IND vs AUS T20 Series: આ 5 મેચોની સિરિઝ ક્યારે અને ક્યાં રમાશે? જાણો સંપૂર્ણ શેડ્યૂલ
છેલ્લું અપડેટ : 24 Oct 2025
ભારત અને ઓસ્ટ્રેલિયા વચ્ચે ત્રણ મેચની ODI સિરિઝ સંપૂર્ણ થવાને આરે છે, હવે માત્ર એક જ મેચ રમાવાની બાકી છે. ભારત પહેલી બંને મેચ હારી ચૂક્યું છે. હવે આ બંને ટીમો વચ્ચેની T20I સિરિઝ પર સૌની નજર છે. ભારત-ઓસ્ટ્રેલિયા T20I સિરિઝ 29 ઓક્ટોબરે કેનબેરામાં પ્રથમ મેચ સાથે શરૂ થશે. સૂર્યકુમાર યાદવ T20I સિરિઝમાં ભારતીય ટીમનું નેતૃત્વ કરશે. કેટલાક ખેલાડીઓ ODI સિરિઝ પછી ઓસ્ટ્રેલિયા સામેની T20I સિરિઝ માટે T20I ટીમમાં જોડાશે. બાકીના ખેલાડીઓ T20I સિરિઝ શરૂ થાય તે પહેલાં ઓસ્ટ્રેલિયાના કેનબેરા પહોંચી ચૂક્યા છે.
T20 મેચ ક્યારે અને ક્યાં રમાશે?
ભારત અને ઓસ્ટ્રેલિયા વચ્ચે T20 સિરિઝ 29 ઓક્ટોબરથી શરૂ થશે. તેની અંતિમ મેચ 8 નવેમ્બરે રમાશે.
પહેલી મેચ - 29 ઓક્ટોબર, કેનબેરા
બીજી મેચ - 31 ઓક્ટોબર, મેલબોર્ન
ત્રીજી મેચ - 2 નવેમ્બર, હોબાર્ટ
ચોથી મેચ - 6 નવેમ્બર, ગોલ્ડ કોસ્ટ
પાંચમી મેચ - 8 નવેમ્બર, બ્રિસ્બેન
T20I સિરિઝ માટે ભારતીય ટીમ
સૂર્યકુમાર યાદવ (કેપ્ટન), શુભમન ગિલ (વાઈસ કેપ્ટન), અભિષેક શર્મા, તિલક વર્મા, નીતિશ કુમાર રેડ્ડી, શિવમ દુબે, અક્ષર પટેલ, જીતેશ શર્મા (વિકેટકીપર), વરુણ ચક્રવર્તી, જસપ્રીત બુમરાહ, અર્શદીપ સિંહ, કુલદીપ યાદવ, હર્ષિત રાણા, સંજુ સેમસન (વિકેટકીપર), રિંકુ સિંહ અને વોશિંગ્ટન સુંદર.
T20I સિરિઝ માટે ઓસ્ટ્રેલિયન ટીમ
મિચ માર્શ (કેપ્ટન), સીન એબોટ, ઝેવિયર બાર્ટલેટ, ટિમ ડેવિડ, બેન દ્વારશીસ, નાથન એલિસ, જોશ હેઝલવુડ, ટ્રેવિસ હેડ, જોશ ઇંગ્લિસ (વિકેટકીપર), મેથ્યુ કુહનેમન, મિશેલ ઓવેન, મેથ્યુ શોર્ટ, માર્કસ સ્ટોઇનિસ અને એડમ ઝામ્પા.
ભારત ઓસ્ટ્રેલિયા સામે ODI સિરિઝ હારી ગયું
ઓસ્ટ્રેલિયા પ્રવાસ માટે શુભમન ગિલને ભારતની ODI ટીમનો કેપ્ટન બનાવવામાં આવ્યો છે. ભારત અને ઓસ્ટ્રેલિયા વચ્ચેની ત્રણ મેચની સિરિઝમાં બે મેચ રમાઈ છે, અને ટીમ ઈન્ડિયા બંને હારી ગઈ છે. ઓસ્ટ્રેલિયા આ સિરિઝમાં 2-0થી આગળ છે. સિરિઝની છેલ્લી અને ત્રીજી ODI મેચ આવતીકાલે 25 ઓક્ટોબરના રોજ સિડનીમાં રમાશે.