KL રાહુલ 35 રન ફટકારતા જ પોતાના નામે કરશે આ રેકોર્ડ, તેને રોકવાનો પ્રયાસ કરશે મુંબઈના બોલરો

IPL 2024ની 48મી મેચ લખનૌ સુપર જાયન્ટ્સના કેપ્ટન કેએલ રાહુલ માટે ખાસ હશે. આ મેચ લખનૌના એકાના ક્રિકેટ સ્ટેડિયમમાં મુંબઈ ઈન્ડિયન્સ સામે રમાશે. જો કેએલ રાહુલ આ મેચમાં 35 રન બનાવી લે છે તો તે એક મોટો રેકોર્ડ પોતાના નામે કરી લેશે. મુંબઈ ઈન્ડિયન્સના બોલરો તેને રોકવાનો પ્રયાસ કરશે.

મુંબઈ ઈન્ડિયન્સ સામે IPLમાં સૌથી વધુ રન બનાવવાનો રેકોર્ડ

રાહુલ પાસે IPLમાં મુંબઈ ઈન્ડિયન્સ સામે સૌથી વધુ રન ફટકારનાર બેટ્સમેન બનવાની તક છે. રાહુલે મુંબઈ સામે અત્યાર સુધી રમેલી 16 મેચમાં 867 રન ફટકાર્યા છે. તેણે શિખર ધવનના 901 રનના રેકોર્ડને પાર કરવા માટે માત્ર 35 રન ફટકારવા પડશે.

મુંબઈ ઈન્ડિયન્સ સામે સૌથી વધુ રન ફટકારનારા બેટ્સમેન

IPL 2024માં કેએલ રાહુલનું પ્રદર્શન

કેએલ રાહુલ આ IPL સિઝનમાં અત્યાર સુધી 9 મેચ રમી ચૂક્યો છે. રાહુલે આ મેચોમાં 144.27ના સ્ટ્રાઈક રેટથી 378 રન ફટકાર્યા છે. જેમાં ત્રણ અડધી સદીનો સમાવેશ થાય છે. તેણે 34 ચોગ્ગા અને 14 છગ્ગા ફટકાર્યા છે. આ સિઝનમાં કેએલ રાહુલનો અત્યાર સુધીનો સર્વશ્રેષ્ઠ સ્કોર 82 રન છે.

મુંબઈ ઈન્ડિયન્સ માટે કરો યા મરોની સ્થિતિ

IPL 2024ની 48મી મેચ મુંબઈ ઈન્ડિયન્સ માટે કરો યા મરો મેચ હશે. જો તેઓ IPL 2024ના પ્લેઓફમાં પહોંચવાની તેમની આશા જીવંત રાખવા ઈચ્છે છે, તો કોઈપણ કિંમતે આ મેચ જીતવી પડશે. અત્યાર સુધી રમાયેલી 9 મેચોમાં માત્ર 6 પોઈન્ટ સાથે મુંબઈ ઈન્ડિયન્સ પોઈન્ટ ટેબલમાં 9મા નંબર પર છે. જો તેઓ વધુ એક મેચ હારી જશે તો પ્લેઓફ સુધી પહોંચવાનો રસ્તો તેમના માટે લગભગ બંધ થઈ જશે.

પોઈન્ટ ટેબલ પર લખનૌ સુપર જાયન્ટ્સ

લખનૌ સુપર જાયન્ટ્સે અત્યાર સુધીમાં 9 મેચ રમી છે. આ 9 મેચોમાં લખનૌને 4 મેચમાં હારનો સામનો કરવો પડ્યો હતો, જ્યારે ટીમે 5 મેચ જીતી છે. સુપર જાયન્ટ્સ પાસે +0.059 રન રેટ સાથે 10 પોઈન્ટ છે. IPL 2024ની 48મી મેચ પહેલા લખનૌ સુપર જાયન્ટ્સ પોઈન્ટ ટેબલમાં છઠ્ઠા સ્થાને છે.