ભારતે ઇંગ્લેન્ડને આપ્યો 248 રનનો લક્ષ્યાંક, અભિષેક શર્માએ વિસ્ફોટક બેટિંગ

આજે ભારત અને ઇંગ્લેન્ડ વચ્ચે પાંચ મેચની T20 શ્રેણીની છેલ્લી મેચ રમાઈ રહી છે. ભારતીય ટીમ આ શ્રેણીમાં પહેલાથી જ 3-1થી અજેય લીડ મેળવી ચૂકી છે. ઈંગ્લેન્ડે ટોસ જીતીને પહેલા બોલિંગ પસંદ કરી.

ભારતે ઇંગ્લેન્ડને 248 રનનો લક્ષ્યાંક આપ્યો

ઈંગ્લેન્ડે ટોસ જીતીને ભારતને પહેલા બેટિંગ માટે આમંત્રણ આપ્યું. અભિષેક શર્માની સદીની મદદથી ટીમ ઈન્ડિયાએ 20 ઓવરમાં નવ વિકેટે 247 રન બનાવ્યા અને ઈંગ્લેન્ડ સામે મોટો લક્ષ્યાંક રાખ્યો. હવે જોવાનું એ રહે છે કે જોસ બટલરની ટીમ આ લક્ષ્યાંક હાંસલ કરવામાં સફળ રહે છે કે નહીં.

અભિષેક સૌથી ઝડપી સદી ફટકારનાર બીજો ભારતીય બન્યો

અભિષેક શર્માએ ધમાકેદાર શરૂઆત કરી અને પહેલા 17 બોલમાં જ અડધી સદી ફટકારી. આ પછી તેણે તેને બીજી સૌથી ઝડપી સદીમાં રૂપાંતરિત કરી. અભિષેકે ૩૭ બોલમાં ઝડપી સદી ફટકારી. તે T20 આંતરરાષ્ટ્રીયમાં સૌથી ઝડપી સદી ફટકારનાર બીજો ભારતીય બન્યો છે. પોતાની સદી પૂર્ણ કરવા માટે અભિષેકે 10 છગ્ગા અને 5 ચોગ્ગા ફટકાર્યા.

તેણે સંજુ સેમસનનો રેકોર્ડ તોડ્યો છે, જેમણે 40 બોલમાં સદી ફટકારી હતી. જોકે, ભારતીયોમાં રોહિત શર્માના નામે 35 બોલમાં સૌથી ઝડપી સદી ફટકારવાનો રેકોર્ડ છે, જે હજુ પણ અતૂટ છે. એકંદરે, T20 આંતરરાષ્ટ્રીયમાં સૌથી ઝડપી સદી ફટકારવાનો રેકોર્ડ એસ્ટોનિયાના સાહિલ ચૌહાણના નામે છે. ગયા વર્ષે, 17 જૂન 2024 ના રોજ, તેણે સાયપ્રસ ટીમ સામે 27 બોલમાં સદી ફટકારી હતી.

આ મેચમાં, અભિષેકે ભારતીય ટીમ માટે 54 બોલમાં 135 રનની ઇનિંગ રમી. આ દરમિયાન તેણે ૧૩ છગ્ગા અને ૭ ચોગ્ગા ફટકાર્યા. જ્યારે તિલક વર્માએ 15 બોલમાં 24 રન બનાવ્યા. અભિષેક અને તિલક વચ્ચે બીજી વિકેટ માટે 43 બોલમાં 115 રનની ભાગીદારી થઈ.

ભારતે પાવરપ્લેમાં પોતાનો સર્વોચ્ચ સ્કોર બનાવ્યો

ભારતે પાવરપ્લેમાં સૌથી વધુ સ્કોર બનાવ્યો છે. પ્રથમ છ ઓવર પછી ભારતનો સ્કોર 95/1 છે.

T20Iમાં ફુલ મેમ્બર્સ ટીમો સામે સૌથી ઝડપી સદી

• 35 બોલ - ડેવિડ મિલર Vs બાંગ્લાદેશ, પોટચેફસ્ટ્રૂમ 2017
• 35 બોલ - રોહિત શર્મા Vs શ્રીલંકા, ઇન્દોર 2017
• 37 બોલ - અભિષેક શર્મા Vs ઇંગ્લેન્ડ, વાનખેડે 2025
• 39 બોલ - જોહ્ન્સન ચાર્લ્સ Vs દક્ષિણ આફ્રિકા, સેન્ચુરિયન 2023
• 40 બોલ - સંજુ સેમસન Vs બાંગ્લાદેશ, હૈદરાબાદ 2024

T20Iમાં સૌથી ઝડપી 50 રન બનાવનાર ભારતીય

• 12 બોલ - યુવરાજ સિંહ Vs ઈંગ્લેન્ડ, ડરબન 2007
• 17 બોલ - અભિષેક શર્મા Vs ઇંગ્લેન્ડ, વાનખેડે 2025
• 18 બોલ - કેએલ રાહુલ Vs સ્કોટલેન્ડ, દુબઈ 2021
• 18 બોલ - સૂર્યકુમાર યાદવ Vs દક્ષિણ આફ્રિકા, ગુવાહાટી 2022