Paralympics: ભારતીય પેરા જુડોકા કપિલ પરમારે બ્રોન્ઝ જીત્યો, ભારતની મેડલ સંખ્યા 25 પર પહોંચી

કપિલે પુરુષોની 60 કિગ્રા જે1 ઈવેન્ટની બ્રોન્ઝ મેડલ મેચમાં બ્રાઝિલના એલિટોન ડી ઓલિવિરાને 10-0થી હરાવ્યો હતો અને બ્રોન્ઝ મેળવવામાં સફળ રહ્યો હતો. આ રીતે ભારતે પેરિસ પેરાલિમ્પિકમાં મેડલની સંખ્યા 25 પર પહોંચાડી દીધી છે.

ભારતના પેરા જુડો ખેલાડી કપિલ પરમારે શાનદાર પ્રદર્શન કરીને બ્રોન્ઝ મેડલ જીત્યો હતો. કપિલે પુરુષોની 60 કિગ્રા જે1 ઈવેન્ટની બ્રોન્ઝ મેડલ મેચમાં બ્રાઝિલના એલિટોન ડી ઓલિવિરાને 10-0થી હરાવ્યો હતો અને બ્રોન્ઝ મેળવવામાં સફળ રહ્યો હતો. કપિલ ભારત તરફથી પેરાલિમ્પિક અથવા ઓલિમ્પિકમાં મેડલ જીતનાર પ્રથમ જુડોકા છે. આ રીતે ભારતે પેરિસ પેરાલિમ્પિકમાં તેની મેડલ સંખ્યા 25 પર પહોંચી ગઈ છે. ભારતે પેરિસ ગેમ્સમાં અત્યાર સુધીમાં પાંચ ગોલ્ડ, નવ સિલ્વર અને 11 બ્રોન્ઝ મેડલ જીત્યા છે.

સેમિફાઇનલમાં હાર્યા બાદ ગોલ્ડ મેળવવાનું ચૂકી ગયું હતું

પરમારે 2022 એશિયન ગેમ્સમાં આ જ કેટેગરીમાં સિલ્વર મેડલ જીત્યો હતો. તેણે ક્વાર્ટર ફાઇનલમાં વેનેઝુએલાના માર્કો ડેનિસ બ્લેન્કોને 10-0થી હરાવ્યો, પરંતુ સેમિફાઇનલમાં ઇરાનના એસ બનિતાબા ખોરમ અબાદી સામે હાર્યો. પરમારને બંને મેચમાં એક-એક યલો કાર્ડ મળ્યું હતું. કપિલ ભલે ગોલ્ડ ન લાવી શક્યો પરંતુ તે બ્રોન્ઝ મેડલ જીતવામાં સફળ રહ્યો. તે જ સમયે, મહિલાઓની 48 કિગ્રા J2 વર્ગની ક્વાર્ટર ફાઇનલમાં, ભારતની કોકિલાને કઝાકિસ્તાનની અકમરલ નૌતબેક સામે 0-10થી હારનો સામનો કરવો પડ્યો હતો.