IND vs AFG / 400 રન ફટકારીને પણ ભારતીય ટીમે બનાવ્યો અનિચ્છનીય રેકોર્ડ, 52 વર્ષના ઈતિહાસમાં પહેલીવાર બન્યું આવું

ભારત અને અફઘાનિસ્તાન વચ્ચે રમાયેલી ODI સિરીઝની બીજી મેચમાં ભારતીય બેટિંગનો દબદબો જોવા મળ્યો હતો. ટોસ હારીને પ્રથમ બેટિંગ કરવા ઉતરેલી ભારતીય ટીમે કેપ્ટન શુભમન ગિલ અને વિકેટકીપર બેટ્સમેન ઈશાન કિશનની શાનદાર સદીઓની મદદથી 402 રનનો વિશાળ સ્કોર ખડક્યો હતો. આ સાથે જ ભારતે ODI ક્રિકેટમાં રેકોર્ડ 8મી વખત 400થી વધુ રન બનાવવાની સિદ્ધિ મેળવી છે અને સાઉથ આફ્રિકાના રેકોર્ડની બરાબરી કરી લીધી છે. જોકે, આ ઐતિહાસિક સ્કોરની સાથે ભારતના નામે એક અનિચ્છનીય રેકોર્ડ પણ જોડાઈ ગયો છે.

આ પણ વાંચો :

ક્રિકેટ ઇતિહાસનો રોમાંચક મુકાબલો! નેપાળ-નેધરલેન્ડ્સ મેચમાં સર્જાયો વર્લ્ડ રેકોર્ડ

FIFA World Cup: 20 વર્ષ બાદ એ જ તારીખે મેસ્સીએ ફરી રચ્યો નવો ઇતિહાસ! આર્જેન્ટિનાએ તોડ્યો 44 વર્ષ જૂનો સિલસિલો

ઈતિહાસમાં પહેલીવાર: 400 રન બનાવીને ટીમ ઓલઆઉટ થઈ!

આ પણ વાંચો :

IND vs AFG: પંડ્યા બાદ વધુ એક સ્ટાર ઓલરાઉન્ડર ઈજાગ્રસ્ત, ટીમ ઈન્ડિયાને મોટો ફટકો

વૈભવ સૂર્યવંશી ફરી એક મેચને લઈ આવ્યો ચર્ચામાં! અમ્પાયરના નિર્ણયથી મેદાન પર ભારે બબાલ

ક્રિકેટના 52 વર્ષના ઈતિહાસમાં એવું પહેલીવાર બન્યું છે જ્યારે કોઈ ટીમે 400થી વધુ રનનો પહાડ જેવડો સ્કોર બનાવ્યો હોય અને તે ટીમ ઓલઆઉટ થઈ ગઈ હોય. ભારતની આખી ટીમ 49.5 ઓવરમાં 402 રન કરીને પવેલિયન ભેગી થઈ ગઈ હતી. નોંધનીય છે કે સાઉથ આફ્રિકા, ઓસ્ટ્રેલિયા અને ઈંગ્લેન્ડ જેવી ટીમોએ ઘણી વખત 400થી વધુ રન બનાવ્યા છે, પરંતુ તેઓ ક્યારેય ઓલઆઉટ નથી થઈ.

નબળી શરૂઆત બાદ ગિલ-ઈશાનનો મહાધમાકો

ભારતીય ઈનિંગની શરૂઆત સારી નહતી રહી, કારણ કે યશસ્વી જયસ્વાલ માત્ર 4 રન બનાવીને બીજી જ ઓવરમાં આઉટ થઈ ગયો હતો. ત્યારબાદ રોહિત શર્મા (48 રન) અને શુભમન ગિલે બીજી વિકેટ માટે 87 રનની પાર્ટનરશિપ કરી હતી. રોહિત આઉટ થયા બાદ ચોથા નંબરે આવેલા ઈશાન કિશને કેપ્ટન ગિલ સાથે મળીને અફઘાન બોલર્સની બરાબરની ધુલાઈ કરી હતી. બંને વચ્ચે ત્રીજી વિકેટ માટે 224 રનની ઐતિહાસિક પાર્ટનરશિપ થઈ હતી, જે અફઘાનિસ્તાન સામે ભારતની કોઈપણ વિકેટ માટેની સૌથી મોટી પાર્ટનરશિપ છે.

ઈશાન કિશન: 125 રન (79 બોલ, 14 ચોગ્ગા, 7 છગ્ગા) - આ તેના ODI કરિયરની બીજી સદી છે.

શુભમન ગિલ: 154 રન (110 બોલ, 22 ચોગ્ગા, 2 છગ્ગા) - આ તેના ODI કરિયરની 9મી સદી છે.

અંતમાં પત્તાની જેમ વિખેરાઈ ગયેલું લોઅર ઓર્ડર

એક સમયે આ બંનેની બેટિંગ જોઈને ભારતનો સ્કોર 450 સુધી પહોંચશે તેવું લાગતું હતું, પરંતુ ગિલ અને કિશન આઉટ થતાં જ ભારતીય બેટિંગ લાઇન-અપ પત્તાની જેમ વિખેરાઈ ગઈ હતી. લોઅર ઓર્ડર સંપૂર્ણપણે ફ્લોપ સાબિત થયો હતો. શ્રેયસ અય્યરે 26 રન અને વોશિંગ્ટન સુંદરે 19 રન બનાવ્યા હતા, જ્યારે કેએલ રાહુલ ખાતું પણ ન ખોલાવી શક્યો.

અફઘાનિસ્તાન સામે બીજો સૌથી મોટો સ્કોર

ODI ક્રિકેટમાં અફઘાનિસ્તાન વિરુદ્ધ કોઈપણ ટીમ દ્વારા બનાવવામાં આવેલો આ બીજો સૌથી મોટો સ્કોર છે. આ મામલે ઓસ્ટ્રેલિયા 417 રનના સ્કોર સાથે પ્રથમ ક્રમે છે. આ ઉપરાંત, વિશ્વમાં સૌથી વધુ વખત 400+ રન બનાવવાની યાદીમાં હવે ભારત અને સાઉથ આફ્રિકા 8-8 વખત સાથે સંયુક્ત રીતે પ્રથમ સ્થાને છે. જ્યારે ઈંગ્લેન્ડ 7 વાર અને ઓસ્ટ્રેલિયા 3 વાર આ સિદ્ધિ મેળવી ચૂક્યા છે.