IND vs AFG / સેમસન OUT, વૈભવ IN, અફઘાનિસ્તાન સામેની પહેલી T20 માટે આવી હોઈ શકે છે ભારતની પ્લેઈંગ ઈલેવન
છેલ્લું અપડેટ : 11 Sept 2026
અફઘાનિસ્તાન સામેની પહેલી T20માં ભારતની પ્લેઈંગ ઈલેવન કેવી હશે? ઓપનિંગ જોડી કઈ હશે? જસપ્રીત બુમરાહની વાપસી પછી બોલિંગ કોમ્બિનેશન કેવું હશે? ચાલો જાણીએ. ભારત અને અફઘાનિસ્તાન વચ્ચે પહેલી T20I રવિવાર, 13 સપ્ટેમ્બરના રોજ દિલ્હીના અરુણ જેટલી સ્ટેડિયમ ખાતે રમાશે. તાજેતરમાં ઈંગ્લેન્ડમાં T20I ડેબ્યુ કરનાર વૈભવ સૂર્યવંશી ભારત માટે આંતરરાષ્ટ્રીય મેચ રમશે. સંજુ સેમસન ટીમમાં છે, પરંતુ પહેલી મેચમાં તેનું રમવાની શક્યતા ઓછી છે. દુલીપ ટ્રોફી ફાઈનલમાં બેવડી સદી ફટકારનાર ઈશાન કિશન વિકેટકીપર તરીકે રમી શકે છે.
કોણ ઓપનિંગ કરશે?
વૈભવ સૂર્યવંશી અને અભિષેક શર્મા ઈનિંગની શરૂઆત કરે તેવી શક્યતા છે. બંને વિસ્ફોટક બેટ્સમેન છે અને ઝડપી શરૂઆત પૂરી પાડે છે. અભિષેક T20I બેટિંગ રેન્કિંગમાં ત્રીજા ક્રમે છે.
ICC T20 બેટિંગ રેન્કિંગમાં નંબર વન સ્થાન ધરાવતો ઈશાન કિશન ત્રીજા નંબરે રમી શકે છે. તેણે ઘણી વખત બેટિંગની શરૂઆત પણ કરી છે, પરંતુ વૈભવના આગમન સાથે તે ત્રીજા સ્થાને ધકેલાઈ રહ્યો છે. કેપ્ટન શ્રેયસ અય્યર હાલમાં ચોથા નંબરે રમે છે અને વાઈસ-કેપ્ટન તિલક વર્મા પાંચમા નંબરે રમી શકે છે.
ભારત ત્રણ ઓલરાઉન્ડરને મેદાનમાં ઉતારી શકે છે
ટીમ ઈન્ડિયાની પ્લેઈંગ ઈલેવનમાં ત્રણ ઓલરાઉન્ડર શામેલ હોઈ શકે છે, શિવમ દુબે, અક્ષર પટેલ અને વોશિંગ્ટન સુંદર. વધુમાં, વરુણ ચક્રવર્તીના રૂપમાં એક સ્પિનરનો સમાવેશ થઈ શકે છે. જસપ્રીત બુમરાહ અને અર્શદીપ સિંહ બે ફાસ્ટ બોલર તરીકે રમી શકે છે. બુમરાહ ઈજામાંથી વાપસી કરી રહ્યો છે.
ભારતનો સંભવિત પ્લેઈંગ ઈલેવન
વૈભવ સૂર્યવંશી, અભિષેક શર્મા, ઈશાન કિશન (વિકેટકીપર), શ્રેયસ અય્યર (કેપ્ટન), તિલક વર્મા, શિવમ દુબે, અક્ષર પટેલ, વોશિંગ્ટન સુંદર, વરુણ ચક્રવર્તી, જસપ્રીત બુમરાહ, અર્શદીપ સિંહ.
