VIDEO: IND vs ENG / ત્રીજી ODI પહેલા ભારતીય ટીમને લાગ્યો મોટો ઝટકો, નિર્ણાયક મેચમાંથી બહાર થઈ શકે છે આ ખેલાડી
છેલ્લું અપડેટ : 17 Jul 2026
લોર્ડ્સ ક્રિકેટ ગ્રાઉન્ડ પર રમાનારી ત્રીજી ODIએ ભારત અને ઈંગ્લેન્ડ વચ્ચેની સિરીઝની નિર્ણાયક મેચ છે. સિરીઝ હાલમાં 1-1 થી બરાબર છે. શુભમન ગિલ અને ટીમે પહેલી મેચ જીતી હતી, જ્યારે યજમાન ટીમે બીજી જીતી હતી. હવે ત્રીજી મેચ સિરીઝ નિર્ણાયક છે, જે પહેલા ભારતીય ટીમને મોટો ઝટકો લાગ્યો છે. પહેલી મેચમાં અડધી સદી ફટકારનાર વોશિંગ્ટન સુંદરની ઈજાએ તણાવમાં વધારો કર્યો છે.
વોશિંગ્ટન સુંદર બીજી ODIમાં પણ ઈજા સાથે સંઘર્ષ કરતો જોવા મળ્યો હતો અને બોલિંગ નહતી કરી, જેના કારણે ટીમને નુકસાન થયું હતું. પહેલાથી જ ભારતના ઘણા ઓલરાઉન્ડર ઈજાગ્રસ્ત છે અને વોશિંગ્ટનની ઈજાએ ચિંતામાં વધારો કર્યો છે. અહેવાલો સૂચવે છે કે વોશિંગ્ટન ત્રીજી અને નિર્ણાયક ODIમાંથી બહાર થઈ શકે છે.
ભારતના બે ઓલરાઉન્ડર હાર્દિક પંડ્યા અને નીતિશ કુમાર રેડ્ડી ઈજાગ્રસ્ત છે. હાર્દિક IPL 2026માં ઈજાગ્રસ્ત થયો હતો, જ્યારે નીતિશ અફઘાનિસ્તાન સામેની સિરીઝ દરમિયાન ટ્રેનિંગ વખતે ઈજાગ્રસ્ત થયો હતો. ઈજાને કારણે તે ઈંગ્લેન્ડ પ્રવાસમાંથી બહાર થઈ ગયો હતો.
ભારતીય ટીમ
શુભમન ગિલ (કેપ્ટન), રોહિત શર્મા, વિરાટ કોહલી, કેએલ રાહુલ (વિકેટકીપર), ઈશાન કિશન (વિકેટકીપર), શ્રેયસ અય્યર, પ્રસિદ્ધ કૃષ્ણા, વોશિંગ્ટન સુંદર, શિવમ દુબે, પ્રિન્સ યાદવ, અક્ષર પટેલ, કુલદીપ યાદવ, જસપ્રીત બુમરાહ, અર્શદીપ સિંહ, ગુરનુર બરાર.
ઈંગ્લેન્ડ ટીમ
હેરી બ્રુક (કેપ્ટન), લિયામ ડોસન, આદિલ રશીદ, જોસ બટલર (વિકેટકીપર), ટોમ બેન્ટન (વિકેટકીપર), જો રૂટ, બેન ડકેટ, જોફ્રા આર્ચર, સાકિબ મહમૂદ, બ્રાયડન કાર્સ, સેમ કરન, જોશ ટંગ, વિલ જેક્સ, ગસ એટકિન્સન, જેમ્સ કોલ્સ, જેકબ બેથેલ, રેહાન અહેમદ.
ત્રીજી ODI લાઇવ ક્યાં જોવી?
ભારત અને ઈંગ્લેન્ડ વચ્ચેની ત્રીજી ODI રવિવાર, 19 જુલાઈના રોજ બપોરે 3:30 વાગ્યે શરૂ થશે, ટોસ ભારતીય સમય મુજબ બપોરે 3 વાગ્યે થશે. મેચનું લાઇવ ટેલિકાસ્ટ સોની સ્પોર્ટ્સ નેટવર્ક પર કરવામાં આવશે. લાઈવ સ્ટ્રીમિંગ JioHotstar એપ અને વેબસાઈટ પર ઉપલબ્ધ થશે.
