NDVsAUS: ગાબા ટેસ્ટનો પ્રથમ દિવસ વરસાદમાં ધોવાયો, માત્ર 80 બોલની રમત જ શક્ય બની
ભારત અને ઓસ્ટ્રેલિયા વચ્ચે પાંચ મેચની બોર્ડર ગાવસ્કર ટ્રોફી (BGT) ટેસ્ટ સિરીઝની ત્રીજી મેચ બ્રિસ્બેનના ગાબા ખાતે
ભારત અને ઓસ્ટ્રેલિયા વચ્ચે પાંચ મેચની બોર્ડર ગાવસ્કર ટ્રોફી (BGT) ટેસ્ટ સિરીઝની ત્રીજી મેચ બ્રિસ્બેનના ગાબા ખાતે શરૂ થઈ હતી, પરંતુ વરસાદને કારણે મેચ ધોવાઈ ગઈ હતી. આજે એટલે કે 14 ડિસેમ્બર 2024ના રોજ આ મેચનો પ્રથમ દિવસ હતો.
આ પણ વાંચો :ચેમ્પિયન્સ ટ્રોફી 2025ના હાઇબ્રિડ મોડલ પર ICCની મહોર: જાણો ક્યાં રમાશે ભારતની મેચ
આ મેચમાં ભારતીય કેપ્ટન રોહિત શર્માએ ટોસ જીતીને પ્રથમ બોલિંગ કરવાનો નિર્ણય કર્યો. પરંતુ પ્રથમ દિવસે ભારે વરસાદ પડ્યો. જેના કારણે બીજીટીની આ મેચની મજા બગડી ગઈ. પ્રથમ દિવસે જ્યારે વરસાદને કારણે મેચ રદ કરવાનો નિર્ણય લેવામાં આવ્યો, ત્યારે પ્રથમ દાવમાં ઓસ્ટ્રેલિયાનો કોઈ પણ નુકશાન વિના 28 રન (13.2 ઓવર) હતા.
તે સમયે નાથન મેકસ્વીની (4 નોટ આઉટ) અને ઉસ્માન ખ્વાજા (19 નોટ આઉટ) બેટિંગ કરી રહ્યા હતા. જો કે, ગાબામાં પહેલા દિવસે 5.3 ઓવર પછી વરસાદ પડ્યો હતો. આ પછી 13.2 ઓવર પછી વરસાદે વિક્ષેપ કર્યો, જેના પછી મેચ શરૂ જ ન થઈ શકી.
દરમિયાન જ્યારે લંચ અને ચા પછી પણ રમત શરૂ ન થઈ શકી, ત્યારે લગભગ 12 વાગ્યે (ભારતીય સમય મુજબ) મેચ રદ કરવાનો નિર્ણય લેવામાં આવ્યો. મેચના પ્રથમ દિવસે એકંદરે માત્ર 80 બોલ જ રમાયા હતા. હવે ગાબા ટેસ્ટના બીજા દિવસની રમત સવારે 5.20 વાગ્યે (ભારતીય સમય મુજબ) શરૂ થશે. બીજા દિવસે 98 ઓવરની રમત રમાશે.
