દ્રવિડ-પુજારાની લિસ્ટમાં સામેલ થયો દેવદત્ત પડિક્કલ, નંબર-3 પર બેટિંગ કરતા શ્રીલંકા સામે રચ્યો ઈતિહાસ
છેલ્લું અપડેટ : 16 Aug 2026
ભારતીય બેટ્સમેન દેવદત્ત પડિક્કલે ગોલ ઈન્ટરનેશનલ સ્ટેડિયમ ખાતે શ્રીલંકા સામેની પ્રથમ ટેસ્ટની પ્રથમ ઈનિંગમાં પોતાની પ્રથમ ટેસ્ટ સદી ફટકારી. તે ત્યાં જ અટક્યો નહીં, મેચના બીજા દિવસે 150 રન બનાવ્યા.
આ સાથે પડિક્કલ એક ખાસ ક્લબમાં જોડાયો. તેણે 86મી ઓવરના છેલ્લા બોલ પર ચોગ્ગો ફટકારીને 150 રન બનાવ્યા. તેણે 215 બોલ પછી આ સીમાચિહ્ન હાંસલ કર્યું. આ સાથે નંબર 3 પર બેટિંગ કરતો આ બેટ્સમેન રાહુલ દ્રવિડ અને ચેતેશ્વર પૂજારાની યાદીમાં જોડાયો.
આ 9 વર્ષ પછી બન્યું
રાહુલ દ્રવિડ (177, અમદાવાદ, 2009) અને ચેતેશ્વર પૂજારા (153, ગોલ, 2017) પછી પડિક્કલ શ્રીલંકા સામે નંબર 3 પર બેટિંગ કરતી વખતે 150થી વધુ રન બનાવનાર ત્રીજો ભારતીય બેટ્સમેન બન્યો.
બેવડી સદી ચૂકી ગયો
દેવદત્ત પડિક્કલ બેવડી સદી ચૂકી ગયો. તેણે 230 બોલમાં 167 રન બનાવ્યા. આ ઈનિંગ દરમિયાન, ભારતીય બેટ્સમેને 15 ચોગ્ગા અને 1 છગ્ગો ફટકાર્યો. દેવદત્ત પડિક્કલને પ્રભાત જયસૂર્યાએ સ્ટમ્પ આઉટ કર્યો.
પ્રભાત જયસૂર્યાને બીજો નવો બોલ મળ્યો અને સેટ બેટ્સમેનને આઉટ કર્યો. દેવદત્ત પડિક્કલ ક્રીઝની બહાર રમી રહ્યો હતો. જયસૂર્યાને આની જાણ થઈ અને બોલને ઓફ સ્ટમ્પ નજીક ઝડપી અને સપાટ ફેંક્યો. પડિક્કલ ચૂકી ગયો, પરંતુ વિકેટકીપરે બોલ પકડ્યો અને તરત જ બેલ્સ ઉથલાવી દીધા. શ્રીલંકાને ફક્ત આ વિકેટની જરૂર હતી.
ભારત માટે પહેલી ટેસ્ટ સેન્ચુરીમાં સૌથી મોટી ઈનિંગ
- 303*: કરુણ નાયર
- 224: વિનોદ કાંબલી
- 215: મયંક અગ્રવાલ
- 200*: દિલીપ સરદેસાઈ
- 192: બી. કુંડેરન
- 187: શિખર ધવન
- 177: રોહિત શર્મા
- 174: સંદીપ પાટીલ
- 171: યશસ્વી જયસ્વાલ
- 167: વીવીએસ લક્ષ્મણ
- 167: દેવદત્ત પડિકલ (આજે)
