એડમ ગિલક્રિસ્ટે પસંદ કર્યા ક્રિકેટ જગતના 3 બેસ્ટ વિકેટકીપર, તેમાંથી એકને ગણાવ્યો પોતાનો આદર્શ

એડમ ગિલક્રિસ્ટની ગણતરી વિશ્વના મહાન વિકેટકીપરોમાં થાય છે. તેણે ઓસ્ટ્રેલિયા માટે ત્રણ વનડે વર્લ્ડ કપ જીત્યા હતા. તે વિશ્વના એવા કેટલાક ખેલાડીઓમાં સામેલ છે જેમણે ત્રણ વર્લ્ડ કપ ટાઈટલ જીત્યા છે. આંતરરાષ્ટ્રીય ક્રિકેટમાં ગિલક્રિસ્ટે કુલ 813 કેચ લીધા અને 92 સ્ટમ્પિંગ કરી છે. હવે તેણે કહ્યું છે કે તે કોને પોતાનો આદર્શ માનતો હતો.

ગિલક્રિસ્ટે 3 બેસ્ટ વિકેટકીપર પસંદ કર્યા 

એક ઇન્ટરવ્યુમાં એડમ ગિલક્રિસ્ટે જણાવ્યું હતું કે રોડની માર્શ તેના આદર્શ હતા. ગિલક્રિસ્ટે કહ્યું, "હું તેના જેવો જ બનવા માંગતો હતો. મને મહેન્દ્ર સિંહ ધોનીનું કૂલ હોવું પસંદ છે. તે હંમેશા શાંત રહે છે અને વસ્તુઓ પોતાની રીતે કરે છે. કુમાર સંગાકારા, દરેક બાબતમાં શ્રેષ્ઠ ખેલાડી. તેની વિકેટકીપિંગ અદભૂત અને ટોપ ઓર્ડરમાં બેટિંગ શાનદાર હતી.

રોડની માર્શ

રોડની માર્શ ઓસ્ટ્રેલિયાનો સર્વશ્રેષ્ઠ વિકેટકીપર હતો. તેનો જન્મ 1947માં થયો હતો. તેણે 1970માં ઓસ્ટ્રેલિયા તરફથી ટેસ્ટ ડેબ્યુ કર્યું હતું. તેણે ઓસ્ટ્રેલિયા માટે 96 ટેસ્ટ મેચોમાં કુલ 3633 રન બનાવ્યા, જેમાં ત્રણ સદી સામેલ છે. આ સિવાય તેણે વિકેટકીપર તરીકે 343 કેચ અને 12 સ્ટમ્પિંગ કર્યા હતા. તેણે ઓસ્ટ્રેલિયા માટે 96 ODI મેચ પણ રમી હતી.

મહેન્દ્ર સિંહ ધોની

બીજી તરફ મેદાન પર મહેન્દ્ર સિંહ ધોનીની ચપળતા જોવા જેવી છે. તે આંખના પલકારામાં સ્ટમ્પિંગ કરે છે. ધોનીએ ભારત માટે 90 ટેસ્ટ મેચમાં 4876 રન બનાવ્યા છે જેમાં 6 સદી સામેલ છે. વિકેટકીપર તરીકે તેના નામે 256 કેચ અને 38 સ્ટમ્પિંગ કરી છે.

કુમાર સંગાકારા

શ્રીલંકા માટે કુમાર સંગાકારાએ મોટાભાગે ટોપ ઓર્ડરમાં બેટિંગ કરી હતી. તેણે શ્રીલંકા માટે 134 ટેસ્ટ મેચોમાં કુલ 12,400 રન બનાવ્યા હતા, જેમાં 38 વનડેનો સમાવેશ પણ થાય છે. વિકેટકીપર તરીકે તેણે ટેસ્ટમાં 182 કેચ અને 20 સ્ટમ્પિંગ કર્યા હતા.