AUS vs ENG / 138 વર્ષ પછી બન્યું આવું... સિડની ટેસ્ટમાં ઓસ્ટ્રેલિયાએ લીધો મોટો નિર્ણય
છેલ્લું અપડેટ : 04 Jan 2026
ઓસ્ટ્રેલિયા અને ઈંગ્લેન્ડ વચ્ચે એશિઝ સિરીઝની પાંચમી અને છેલ્લી ટેસ્ટ સિડનીમાં રમાઈ રહી છે. જેમાં ઈંગ્લેન્ડના કેપ્ટન બેન સ્ટોક્સે ટોસ જીતીને પહેલા બેટિંગ કરવાનો નિર્ણય લીધો છે. જોકે, આ ટેસ્ટમાં ઓસ્ટ્રેલિયાના કેપ્ટન સ્ટીવ સ્મિથે એક એવો નિર્ણય લીધો જેનાથી બધાને આશ્ચર્ય થયું, ખાસ કરીને જ્યારે મેલબર્નમાં પાછલી ટેસ્ટમાં ટીમને હારનો સામનો કરવો પડ્યો હતો. આ આશ્ચર્યજનક પણ હતું કારણ કે ઓસ્ટ્રેલિયન કેપ્ટન સ્મિથે જે નિર્ણય લીધો, તેવું કંઈક સિડની ક્રિકેટ ગ્રાઉન્ડ પર રમાઈ રહેલી ટેસ્ટ મેચમાં 138 વર્ષ પછી પહેલીવાર જોવા મળ્યું.
ઓસ્ટ્રેલિયાએ સિડની ટેસ્ટમાં શું પગલું ભર્યું?
હવે પ્રશ્ન એ છે કે સિડની ટેસ્ટમાં ટોસ હાર્યા બાદ સ્ટીવ સ્મિથે શું પગલું ભર્યું? તેનો નિર્ણય ટીમની પ્લેઈંગ ઈલેવનને લગતો હતો. ઓસ્ટ્રેલિયાએ ફરી એકવાર નિષ્ણાત સ્પિનર વિના ટેસ્ટ મેચમાં પ્રવેશવાનો નિર્ણય લીધો છે.
એવું નહતું કે સ્મિથે કોઈ અનોખો નિર્ણય લીધો હોય. આ ત્રીજી મેચ છે, જેમાં ઓસ્ટ્રેલિયન ટીમ નિષ્ણાત સ્પિનર વિના રમી રહી છે. જોકે, સિડની ક્રિકેટ ગ્રાઉન્ડ પર રમાયેલી ટેસ્ટ મેચમાં ઓસ્ટ્રેલિયન ટીમ તરફથી આવું ક્યારેય નથી જોવા મળ્યું, ફક્ત આ સદીમાં જ નહીં પરંતુ છેલ્લી સદીમાં પણ આવું નથી બન્યું.
ઓસ્ટ્રેલિયાએ 138 વર્ષ પછી આવું કર્યું
ઓસ્ટ્રેલિયાએ ઈંગ્લેન્ડ સામેની સિડની ટેસ્ટમાં ટોડ મર્ફીની જગ્યાએ બ્યુ વેસ્ટરને મેદાનમાં ઉતારવાનો નિર્ણય લીધો. આનો અર્થ એ થયો કે ટીમે પ્લેઈંગ ઈલેવનમાં કોઈ નિષ્ણાત સ્પિનરનો સમાવેશ ન કર્યો. 1888 પછી આ પહેલીવાર બન્યું જ્યારે ઓસ્ટ્રેલિયાની ટીમ નિષ્ણાત સ્પિનર વિના ટેસ્ટ રમી રહી છે.
સિડની ટેસ્ટ માટે ઓસ્ટ્રેલિયાની પ્લેઈંગ ઈલેવન
સ્ટીવ સ્મિથ (કેપ્ટન), ટ્રેવિસ હેડ, જેક વેધરોલ્ડ, માર્નસ લાબુશેન, ઉસ્માન ખ્વાજા, એલેક્સ કેરી, કેમેરોન ગ્રીન, બ્યુ વેબસ્ટર, માઈકલ નેસર, મિચેલ સ્ટાર્ક, સ્કોટ બોલેન્ડ.
