Australian Open 2026 / સિનરને હરાવીને ફાઈનલમાં પહોંચ્યો નોવાક જોકોવિચ, ટાઈટલ માટે અલ્કારાઝ સામે ટકરાશે

ઓસ્ટ્રેલિયન ઓપનની બીજી સેમીફાઈનલ 30 જાન્યુઆરીએ રમાઈ હતી. જેમાં સર્બિયાના નોવાક જોકોવિચે શાનદાર પ્રદર્શન કરીને ગ્રાન્ડ સ્લેમ ઓસ્ટ્રેલિયન ઓપનની ફાઈનલમાં પ્રવેશ મેળવ્યો છે. જોકોવિચે 4 કલાક અને 9 મિનિટ ચાલેલી મેન્સ સિંગલ્સની સેમીફાઈનલમાં ઈટાલીના યાનિક સિનરને 3-6, 6-3, 4-6, 6-4, 6-4થી હરાવીને ટાઈટલ મેચમાં પ્રવેશ કર્યો હતો. જોકોવિચ હવે પોતાનું 25મું ગ્રાન્ડ સ્લેમ ટાઈટલ જીતવાથી એક ડગલું દૂર છે.

આ પણ વાંચો :

T20 વર્લ્ડ કપ 2026માં કોની સામે રમશે સ્કોટલેન્ડ? અહીં જાણો ટીમનું સંપૂર્ણ શેડ્યૂલ

ઓસ્ટ્રેલિયન ઓપનની ફાઈનલમાં પહોંચ્યો કાર્લોસ અલ્કારાઝ, એલેક્ઝાન્ડર ઝ્વેરેવને હરાવીને તોડ્યો આ રેકોર્ડ

જોકોવિચે ઈતિહાસ રચ્યો

આ પણ વાંચો :

T20 World Cup 2026 / UAEએ પણ જાહેર કરી પોતાની ટીમ, ભારતીય કોચ પર હશે મોટી જવાબદારી

WPL 2026 / વ્યર્થ ગઈ હરમનપ્રીત કૌરની ઈનિંગ, મુંબઈને હરાવી એલિમિનેટરમાં પહોંચ્યું ગુજરાત જાયન્ટ્સ

38 વર્ષની ઉંમરે જોકોવિચ ઓસ્ટ્રેલિયન ઓપન મેન્સ સિંગલ્સની ફાઈનલમાં પહોંચનાર સૌથી મોટી ઉંમરનો ખેલાડી પણ બની ગયો છે. જોકોવિચે અહીં 2008, 2011, 2012, 2013, 2015, 2016, 2019, 2020, 2021 અને 2023માં ટાઈટલ જીત્યું છે. તે ઓસ્ટ્રેલિયન ઓપનમાં સૌથી વધુ જીત મેળવનાર ખેલાડી પણ છે. ઓસ્ટ્રેલિયન ઓપનની ફાઈનલ 1 ફેબ્રુઆરીએ રમાશે, જેમાં જોકોવિચનો સામનો કાર્લોસ અલ્કારાઝ સાથે થશે. અલ્કારાઝે પ્રથમ સેમીફાઈનલમાં એલેક્ઝાન્ડર ઝ્વેરેવને હરાવ્યો હતો. તેણે ઝ્વેરેવને 6-4, 7-6(5), 6-7(3), 6-7(4), 7-5થી હરાવીને ફાઈનલમાં સ્થાન મેળવ્યું છે.

સૌથી વધુ ગ્રાન્ડ સ્લેમ ટાઈટલ ધરાવતા ખેલાડીઓ

નોવાક જોકોવિચ સૌથી વધુ ગ્રાન્ડ સ્લેમ ટાઈટલ ધરાવતા ખેલાડીઓની યાદીમાં ટોપ પર છે, તેણે 24 વખત જીત મેળવી છે. સ્પેનનો રાફેલ નડાલ બીજા નંબર પર છે, જ્યારે સ્વિટ્ઝર્લેન્ડનાનો રોજર ફેડરરે ત્રીજા નંબર પર છે અને ચોથા નંબર પર અમેરિકન પીટ સેમ્પ્રસ છે.

• નોવાક જોકોવિચ - સર્બિયા - 24*
• રાફેલ નડાલ - સ્પેન - 22
• રોજર ફેડરર - સ્વિટ્ઝર્લૅન્ડ - 20
• પીટ સેમ્પ્રાસ - યુએસએ - 14