Blind Women T20 World Cup / ભારતીય ટીમે જીત્યો ખિતાબ, ફાઈનલમાં પાડોશી દેશને આપી માત

બ્લાઈન્ડ વિમેન્સ T20 વર્લ્ડ કપ 2025ની ફાઈનલ મેચ ભારતે 7 વિકેટથી જીતીને ટાઈટલ પોતાના નામે કર્યું છે. આ મેચમાં ભારતીય ટીમે નેપાળને માત આપી છે. પ્રથમ બેટિંગ કરતા, નેપાળ ફક્ત 114 રન જ બનાવી શક્યું હતું. આ પછી ભારતે 12 ઓવરમાં સરળતાથી ટાર્ગેટ ચેઝ કરી લીધો. તમને જણાવી દઈએ કે આ પ્રથમ બ્લાઈન્ડ વિમેન્સ T20 વર્લ્ડ કપ હતો અને ભારતે તેની ડેબ્યુ એડિશનમાં ટ્રોફી પર કબજો કર્યો છે.

આ પણ વાંચો :

લક્ષ્ય સેને પોતાના નામે કર્યું ઓસ્ટ્રેલિયન ઓપનનું ટાઈટલ, જાપાનના ખેલાડી સામે મેળવી એકતરફી જીત

IND vs SA બીજી ટેસ્ટ: આજના દિવસની રમત પૂર્ણ, ભારતનો સ્કોર 9/0

ભારત માટે ફુલા સરેને રમી શાનદાર ઈનિંગ

ભારતીય વિમેન્સ ટીમ માટે દીપિકા (6 રન) અને અનેખા દેવી (2 રન) એ ઈનિંગની શરૂઆત કરી હતી. જોકે, બંને ખેલાડી મોટો સ્કોર કરવામાં સફળ નહતી રહી. આ પછી, ફુલા સરેન અને કરુણા કે. એ દમદાર બેટિંગ કરી. ફુલા સરેન અણનમ 44 રન સાથે ભારત માટે આ મેચમાં સૌથી વધુ રન બનાવનાર ખેલાડી રહી. જ્યારે કરુણાએ 27 બોલમાં કુલ 42 રન બનાવ્યા હતા. નેપાળની કોઈપણ બોલર ભારત પર દબાણ બનાવવામાં સફળ ન રહી.

ભારતે પ્રથમ બોલિંગ કરતા નેપાળને પાંચ વિકેટે 114 રનમાં પર સિમિત કર્યું. નેપાળની ખેલાડીઓ મેચમાં રન બનાવવા માટે સંઘર્ષ કરી રહી હતી. ભારતનો આ મેચમાં એટલો દબદબો હતો કે નેપાળની ટીમ તેની ઈનિંગમાં ફક્ત એક જ બાઉન્ડ્રી ફટકારી શકી. નેપાળે સેમીફાઈનલમાં પાકિસ્તાનને 7 વિકેટથી હરાવ્યું હતું. જ્યારે ભારતે સેમીફાઈનલમાં મજબૂત ઓસ્ટ્રેલિયાને 9 વિકેટથી હરાવ્યું હતું.