IND-W vs AUS-W / કેટલા વાગ્યે શરૂ થશે પહેલી ODI મેચ? જાણો ક્યાં જોઈ શકશો લાઈવ સ્ટ્રીમિંગ
છેલ્લું અપડેટ : 13 Sept 2025
વિમેન્સ ODI વર્લ્ડ કપ 30 સપ્ટેમ્બરથી શરૂ થવા જઈ રહ્યો છે. આ મહત્ત્વપૂર્ણ ટુર્નામેન્ટ પહેલા, ભારતીય વિમેન્સ ટીમ અને ઓસ્ટ્રેલિયન વિમેન્સ ટીમ વચ્ચે ત્રણ મેચની ODI સિરીઝ રમાશે. સિરીઝની પહેલી મેચ આવતીકાલે એટલે કે 14 સપ્ટેમ્બરે મુલ્લાનપુર સ્ટેડિયમ ખાતે રમાશે. આ સિરીઝ શરૂ થાય તે પહેલા, ફેન્સના મનમાં આ સમયે સૌથી મોટો પ્રશ્ન એ છે કે આ મેચ ક્યારે શરૂ થશે અને તેને મોબાઈલ અને ટીવી પર ક્યાં અને કેવી રીતે લાઈવ જોઈ શકાશે.
પહેલી ODI મેચક્યારે શરૂ થશે?
ભારત અને ઓસ્ટ્રેલિયાની વિમેન્સ ટીમ વચ્ચે પહેલી ODI મેચ 14 સપ્ટેમ્બર, રવિવારના રોજ રમાશે. આ મેચ ભારતીય સમય મુજબ બપોરે 1:30 વાગ્યે શરૂ થશે. ટોસ મેચ શરૂ થવાના અડધા કલાક પહેલા એટલે કે બપોરે 1 વાગ્યે થશે. આ મેચ ન્યૂ ચંદીગઢના મુલ્લાનપુર સ્ટેડિયમમાં રમાશે. હવે એ જોવું રસપ્રદ રહેશે કે બંને ટીમો આ મેચમાં કેવું પ્રદર્શન કરે છે.
ફેન્સ પહેલી ODI મેચ ક્યાં જોઈ શકશે?
ભારત અને ઓસ્ટ્રેલિયાની વિમેન્સ ટીમ વચ્ચેની આ મેચ ભારતમાં સ્ટાર સ્પોર્ટ્સ નેટવર્ક પર ટીવી પર લાઈવ ટેલિકાસ્ટ કરવામાં આવશે. બીજી તરફ, જો લાઈવ સ્ટ્રીમિંગની વાત કરીએ તો, ક્રિકેટ ફેન્સ Jiostarની એપ અને વેબસાઈટ પર લાઈવ સ્ટ્રીમિંગનો આનંદ માણી શકશે.
હરમનપ્રીત કૌરની કેપ્ટનશિપમાં રમશે ભારતીય ટીમ
આ સિરીઝમાં, ભારતીય ટીમ હરમનપ્રીત કૌરની કેપ્ટનશીપમાં રમશે અને સ્મૃતિ મંધાના વાઈસ કેપ્ટન હશે. જ્યારે ઓસ્ટ્રેલિયા એલિસા હેલીની કેપ્ટનશિપમાં રમશે. ઓસ્ટ્રેલિયન ટીમે આ ODI સિરીઝ માટે સોફી મોલિનેક્સના બેકઅપ તરીકે ચાર્લી નોટનો સમાવેશ કર્યો છે. આ સિરીઝ દ્વારા, બંને ટીમો આગામી ODI વર્લ્ડ કપની તૈયારી કરશે.
બંને ટીમોની ટીમ
ભારત: હરમનપ્રીત કૌર (કેપ્ટન), સ્મૃતિ મંધાના (વાઈસ કેપ્ટન), પ્રતીકા રાવલ, હરલીન દેઓલ, દીપ્તિ શર્મા, જેમિમા રોડ્રિગ્સ, રેણુકા સિંહ ઠાકુર, અરુંધતી રેડ્ડી, રિચા ઘોષ (વિકેટકીપર), ક્રાંતિ ગૌડ, સયાલી સતઘરે, રાધા યાદવ, શ્રી ચારણી, સ્નેહ રાણા, ઉમા છેત્રી (વિકેટકીપર).
ઓસ્ટ્રેલિયા: એલિસા હેલી (કેપ્ટન), નિકોલ ફાલ્ટમ, ફીબી લિચફિલ્ડ, બેથ મૂની, જ્યોર્જિયા વોલ, તાહલિયા મેકગ્રાથ (વાઈસ કેપ્ટન), એશ્લે ગાર્ડનર, કિમ ગાર્થ, ગ્રેસ હેરિસ, અલાના કિંગ, ચાર્લી નોટ, એલિસ પેરી, એનાબેલ સધરલેન્ડ, ડાર્સી બ્રાઉન, સોફી મોલિનેક્સ, મેગન શટ, જ્યોર્જિયા વેરહામ.
