આ દિવસે છે શનિ અમાવસ્યા, જાણો સાચી તારીખ અને શુભ સમય

હિન્દુ કેલેન્ડરમાં, શનિ અમાવસ્યાનો દિવસ ખૂબ જ પવિત્ર અને ખાસ માનવામાં આવે છે. આ દિવસ ભગવાન શનિદેવની પૂજા માટે સમર્પિત છે, જે કર્મ, શિસ્ત, મુશ્કેલીઓ અને જીવનના સંતુલનનું પ્રતીક છે. એવું માનવામાં આવે છે કે, આ દિવસે ભગવાન શિવની પૂજા પણ ખૂબ જ ફળદાયી છે, જે જીવનના અવરોધોને દૂર કરે છે સાથે જ સુખ અને સમૃદ્ધિ પણ લાવે છે.

શનિ અમાવસ્યાને આત્મનિરીક્ષણ, માનસિક શાંતિ અને આધ્યાત્મિક શુદ્ધિકરણ માટે શ્રેષ્ઠ સમય માનવામાં આવે છે. આ પ્રસંગે, ભક્તો ગંગા જેવી પવિત્ર નદીઓમાં સ્નાન કરે છે, ધ્યાન કરે છે અને દાન કરે છે.

શનિ અમાવસ્યા 2025ની તારીખ અને સમય

પંચાંગ અનુસાર, ભાદ્રપદ મહિનાની અમાવસ્યા તિથિ 22 ઓગસ્ટ 2025ના રોજ સવારે 11:55 વાગ્યે શરૂ થશે અને 23 ઓગસ્ટ 2025ના રોજ સવારે 11:35 વાગ્યે સમાપ્ત થશે. ઉદય તિથિ અનુસાર, મુખ્ય તહેવાર 23 ઓગસ્ટના રોજ ઉજવવામાં આવશે.

સૂર્યોદય: 05:16 AM

સૂર્યાસ્ત: 06:02 PM

બ્રહ્મ મુહૂર્ત: 03:46 AM - 04:31 AM

વિજય મુહૂર્ત: 01:47 PM - 02:38 PM

સાંજનો સમય: 06:02 PM - 06:24 PM

નિશિતા મુહૂર્ત: 11:17 PM - 12:02 AM

વિશેષ યોગ

આ વર્ષે શનિ અમાવાસ્યાના દિવસે શિવયોગનો એક ખાસ સંયોગ બની રહ્યો છે, જે બપોરે 12:54 સુધી રહેશે. આ સાથે, દિવસ દરમિયાન પરિઘ યોગ પણ બનશે, જે બપોરે 01:20 વાગ્યે સમાપ્ત થશે. આ યોગોમાં ભગવાન શિવ અને શનિદેવની પૂજા કરવાથી વિશેષ પુણ્ય મળે છે.

આ શુભ મંત્રનો કરવો જાપ

આ દિવસે નીચેના મંત્રોનો જાપ કરવો અત્યંત લાભકારી માનવામાં આવે છે-
ॐ नमः शिवाय
ॐ महादेवाय विद्महे रुद्रमूर्तये धीमहि तन्नः शिवः प्रचोदयात्
ॐ त्र्यंबकं यजामहे सुगंधिं पुष्टिवर्धनम्, उर्वारुकमिव बन्धनान् मृत्योर्मुक्षीय मामृतात्
ॐ शं नो देविरभिष्ठय आपो भवंतु पीतये. शं यो रभि श्रवंतु नः

આ ઉપરાંત, ભક્તો શનિ સ્તોત્ર, શનિ ચાલીસા અથવા હનુમાન ચાલીસાનો પાઠ કરી શકે છે, જે જીવનના તમામ અવરોધોથી મુક્તિ આપે છે.

નોંધ:-   આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.