Asia Cup 2025 / ભારતીય ટીમ સ્પોન્સર વિના જશે UAE! ખેલાડીઓની કમાણી પર પણ પડશે અસર

9 સપ્ટેમ્બરથી શરૂ થનારા એશિયા કપમાં ભારતીય ટીમને ટાઈટલ સ્પોન્સર વિના રમવું પડી શકે છે. ગુરુવારે રાજ્યસભામાં ઓનલાઈન ગેમિંગ પ્રમોશન અને રેગ્યુલેશન બિલ 2025 પસાર થયું, જેના પછી તમામ ઓનલાઈન ગેમિંગ એપ્સ પર પ્રતિબંધ મૂકવામાં આવશે.

આ પણ વાંચો :

IND vs PAK / ભારત પાકિસ્તાન સાથે નહીં રમે દ્વિપક્ષીય શ્રેણી, એક્શનમાં રમતગમત મંત્રાલય

Asia Cup માટે ટીમમાં સ્થાન ન મળતા શ્રેયસ અય્યરના પિતાનું દર્દ છલકાયું, કહ્યું- 'મને સમજાતું નથી તેણે હજુ...'

હાલમાં, ભારતીય ટીમની ટાઈટલ સ્પોન્સર Dream 11 છે, જે એક ફેન્ટસી ગેમિંગ એપ છે. 2023માં, Dream 11 એ BCCI સાથે ત્રણ વર્ષ માટે 358 કરોડ રૂપિયાનો કોન્ટ્રકટ કર્યો હતો. ત્યારથી, ભારતીય મેન્સ, વિમેન્સ અને અંડર-19 ટીમની જર્સી પર Dream 11નું નામ લખેલું છે.

BCCI અધિકારીએ શું કહ્યું?

BCCIના એક અધિકારીએ કહ્યું, 'બિલ પસાર થયા પછી, હવે ફેન્ટસી એપ્સ પર પ્રતિબંધ મૂકવામાં આવ્યો છે. જોઈએ કે આગળ શું થાય છે. જો એશિયા કપ પહેલા ભારતીય ટીમને નવા સ્પોન્સર નહીં મળે, તો તેણે ટાઈટલ સ્પોન્સર વિના ટુર્નામેન્ટ રમવી પડશે.'

આ પણ વાંચો :

BCCI એ બદલ્યો નિયમ, હવે બોલરે પાસ કરવી પડશે આ ટેસ્ટ; તો જ મળશે ભારતીય ટીમમાં જગ્યા

'ભારતને તેની ખોટ સાલશે,' હરભજન સિંહે કહી મોટી વાત; આ ખેલાડીની અવગણના પર ઉભા કર્યા પ્રશ્નો

BCCIને કોઈ નુકસાન નહીં થાય

જોકે, આ કોન્ટ્રકટ ત્રણ વર્ષ માટે હતો અને 2026માં સમાપ્ત થવાનો છે. આવી સ્થિતિમાં, BCCIને કોન્ટ્રકટની અડધાથી વધુ રકમ મળી છે. જો આ કોન્ટ્રકટ તૂટી જાય તો પણ, તે BCCIને વધુ અસર નહીં કરે અને તેને એક નવો સ્પોન્સર મળશે, પરંતુ તે કેટલો સમય લેશે તે જોવાનું બાકી છે.

જોકે, BCCI કરતાં વધુ, તે ખેલાડીઓની કમાણીને અસર કરશે. રોહિત શર્મા, કેએલ રાહુલ, રિષભ પંત સહિત ભારતીય ટીમના મોટાભાગના ખેલાડીઓ કોન્ટ્રકટ 11 માટે જાહેરાત કરે છે અને બદલામાં મોટી રકમ મેળવે છે.

IPLને અસર થશે

Dream 11 IPLના સ્પોન્સરમાંથી એક છે. આ સાથે, બીજી મોટી ઓનલાઈન ફેન્ટસી ગેમ એપ My 11 Circleનો પણ BCCI સાથે કોન્ટ્રકટ છે. IPL એ 2024માં પાંચ સિઝન માટે My 11 Circle સાથે 625 કરોડ રૂપિયાની ડીલ કરી હતી, એટલે કે, BCCIને કંપની તરફથી દર વર્ષે 125 કરોડ રૂપિયા મળી રહ્યા છે. અત્યાર સુધી ફક્ત બે સીઝન પસાર થઈ છે અને ત્રણ સિઝન માટે કોન્ટ્રકટ બાકી છે.