વર્લ્ડ એથલેટિક્સ ચેમ્પિયનશિપની ફાઇનલમાં પહોંચ્યો નીરજ ચોપરા, પહેલા જ થ્રોમાં કર્યું ક્વોલિફાઇ

ભારતના સ્ટાર જેવલિન થ્રોઅર નીરજ ચોપરાએ ટોક્યોમાં ચાલી રહેલી વર્લ્ડ એથ્લેટિક્સ ચેમ્પિયનશીપની ફાઈનલમાં સ્થાન મેળવ્યું છે. તેણે 84.85 મીટરના અંતરે ભાલો ફેંકી ફાઈનલમાં સ્થાન હાંસલ કર્યું હતું. જેમાં પહેલાં થ્રોમાં જ 84.5  મીટરનું ક્વોલિફિકેશન માર્ક નોંધાયું હતું. પરંતુ નીરજ ચોપરાએ 84.85 મીટરના અંતરે ભાલો ફેંક્યો હતો. ફાઈનલમાં નીરજ ચોપરાનો સામનો પાકિસ્તાનના અરશદ નદીમ સાથે થઈ શકે છે.

પહેલાં રાઉન્ડમાં જ ક્વોલિફાય થનારો પ્રથમ એથ્લેટ

નીરજ ચોપરા સિવાય અન્ય કોઈપણ એથ્લેટ પહેલાં રાઉન્ડમાં ક્વોલિફાય થયો નથી. નીરજ ચોપરાના ગ્રૂપમાં છ એથ્લેટ હતા. હવે તે ગુરૂવારે ફાઈનલ મુકાબલામાં ઉતરશે. પેરિસ ઓલિમ્પિક 2024 બાદ પ્રથમ વખત પાકિસ્તાનના અરશદ નદીમ સાથે ફાઈનલમાં મુકાબલો કરશે. પેરિસમાં અરશદે 92.97 મીટર થ્રો કરી ગોલ્ડ મેડલ જીત્યો હતો. જ્યારે નીરજનો સર્વશ્રેષ્ઠ થ્રો 89.45 મીટરનો રહ્યો હતો. આ થ્રો સાથે તેણે સિલ્વર મેડલ જીત્યો હતો.

જૂલિયન વેબરે બીજા પ્રયાસમાં ક્વોલિફાઇ કર્યું

નીરજ ચોપરા સતત 5મી ગ્લોબલ ચેમ્પિયનશિપમાં આવું કર્યું જ્યારે ફાઇનલ માટે ક્વોલિફાઇ કરવા માટે તેણે માત્ર એક પ્રયાસની જરૂર પડી હતી. આ પહેલા તે 2021માં ઓલિમ્પિક, 2022 વર્લ્ડ ચેમ્પિયનશિપ, 2023 વર્લ્ડ ચેમ્પિયનશિપ અને 2024 ઓલિમ્પિકમાં આ સિદ્ધિ મેળવી ચુક્યો છે. નીરજ ચોપરાની નજર હવે ફાઇનલમાં સતત બીજી વખત ઇતિહાસ રચવા પર છે. નીરજ ચોપરા સિવાય જર્મનીના જૂલિયન વેબરે 87.21 મીટર થ્રો સાથે ફાઇનલ માટે ક્વોલિફાઇ કર્યું છે, તેણે બીજા પ્રયાસમાં ફાઇનલની ટિકિટ મેળવી હતી.