VIDEO: GT vs RCB / આજે ગુજરાત સામે બેંગલુરુનો પડકાર, નરેન્દ્ર મોદી સ્ટેડિયમમાં રમાશે મેચ
છેલ્લું અપડેટ : 30 Apr 2026
ગુજરાત ટાઈટન્સ (GT) ગુરુવારે IPL મેચમાં ફોર્મમાં ચાલી રહેલા રોયલ ચેલેન્જર્સ બેંગલુરુ (RCB) તરફથી કઠિન પડકારનો સામનો કરશે. આ મેચ અમદાવાદના નરેન્દ્ર મોદી સ્ટેડિયમ ખાતે રમાશે. અડધી ટુર્નામેન્ટ પૂર્ણ થઈ ગઈ છે, ત્યારે ગુજરાત ટાઈટન્સની ટીમ આઠ મેચમાંથી ચાર જીત અને ચાર હાર સાથે પોઈન્ટ્સ ટેબલમાં ઉપર જવા માટે સંઘર્ષ કરી રહી છે. બીજી તરફ, ડિફેન્ડિંગ ચેમ્પિયન RCB ઉત્તમ ફોર્મમાં છે, તેણે આઠમાંથી છ મેચ જીતી છે. RCB હાલમાં પોઈન્ટ્સ ટેબલમાં બીજા સ્થાને છે.
ભુવનેશ્વર કુમાર અને જોશ હેઝલવુડનું તોફાન
RCB માટે તેના ફાસ્ટ બોલર્સ ભુવનેશ્વર કુમાર અને જોશ હેઝલવુડે ધમાલ મચાવી રહ્યા છે. ભુવનેશ્વરે તેના શાનદાર સ્વિંગથી જૂના દિવસોની યાદો પાછી લાવી છે, જ્યારે હેઝલવુડે તેના ટેસ્ટ-મેચ-લેવલ બોલથી બેટ્સમેનોને મુશ્કેલીમાં મૂક્યા છે. તે બેટની બહારની ધાર પર નજર રાખીને બોલિંગ કરી રહ્યો છે. વધુમાં, મિડલ ઓવર્સમાં કૃણાલ પંડ્યાનો સામનો કરવો એ એક મોટો પડકાર છે, કારણ કે તેની બોલિંગમાં ઘણી વિવિધતા હોય છે.
ટાઈટન્સની ટીમનો ટોપ-ઓર્ડર બેટ્સમેન પર આધાર
ગુજરાત ટાઈટન્સ તેના ટોપ ઓર્ડર બેટ્સમેન પર ખૂબ નિર્ભર છે. તેના ટોચના ત્રણ બેટ્સમેન - સાઈ સુદર્શન, કેપ્ટન શુભમન ગિલ અને જોસ બટલરે ફરી એકવાર મોટાભાગના રન બનાવ્યા છે. વોશિંગ્ટન સુંદરે મિડલ ઓર્ડરમાં પોતાની ક્ષમતા સાબિત કરી છે, જ્યારે શાહરૂખ ખાન અને રાહુલ તેવતિયા જેવા ફિનિશર્સ હજુ સુધી સારું પ્રદર્શન નથી કરી શક્યા. મિડલ ઓર્ડરને મજબૂત બનાવવા માટે જેસન હોલ્ડરને પ્લેઈંગ ઈલેવનમાં સામેલ કરવામાં આવ્યો છે.
RCBનો આસાન વિજય
ગયા અઠવાડિયે ચિન્નાસ્વામી સ્ટેડિયમ ખાતે આ બંને ટીમો વચ્ચે એક મેચ રમાઈ હતી, જેમાં RCBએ સાત બોલ બાકી રહેતા 206 રનનો ટાર્ગેટ સરળતાથી ચેઝ કરી લીધો હતો. ગુજરાત ટાઈટન્સ અત્યાર સુધી તેના હોમ ગ્રાઉન્ડ પર પ્રભુત્વ મેળવવામાં નિષ્ફળ રહ્યું છે. તે મોટેરામાં રમાયેલી ત્રણમાંથી બે મેચ હારી ગઈ છે. RCB આ મેચમાં જીત માટે મજબૂત દાવેદાર છે.
ઈંગ્લેન્ડના પોતાના સાથી ખેલાડી ફિલ સોલ્ટની ઈજાને કારણે છેલ્લી બે મેચ રમનાર જેકબ બેથેલ ખાસ પ્રભાવ નથી પાડી શક્યો. ગુરુવારે વિરાટ કોહલી સાથે ઇનિંગની શરૂઆત કરતી વખતે આ પ્રતિભાશાળી બેટ્સમેન પોતાની છાપ છોડવા માટે ઉત્સુક રહેશે.
બેથેલે T20 વર્લ્ડ કપ દરમિયાન શાનદાર પ્રદર્શન કર્યું હતું, તેથી ગુજરાત ટાઇઈટન્સે કોઈ ભ્રમમાં ન રહેવું જોઈએ. RCBએ છેલ્લી મેચમાં દિલ્હી કેપિટલ્સને કારમી હાર આપી હોવાથી તેનું મનોબળ વધ્યું હશે.
એક-એક મેચ પર ધ્યાન કેન્દ્રિત કરી રહ્યા છીએ
દિલ્હીમાં મોટી જીત બાદ, RCBના કેપ્ટન રજત પાટીદારે કહ્યું કે, "હજુ પણ ઘણો લાંબો રસ્તો કાપવાનો બાકી હોવાથી નિયમિતતા જાળવી રાખવી મહત્ત્વપૂર્ણ છે. પરંતુ મને લાગે છે કે અમે એક-એક મેચ પર ધ્યાન કેન્દ્રિત કરી રહ્યા છીએ. અમારા માટે સકારાત્મક બાબત એ છે કે અમારા એક કે બીજા ખેલાડીઓ સારું પ્રદર્શન કરી રહ્યા છે."
IPL 2026 માટે બંને ટીમો
ગુજરાત ટાઈટન્સઃ શુભમન ગિલ (કેપ્ટન), જોસ બટલર, કુમાર કુશાગ્ર, ગ્લેન ફિલિપ્સ, રાશિદ ખાન, માનવ સુથાર, નિશાંત સિંધુ, વોશિંગ્ટન સુંદર, ગુરનુર બરાર, અરશદ ખાન, મોહમ્મદ સિરાજ, પ્રસિદ્ધ કૃષ્ણા, કગીસો રબાડા, રવિશ્રીનિવાસન સાઈ કિશોર, ઈશાંત શર્મા, અશોક શર્મા, જેસન હોલ્ડર, ટોમ બેન્ટન, લ્યુક વુડ, સાઈ સુદર્શન, એમ શાહરૂખ ખાન, અનુજ રાવત, કુલવંત ખેજરોલિયા, રાહુલ તેવટિયા.
રોયલ ચેલેન્જર્સ બેંગલુરુ: રજત પાટીદાર (કેપ્ટન), ટિમ ડેવિડ, વિરાટ કોહલી, દેવદત્ત પડીક્કલ, ફિલ સોલ્ટ, જિતેશ શર્મા, જેકબ બેથેલ, ક્રુણાલ પંડ્યા, રોમારીયો શેફર્ડ, અભિનંદન સિંહ, જોશ હેઝલવુડ, રસિક સલામ ડાર, ભુવનેશ્વર કુમાર, સુયશ શર્મા, સ્વપ્નિલ સિંહ, નુવાન તુશારા, વેંકટેશ અય્યર, જેકબ ડફી, મંગેશ યાદવ, જોર્ડન કોક્સ, વિકી ઓસ્તવાલ, વિહાન મલ્હોત્રા, કનિષ્ક ચૌહાણ, સાત્વિક દેસવાલ.
