પેરિસ પેરાલિમ્પિક 2024માં મેડલ માટે મોટા દાવેદાર છે 5 ભારતીય એથ્લેટ, એક તો જેવલિન થ્રોમાં જીતી ચુક્યો છે ગોલ્ડ

પેરિસ પેરાલિમ્પિક 28 ઓગસ્ટથી શરૂ થઈ રહી છે. આ વખતે ભારતમાંથી 84 એથ્લેટ્સની મોટી ટુકડી ભાગ લેવા ગઈ છે, જેમાં 52 પુરૂષ અને 32 મહિલા એથ્લેટ્સનો સમાવેશ થાય છે. ગત વખતે ભારતે પેરાલિમ્પિકમાં કુલ 19 મેડલ જીત્યા હતા, જેમાં પાંચ ગોલ્ડનો સમાવેશ થાય છે. ત્યારે ભારતે મેડલા ટેબલ પર 24મું સ્થાન મેળવ્યું હતું. આ વખતે મેડલની સંખ્યા વધી શકે છે. ચાલો જાણીએ એવા ભારતીય પેરાથ્લેટ્સ વિશે જેઓ પેરિસમાં મેડલ જીતવાના પ્રબળ દાવેદાર છે.

સુમિત અંતિલ

નીરજ ચોપરાને આખી દુનિયા જાણે છે. તેણે જેવલિન થ્રોમાં પોતાનું નામ કર્યું છે. સુમિત અંતિલ પેરિસ પેરાલિમ્પિકમાં જેવલિન થ્રોમાં ભારતના ગોલ્ડ મેડલની મોટી આશા છે. 26 વર્ષીય સુમિતે ગત પેરાલિમ્પિકમાં 70.83 મીટરનો થ્રો કરીને ગોલ્ડ મેડલ જીત્યો હતો. તેણે એશિયન ગેમ્સમાં પણ ગોલ્ડ મેડલ જીત્યો છે. આ વર્ષે તેણે વર્લ્ડ ચેમ્પિયનશિપમાં પણ ગોલ્ડ જીત્યો છે. તે શાનદાર ફોર્મમાં છે.

સુહાસ યથિરાજ

સુહાસ યથિરાજ છેલ્લા કેટલાક સમયથી સારા ફોર્મમાં છે અને તે કોઈપણ વિરોધી ખેલાડીને હરાવવાની ક્ષમતા ધરાવે છે. તે બેડમિન્ટનમાં વર્લ્ડ નંબર-1 છે અને તેણે ટોક્યો પેરાલિમ્પિકમાં સિલ્વર મેડલ જીત્યો હતો. તાજેતરમાં તેણે એશિયન ગેમ્સમાં ગોલ્ડ જીત્યો હતો. આ વખતે તે પેરિસ પેરાલિમ્પિકમાં મેડલ જીતવાનો મોટો દાવેદાર છે. રમતગમતમાં તેના ઉત્તમ પ્રદર્શનને કારણે તેને અર્જુન એવોર્ડથી સન્માનિત કરવામાં આવ્યો છે.

અવની લેખરા

ભારતની મનુ ભાકરે પેરિસ ઓલિમ્પિક 2024માં બે બ્રોન્ઝ મેડલ જીત્યા હતા. શૂટિંગમાં અવની લેખરા પાસેથી આવી જ અજાયબીઓની અપેક્ષા છે. ભલે તે વ્હીલચેરની મદદથી ચાલે છે, પરંતુ તેના સપનાની ઉડાનને કંઈપણ નહીં રોકી શકે. તેણે ટોક્યો પેરાલિમ્પિકમાં બે મેડલ જીત્યા હતા. ત્યારબાદ તેણે 10 મીટર એર રાઈફલમાં ગોલ્ડ મેડલ અને 50 મીટર થ્રી પોઝિશન રાઈફલમાં બ્રોન્ઝ મેડલ જીત્યો હતો. તેણે વર્લ્ડ કપ 2022માં બે ગોલ્ડ મેડલ જીત્યા છે. ભારતીયોને આ 22 વર્ષીય એથ્લેટ પાસેથી ફરીથી ગોલ્ડ મેડલની આશા છે.

મરિયપ્પન થંગાવેલુ

29 વર્ષીય મરિયપ્પન થાંગાવેલુ પેરા હાઈ જમ્પર છે. તેણે ટોક્યો અને રિયો પેરાલિમ્પિકમાં મેડલ જીત્યા છે. આ સિવાય તેણે આ વર્ષે વર્લ્ડ ચેમ્પિયનશિપમાં ગોલ્ડ જીત્યો હતો. આ કારણોસર પેરિસ પેરાલિમ્પિકમાં મેડલ માટે સૌથી મોટી દાવેદાર છે. ગત વખતે તેણે 1.89 મીટરના જમ્પ સાથે ગોલ્ડ મેડલ જીત્યો હતો. તેણે એશિયન ગેમ્સમાં સિલ્વર મેડલ જીત્યો હતો.

ભાવિના પટેલ

ટેબલ ટેનિસ ખેલાડી ભાવિના પટેલ આ વખતે મેડલ જીતી શકે છે. તેણે કોમનવેલ્થ 2022માં ગોલ્ડ મેડલ અને એશિયન ગેમ્સ 2022માં બ્રોન્ઝ મેડલ જીત્યો છે. છેલ્લી સિઝનમાં તેણે પોતાનો પહેલો પેરાલિમ્પિક મેડલ જીત્યો હતો.