IND vs AUS / શમીએ ફેન્સ અને BCCIની માંગી માફી, ઓસ્ટ્રેલિયા પ્રવાસને લઈને કહી આ વાત

ભારત અને ઓસ્ટ્રેલિયા વચ્ચે પાંચ મેચની ટેસ્ટ સિરીઝ રમાવાની છે. આ સિરીઝની પ્રથમ મેચ 22 નવેમ્બરથી રમાશે. BCCIએ આ સિરીઝ માટે ભારતની ટીમ જાહેર કરી દીધી છે. આ ટીમમાં સ્ટાર ફાસ્ટ બોલર મોહમ્મદ શમીનું નામ સામેલ નથી. આ જોઈને બધા ફરી એકવાર નિરાશ થઈ ગયા. શમી લાંબા સમયથી ટીમ ઈન્ડિયાની બહાર છે. આ દરમિયાન મોહમ્મદ શમીએ BCCI અને તમામ ક્રિકેટ ફેન્સની માફી માંગી છે. શમીએ પોતાના સોશિયલ મીડિયા પર પોસ્ટ કરીને માફી માંગી હતી.

શમીએ આ વાત કહી

શમીએ ઇન્સ્ટાગ્રામ પર પોતાની ટ્રેનિંગનો એક વીડિયો પોસ્ટ કર્યો હતો, જેમાં તેણે કેપ્શન આપ્યું હતું કે, "મારા પ્રયાસો ચાલુ રાખીને, હું મારી બોલિંગ ફિટનેસમાં દિવસેને દિવસે સુધારો કરી રહ્યો છું. હું મેચોની તૈયારી કરવા અને ઘરેલુ રેડ બોલ ક્રિકેટ રમવા માટે સખત મહેનત કરવાનું ચાલુ રાખીશ. તમામ ક્રિકેટ ફેન્સ અને BCCIની માફી માંગુ છું, પરંતુ ખૂબ જ જલ્દી હું રેડ બોલ ક્રિકેટ રમવા માટે તૈયાર થઈ જઈશ, તમને બધાને પ્રેમ." ઓસ્ટ્રેલિયા સામેની ટેસ્ટ સીરીઝ માટે ટીમમાં પસંદ ન થયા બાદ શમીએ આ પોસ્ટ કરી છે.

Instagram પર જુઓ

ટીમ ઈન્ડિયાને શમીની ખોટ વર્તાશે

ઓસ્ટ્રેલિયા પ્રવાસ દરમિયાન ટીમ ઈન્ડિયાને ત્યાંની ફાસ્ટ પીચો પર મોહમ્મદ શમી જેવા બોલરની ખોટ વર્તાશે. શમી 2023ના ODI વર્લ્ડ કપ બાદથી ટીમ ઈન્ડિયા માટે રમી શક્યો નથી. તેની છેલ્લી ઈન્ટરનેશનલ મેચ 19 નવેમ્બર 2023ના રોજ ઓસ્ટ્રેલિયા સામેની ફાઈનલ મેચ હતી. તે મેચથી, તે આરામ પર છે અને તેના રિહેબ પર ખૂબ જ ઝડપથી કામ કરી રહ્યો છે. શમી હાલમાં NCA, બેંગલુરુમાં છે. જ્યાં તે ટ્રેનીંગ લઈ રહ્યો છે. શમીને બદલે આકાશ દીપને ભારતની ટીમમાં સામેલ કરવામાં આવ્યો છે.

બોર્ડર-ગાવસ્કર ટ્રોફી માટેની ભારતની ટીમ

રોહિત શર્મા (કેપ્ટન), જસપ્રિત બુમરાહ (વાઈસ-કેપ્ટન), યશસ્વી જયસ્વાલ, અભિમન્યુ ઈશ્વરન, શુભમન ગિલ, વિરાટ કોહલી, કેએલ રાહુલ, રિષભ પંત (વિકેટકીપર), સરફરાઝ ખાન, ધ્રુવ જુરેલ (વિકેટકીપર), રવિચંદ્રન અશ્વિન, રવિન્દ્ર જાડેજા, મોહમ્મદ સિરાજ, આકાશ દીપ, પ્રસિદ્ધ કૃષ્ણ, હર્ષિત રાણા, નીતિશ કુમાર રેડ્ડી, વોશિંગ્ટન સુંદર.

રિઝર્વ પ્લેયર: મુકેશ કુમાર, નવદીપ સૈની, ખલીલ અહેમદ.

બોર્ડર-ગાવસ્કર ટ્રોફીનું સંપૂર્ણ શેડ્યૂલ

• પ્રથમ ટેસ્ટઃ 22-26 નવેમ્બર, પર્થ
• બીજી ટેસ્ટ: 6-10 ડિસેમ્બર, એડિલેડ (ડે-નાઈટ)
• ત્રીજી ટેસ્ટ: 14-18 ડિસેમ્બર, બ્રિસ્બેન
• ચોથી ટેસ્ટ: 26-30 ડિસેમ્બર, મેલબોર્ન
• 5મી ટેસ્ટ: 3-7 જાન્યુઆરી, સિડની