IND vs NZ 1st ODI: 5 વિકેટથી જીત્યું ભારત, શ્રેણીમાં 1-0 થી આગળ, દમદાર ઈનિંગ રમી છવાયો કોહલી
ભારત અને ન્યુઝીલેન્ડ વચ્ચે પાંચ મેચની શ્રેણીની પહેલી ODI મેચ આજે ઓકલેન્ડના ઈડન પાર્ક સ્ટેડિયમ ખાતે રમાઈ હતી. આ મેચ ભારત 5 વિકેટથી જીતી ચૂક્યું છે. દરમિયાન વિરાટ કોહલીએ 51 બોલમાં 74 રનની શાનદાર ઈનિંગ રમી હતી.
DLS મેથડ હેઠળ ભારતે 22.4 ઓવરમાં પોતાની જીત નોંધાવી
ભારત પાસે જીત માટે 186 રનનો લક્ષ્યાંક હતો, જેનો પીછો કરવાનો પ્રયાસ સારી રીતે થયો ન હતો. પહેલી વિકેટ 1 રનના સ્કોર પર પડી અને રોહિત શર્મા શૂન્ય રન પર આઉટ થયો હતો. જોકે, ત્યારબાદ વિરાટ કોહલી અને કેપ્ટન શુભમન ગિલે શાનદાર ભાગીદારી કરી હતી.
વરસાદે મેચમાં વિઘ્ન પાડ્યો ત્યારે આ ભાગીદારી 50 રન સુધી પહોંચી. જ્યારે મેચ ફરી શરૂ થઈ, ત્યારે લક્ષ્ય 32 ઓવરમાં 143 રન પર ઘટાડી દેવામાં આવ્યું હતું. પીછો કરવામાં કોહલીએ અડધી સદી ફટકારી, 51 બોલમાં 74 રન બનાવ્યા હતા, જેમાં 13 ચોગ્ગા અને 1 છગ્ગો સામેલ હતો. શુભમન ગિલે પણ 37 રનની ઈનિંગ રમી હતી. બંનેએ 113 રનની ભાગીદારી કરી હતી. ભારતે મેચ 5 વિકેટે જીતી લીધી હતી.
ટોસ જીતીને લીધો બોલિંગ કરવાનો નિર્ણય
ભારતે ટોસ જીતીને બોલિંગ કરવાનો નિર્ણય લીધો હતો. પ્રથમ બેટિંગ કરતા ન્યૂઝીલેન્ડની ટીમ 40.2 ઓવરમાં માત્ર 185 રનમાં ઓલઆઉટ થઈ ગઈ હતી. ઓપનર ટિમ સીફર્ટે સૌથી વધુ 38 રન બનાવ્યા હતા, જેમાં તેણે 3 ચોગ્ગા અને 2 છગ્ગા ફટકાર્યા હતા. બ્લેર ટિકનરે પણ 34 રનની ઇનિંગ રમીને ટીમને 150 રનનો આંકડો પાર કરવામાં મદદ કરી હતી. આ દરમિયાન ભારત તરફથી અર્શદીપ સિંહે સૌથી વધુ 4 વિકેટ લીધી હતી. જો કે, પ્લેયર ઓફ ધ મેચનો ખિતાબ અંશુલ કંબોજને મળ્યો હતો. તેણે ભારત તરફથી 22 રન આપીને 2 વિકેટ ફટકારી હતી.
