VIDEO: T20 વર્લ્ડ કપ જીત્યા બાદ હાર્દિક પંડ્યાએ ખરીદી કરોડોની ફેરારી, ગર્લફ્રેન્ડ માહિકા સાથે તેમાં ફરતો જોવા મળ્યો
છેલ્લું અપડેટ : 16 Mar 2026
ટીમ ઈન્ડિયાએ તાજેતરમાં T20 વર્લ્ડ કપ 2026 જીતીને ઈતિહાસ રચ્યો છે. આ જીત સાથે ટીમ ઈન્ડિયા સતત બે વાર T20 વર્લ્ડ કપ ટ્રોફી જીતનાર પ્રથમ ટીમ બની ગઈ છે. ભારતને વિશ્વ ચેમ્પિયન બનાવવામાં મુખ્ય ભૂમિકા ભજવનાર સ્ટાર ઓલરાઉન્ડર હાર્દિક પંડ્યાએ તેના લક્ઝરી કાર કલેક્શનમાં એક નવી અને મોંઘી કાર ઉમેરીને આ ઐતિહાસિક જીતની ઉજવણી કરી છે. હાર્દિક તેની ગર્લફ્રેન્ડ માહિકા શર્મા સાથે આ નવી કારમાં સવારી કરવા ગયો હતો, જેનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે.
હાર્દિકે નવી ફેરારી 12-સિલિન્દ્રી ખરીદી
હાર્દિક પંડ્યાએ લગભગ 12 કરોડ રૂપિયાની કિંમતની નવી ફેરારી 12-સિલિન્દ્રી ખરીદી છે. હાર્દિકનો એક વીડિયો સોશિયલ મીડિયા પર વાયરલ થઈ રહ્યો છે, જેમાં તે આ નવી ફેરારી ચલાવતો જોવા મળે છે. હાર્દિકની ગર્લફ્રેન્ડ માહિકા શર્મા પણ ફેરારીમાં બેઠેલી જોવા મળી રહી છે. T20 વર્લ્ડ કપ જીત્યા પછી માહિકા હાર્દિક સાથે મેદાનમાં પણ જોવા મળી હતી. ફેન્સનું માનવું છે કે હાર્દિકે T20 વર્લ્ડ કપ 2026 જીત્યા પછી આ કાર પોતાને અને માહિકા શર્માને ગિફ્ટમાં આપી છે.
ફેરારી 12-સિલિન્દ્રી એ કંપનીની નવી V12 ગ્રાન્ડ-ટૂરિંગ સુપરકાર છે, જે ખાસ કરીને લક્ઝરી કાર ખરીદનારાઓ માટે બનાવવામાં આવી છે. આ ટુ સીટર કાર ભારતમાં અત્યંત દુર્લભ માનવામાં આવે છે. તેની ઓન-રોડ કિંમત 10 કરોડ રૂપિયાથી વધુ હોવાનું કહેવાય છે. પરફોર્મન્સની વાત કરીએ તો આ સુપરકારની ટોપ સ્પિડ આશરે 340–350 કિમી/કલાક છે અને તે ફક્ત 2.9 સેકન્ડમાં 0થી 100 કિમી/કલાકની ઝડપ પકડી શકે છે.
હાર્દિક પંડ્યાનું કાર કલેક્શન
હાર્દિકને લક્ઝરી લાઈફસ્ટાઇલ, મોંઘી ઘડિયાળો અને લક્ઝરી કારનો ખૂબ શોખીન છે. હાર્દિક પાસે પહેલાથી જ વિશ્વની ઘણી લક્ઝરી કાર છે, જેમાં Rolls-Royce Phantom, Lamborghini Huracan EVO, Lamborghini Urus, Mercedes-AMG G63, Range Rover Vogue અને Audi A6નો સમાવેશ થાય છે. હવે Ferrari 12Cilindri પણ તેના કાર કલેક્શનમાં જોડાઈ ગઈ છે.
T20 વર્લ્ડ કપ 2026 માં હાર્દિકનું પ્રદર્શન
32 વર્ષીય ખેલાડીએ ભારતની ટાઈટલ જીતમાં મુખ્ય ભૂમિકા ભજવી હતી. તેણે 9 મેચમાં 160.74ના સ્ટ્રાઈક રેટથી 217 રન બનાવ્યા હતા, જેમાં બે અડધી સદીનો સમાવેશ થાય છે. જરૂર પડ્યે તેણે શાનદાર બોલિંગ પણ કરી હતી અને 9 વિકેટો પણ લીધી હતી.