T20 વર્લ્ડ કપમાં આટલી વખત થઈ છે ભારત અને વેસ્ટ ઈન્ડિઝની ટક્કર, ફેન્સનું ટેન્શન વધારશે હેડ ટુ હેડ રેકોર્ડ
છેલ્લું અપડેટ : 28 Feb 2026
ભારત અને વેસ્ટ ઈન્ડિઝ વચ્ચે એક સમાનતા છે, બંને બે વખત T20 વર્લ્ડ કપ ચેમ્પિયન છે. હવે આ બંને ટીમો વચ્ચે કોલકાતાના ઈડન ગાર્ડન્સ ખાતે 1 માર્ચે એક મહત્ત્વપૂર્ણ મેચ યોજાવાની છે. વિજેતા ટીમ સેમીફાઈનલમાં સ્થાન મેળવશે. 'મેન ઈન બ્લુ' અને 'મરૂન આર્મી' ટુર્નામેન્ટના ઈતિહાસમાં 4 વખત ટકરાયા છે. આ વખતે પાંચમી વખત ટક્કર થશે. તે પહેલા જાણી લો કે આ હેડ ટુ હેડ રેકોર્ડમાં કોણ આગળ છે.
અગાઉના તમામ T20 વર્લ્ડ કપના પરિણામો
2009
ભારત અને વેસ્ટ ઈન્ડિઝ પહેલીવાર 2009માં ઈંગ્લેન્ડમાં રમાયેલા T20 વર્લ્ડ કપ દરમિયાન ટકરાયા હતા. આ મેચ ઐતિહાસિક લોર્ડ્સ ક્રિકેટ ગ્રાઉન્ડ પર સુપર-8 સ્ટેજમાં રમાઈ હતી. પ્રથમ બેટિંગ કરતા ટીમ ઈન્ડિયાએ 20 ઓવરમાં 153/7 રન બનાવ્યા હતા. કેરેબિયન ટીમે 7 વિકેટ બાકી રહેતા 19.4 ઓવરમાં ટાર્ગેટ ચે કરી લીધો હતો. આ હારથી ભારતની ટુર્નામેન્ટમાં આગળ વધવાની સંભાવનાઓ પણ અસર પડી હતી.
2010
બંને ટીમો વેસ્ટ ઈન્ડિઝ દ્વારા આયોજિત T20 વર્લ્ડ કપ 2010ના સુપર-8 સ્ટેજમાં ફરી એકવાર ટકરાઈ હતી. આ વખતે કેરેબિયન ટીમે પ્રથમ બેટિંગ કરીને મિડલ ઓર્ડરના મજબૂત યોગદાનને કારણે 169/9નો મુશ્કેલ સ્કોર બનાવ્યો હતો. ટોપ-ઓર્ડરના પ્રયાસો છતાં ભારત બીજી ઈનિંગમાં સંઘર્ષ કરતું રહ્યું. ટાઈટ બોલિંગ અને નિયમિત અંતરાલ પર પડતી વિકેટોના કારણે ભારત 155/9 સુધી મર્યાદિત રહ્યું, જેના પરિણામે ટીમ ઈન્ડિયાએ 14 રનથી હારનો સામનો કરવો પડ્યો. આ હાર ફરી એકવાર ભારત માટે ટુર્નામેન્ટમાં મોંઘી સાબિત થઈ હતી.
2014
ભારતે બાંગ્લાદેશના મીરપુરમાં T20 વર્લ્ડ કપ 2014ના ગ્રુપ-સ્ટેજ મેચમાં ટેબલ ફેરવી દીધું. આ મેચમાં વેસ્ટ ઈન્ડિઝ 20 ઓવરમાં ફક્ત 129/7 જ બનાવી શક્યું. ભારતે આત્મવિશ્વાસપૂર્વક આ નાના સ્કોરને ચેઝ કર્યો અને પાંચ બોલ બાકી રહેતા 130/2 સુધી પહોંચી ગયું. વિરાટ કોહલીની ઈનિંગે ભારતને 7 વિકેટથી સરળ જીત અપાવી હતી.
2016
આ બંને ટીમો વચ્ચેનો સૌથી રોમાંચક મુકાબલો T20 વર્લ્ડ કપ 2016ની સેમીફાઈનલમાં રમાયો હતો. કોહલીના અણનમ 89 રનની મદદથી ભારતે 192/2નો જબરદસ્ત સ્કોર બનાવ્યો હતો. જોકે, લેન્ડલ સિમન્સ અને આન્દ્રે રસેલની આગેવાની હેઠળ વેસ્ટ ઈન્ડિઝે શાનદાર આ સ્કોર ચેઝ કરી લીધો હતો. વિન્ડીઝે 7 વિકેટથી જીત મેળવી અને પછી ફાઈનલમાં ઈંગ્લેન્ડને હરાવી તેનો બીજો T20 વર્લ્ડ કપ જીત્યો હતો.
