Asia Cup 2025 / 5 બેટ્સમેન, 3 ઓલરાઉન્ડર, 3 બોલર... પાકિસ્તાન સામેની મેચમાં આવી હોઈ શકે છે ભારતની પ્લેઈંગ ઈલેવન
છેલ્લું અપડેટ : 12 Sept 2025
UAE સામે ટીમ ઈન્ડિયાની સુપરફાસ્ટ જીત જોયા પછી, હવે પાકિસ્તાન સામેના હાઈ વોલ્ટેજ મેચની રાહ જોવાઈ છે. 14 સપ્ટેમ્બરે યોજાનારી આ મેચ માટે, ટીમ ઈન્ડિયાની પ્લેઈંગ ઈલેવન અંગે એક મોટો સંકેત મળ્યો છે, જે દર્શાવે છે કે ટીમમાં કયા ખેલાડીઓ હશે. પાકિસ્તાન સામે ભારતની પ્લેઈંગ ઈલેવન અંગે મળેલા સંકેતો અનુસાર, ટીમમાં 5 બેટ્સમેન, 3 ઓલરાઉન્ડર અને 3 બોલર માટે જગ્યા હોય તેવું લાગે છે.
અજય જાડેજાએ પાકિસ્તાન સામે પ્લેઈંગ ઈલેવન વિશે કરી વાત
હવે પ્રશ્ન એ છે કે પાકિસ્તાન સામે ટીમ ઈન્ડિયાના તે ચહેરા કોણ હશે? તો આ વાત અજય જાડેજાના શબ્દો પરથી જાણી શકાય છે. ભૂતપૂર્વ ભારતીય ક્રિકેટર અજય જાડેજાના મતે, UAE સામે રમનાર ટીમ પાકિસ્તાન સામે રમતી જોવા મળશે. એટલે કે, ટીમમાં કોઈ ફેરફાર નહીં થાય. અજય જાડેજાએ UAE સામે ભારતની મેચ શરૂ થાય તે પહેલા આ વાત કહી હતી.
અજય જાડેજાએ UAE સામે ભારતની પ્લેઈંગ ઈલેવનની ચર્ચા કરતી વખતે પોતાનો અભિપ્રાય વ્યક્ત કર્યો હતો. તેણે કહ્યું હતું કે, "ભારતે UAE સામે 8 બેટ્સમેનને નહતા રમાડવા જોઈતા. પરંતુ જો તેઓએ આવું કર્યું હોય, તો પાકિસ્તાન સામે રમનારી ટીમ તમે આજે જ જોઈ લીધી." એટલે કે, UAE સામે રમનારી ટીમ પાકિસ્તાન સામે પણ રમશે.
આવી હોઈ શકે છે ભારતની પ્લેઈંગ ઈલેવન
હવે જો UAE સામેની મેચમાં જે પ્લેઈંગ ઈલેવન હતી તે જ પાકિસ્તાન સામેની મેચમાં હશે, તો તે કંઈક આવી હોઈ શકે છે.
બેટ્સમેન- શુભમન ગિલ, અભિષેક શર્મા, સૂર્યકુમાર યાદવ (કેપ્ટન), તિલક વર્મા, સંજુ સેમસન (વિકેટકીપર)
ઓલરાઉન્ડર- હાર્દિક પંડ્યા, શિવમ દુબે, અક્ષર પટેલ
બોલર- કુલદીપ યાદવ, વરુણ ચક્રવર્તી, જસપ્રીત બુમરાહ
