા, જે ટીમ ઈન્ડિયાએ રોહિતની કેપ્ટનશિપમાં જીતી હતી. જોકે, તેઓ હવે પહેલીવાર શુભમન ગિલની કેપ્ટનશિપમાં રમતા જોવા મળશે.

BCCI એ સિરીઝ પહેલા રોહિતને હટાવીને ગિલને નવા કેપ્ટન તરીકે નિયુક્ત કર્યો હતો. અગાઉ, શુભમન ગિલને રોહિતની જગ્યાએ ટીમ ઈન્ડિયાના ટેસ્ટ કેપ્ટન તરીકે નિમણૂક કરવામાં આવ્યો હતો. હવે, ગિલની કેપ્ટનશિપ માટે ઓસ્ટ્રેલિયા પ્રવાસ ખરી કસોટી બનવા જઈ રહ્યો છે.