શું IPL મેચ પહેલાથી જ હોય છે ફિક્સ? કઇ ટીમ ક્યારે જીતશે મેચ? શરૂઆતની ત્રણ મેચની ભવિષ્યવાણી સચોટ સાબિત થઇ

IPL વિશ્વની સૌથી અમીર સ્પોર્ટ્સ લીગમાંથી એક છે જેની નેટવર્થ અરબો રૂપિયામાં છે. દર વર્ષે લાખો-કરોડો લોકો ઇન્ડિયન પ્રીમિયર લીગ (IPL)ની મેચ જુવે છે પરંતુ અવાર નવાર એક સવાલ ફેન્સને પરેશાન કરે છે. શું IPLની મેચો ફિક્સ હોય છે? IPL 2025ની ટુર્નામેન્ટ શરૂ થતા જ આ સવાલ ફરી ઉભો થયો છે. સોશિયલ મીડિયા પર યૂઝર્સે IPL 2025ની શરૂઆતની 22 મેચમાં કઇ ટીમ મેચ જીતશે તેની ભવિષ્યવાણી કરવામાં આવી છે. આ ભવિષ્યવાણી અનુસાર શરૂઆતની ત્રણ મેચની ભવિષ્યવાણી સચોટ સાબિત થઇ છે.

IPLમાં શરૂઆતની ત્રણ મેચની ભવિષ્યવાણી સચોટ સાબિત થઇ

IPL 2025ની પ્રથમ મેચ 22 માર્ચે કોલકાતા નાઇટ રાઇડર્સ અને રોયલ ચેલેન્જર્સ બેંગલુરૂ વચ્ચે રમાઇ હતી. આ મેચમાં રોયલ ચેલેન્જર્સ જીતશે તેવી ભવિષ્યવાણી કરવામાં આવી હતી. આ મેચ RCB 7 વિકેટે જીત્યું હતું.

IPL 2025ની બીજી મેચ 23 માર્ચે સનરાઇઝર્સ હૈદરાબાદ અને રાજસ્થાન રોયલ્સ વચ્ચે રમાઇ હતી. આ મેચ સનરાઇઝર્સ હૈદરાબાદ જીતશે તેવો દાવો કરવામાં આવ્યો હતો. આ મેચ સનરાઇઝર્સ હૈદરાબાદ 44 રને જીત્યું હતું.

23 માર્ચે ચેન્નાઇ સુપરકિંગ્સ અને મુંબઇ ઇન્ડિયન્સની મેચમાં ચેન્નાઇની જીતનો દાવો કરવામાં આવ્યો હતો. ચેન્નાઇ સુપરકિંગ્સે આ મેચ 4 વિકેટે જીતી લીધી હતી.

યૂઝર્સના દાવા અનુસાર કોણ કઇ મેચ જીતશે

ચેન્નાઇ અને રાજસ્થાન પર બે વર્ષનો લાગી ચુક્યો છે પ્રતિબંધ

ઇન્ડિયન પ્રીમિયર લીગના સૌથી મોટા વિવાદમાંથી એક ચેન્નાઇ સુપરકિંગ્સ અને રાજસ્થાન રોયલ્સ પર બે વર્ષનો પ્રતિબંધ મુકવામાં આવ્યો હતો. CSKના ટોપ મેનેજમેન્ટમાં સામેલ ગુરૂનાથ મય્યપન અને રાજસ્થાન રોયલ્સ સાથે જોડાયેલા રાજ કુંદ્રાને લઇને તપાસમાં ખબર પડી કે તે સ્પૉટ ફિક્સિંગમાં સામેલ છે. આ ઘટના 2013ની હતી. લોઢા કમિટીની તપાસમાં જ્યારે આ ઘટના સાબિત થઇ તો આ બન્ને ટીમ પર બે વર્ષનો પ્રતિબંધ મુકવામાં આવ્યો હતો. CSK અને રાજસ્થાન રોયલ્સ 2015 અને 201ની સિઝનમાં રમી નહતી.

શ્રીસંત સહિત રાજસ્થાનના ત્રણ ક્રિકેટરો પર મુકાયો હતો પ્રતિબંધ

13 સપ્ટેમ્બર 2013માં શ્રીસંત પર આજીવન ક્રિકેટ રમવા પર પ્રતિબંધ મુકવામાં આવ્યો હતો. આ સિવાય IPLમાં સ્પૉટ ફિક્સિંગના આરોપમાં રાજસ્થાન રોયલ્સના અજીત ચંદીલા અને અંકિત ચવ્હાણ પર પણ પ્રતિબંધ મુકવામાં આવ્યો હતો. જોકે, શ્રીસંત પરનો આજીવન પ્રતિબંધ ઘટાડીને 7 વર્ષનો કરી દેવામાં આવ્યો હતો.

IPL ફિક્સિંગને લઇને દિગ્ગજો શું માને છે?

LSGના માલિક સંજીવ ગોયન્કા:

સંજીવ ગોયન્કાએ ફિક્સિંગ પર ચર્ચા કરતા જણાવ્યું, 'આ શક્ય નથી, તેના વિશે વિચારવું પણ બેકાર છે. ઓછામાં ઓછા ફિક્સિંગ IPLમાં તો શક્ય જ નથી. હું ફિક્સિંગની સમસ્યાને હેન્ડલ કરવા માટે જય શાહ અને BCCIનો પણ આભાર માનું છું.'

અમ્પાયર અનિલ ચૌધરી:

12 વર્ષ સુધી આંતરરાષ્ટ્રીય ક્રિકેટમાં અમ્પાયરિંગ કરનારા અનિલ ચૌધરીને જ્યારે મેચ ફિક્સિંગને લઇને પૂછવામાં આવ્યું તો તેમને જવાબ આપ્યો, 'આ બધુ ભાવનાઓથી પ્રેરિત વાતો છે. એક રીતે કહીએ તો કોરી અફવા છે. ટી-20 ક્રિકેટની અનિશ્ચિતતાઓને લઇને અવાર નવાર આ રીતની વાતો થતી રહે છે પરંતુ 'ફિક્સિંગ'ના આરોપ પાયા વિહોણા છે.

નોંધ: GSTV IPL મેચ ફિક્સ હોવાના દાવાની પૃષ્ટિ કરતું નથી પણ સોશિયલ મીડિયા પર યૂઝર્સ દ્વારા શેર કરવામાં આવેલા ડેટા અનુસાર એનાલિસીસ કરવામાં આવ્યું છે અને રિડર્સ સુધી માહિતી પહોંચાડવામાં આવી છે.