IND vs NZ / કેએલ રાહુલની શાનદાર સદી, ભારતે ન્યૂઝીલેન્ડને આપ્યો 285 રનનો ટાર્ગેટ
ભારત અને ન્યૂઝીલેન્ડ વચ્ચે રમાઈ રહેલી ત્રણ મેચોની વનડે સીરિઝની બીજી
ભારત અને ન્યૂઝીલેન્ડ વચ્ચે રમાઈ રહેલી ત્રણ મેચોની વનડે સીરિઝની બીજી મેચમાં ભારતીય ટીમે 50 ઓવરમાં 7 વિકેટે 284 રન બનાવ્યા છે. ભારતે ન્યૂઝીલેન્ડને 285 રનનો ટાર્ગેટ આપ્યો છે. રાજકોટના નિરંજન શાહ સ્ટેડિયમમાં રમાઈ રહેલી આ મેચમાં કેએલ રાહુલે શાનદાર બેટિંગ કરતા પોતાની કારકિર્દીની 8મી વનડે સદી ફટકારી ભારતને મજબૂત સ્થિતિમાં પહોંચાડ્યું હતું. ભારત હાલ સીરિઝમાં 1-0થી આગળ છે. જો ભારત આ લક્ષ્યાંકનો બચાવ કરી લેશે તો સીરિઝ પોતાના નામે કરી લેશે.
ટોપ ઓર્ડરની શરૂઆત ટોસ હારીને પ્રથમ બેટિંગ કરવા ઉતરેલી ભારતીય ટીમની શરૂઆત સારી રહી હતી. કેપ્ટન શુભમન ગિલે 56 રન અને રોહિત શર્માએ 24 રન બનાવી પ્રથમ વિકેટ માટે 70 રન જોડ્યા હતા. જોકે, મધ્યક્રમમાં વિરાટ કોહલી (23) અને શ્રેયસ અય્યર (8) મોટી ઇનિંગ રમવામાં નિષ્ફળ રહ્યા હતા.
કેએલ રાહુલની શાનદાર સદી
રાહુલની લડાયક ઇનિંગ એક સમયે ભારતીય ટીમે 118 રનમાં 4 વિકેટ ગુમાવી દીધી હતી, ત્યારે કેએલ રાહુલે જવાબદારી સંભાળી હતી. રાહુલે 92 બોલમાં અણનમ 112 રન બનાવ્યા હતા, જેમાં શાનદાર ચોગ્ગા અને છગ્ગાનો સમાવેશ થાય છે. તેણે રવિન્દ્ર જાડેજા (27) સાથે 73 રનની અને નીતીશ કુમાર રેડ્ડી (20) સાથે 57 રનની મહત્ત્વપૂર્ણ ભાગીદારી કરી હતી.
ન્યૂઝીલેન્ડની બોલિંગ
ન્યૂઝીલેન્ડ તરફથી યુવા બોલર ક્રિશ્ચિયન ક્લાર્કે પ્રભાવશાળી બોલિંગ કરતા 3 વિકેટ ઝડપી હતી. જ્યારે ઝાકરી ફોલ્કેસે પણ એક સફળતા મેળવી હતી. કિવી સ્પિનરોએ વચ્ચેની ઓવરોમાં રન ગતિ પર અંકુશ રાખ્યો હતો, પરંતુ અંતિમ ઓવરોમાં રાહુલે આક્રમક બેટિંગ કરી ભારતનો સ્કોર 280ને પાર પહોંચાડ્યો હતો.
બંને ટીમોની પ્લેઇંગ
ભારતની પ્લેઇંગ ઇલેવન: શુભમન ગિલ (કેપ્ટન), રોહિત શર્મા, વિરાટ કોહલી, શ્રેયસ ઐયર, કેએલ રાહુલ (વિકેટકીપર), નીતિશ કુમાર રેડ્ડી, રવિન્દ્ર જાડેજા, હર્ષિત રાણા, કુલદીપ યાદવ, અર્શદીપ સિંહ, મોહમ્મદ સિરાજ
ન્યૂઝીલેન્ડની પ્લેઇંગ ઇલેવન: ડેવોન કોન્વે, હેનરી નિકોલ્સ, વિલ યંગ, ડેરિલ મિચેલ, મિચેલ હે (વિકેટકીપર), ગ્લેન ફિલિપ્સ, માઇકલ બ્રેસવેલ (કેપ્ટન), ક્રિશ્ચિયન ક્લાર્ક, કાઇલ જેમિસન, જેક ફોક્સ, જેડેન લેનોક્સ
