ક્યારથી શરુ થઈ રહી છે શારદીય નવરાત્રી? જાણો શારદીય નવરાત્રિનું ધાર્મિક મહત્ત્વ

હિંદુ ધર્મમાં નવરાત્રીનું વિશેષ મહત્વ છે. આગામી ઓક્ટોબર મહિનામાં શારદીય નવરાત્રી (Navratri 2024) શરૂ થવા જઈ રહી છે.શારદીય નવરાત્રી દરમિયાન મા દુર્ગાના નવ સ્વરૂપોની પૂજા કરવામાં આવે છે.  

આ વર્ષે અશ્વિન શુક્લ પક્ષની પ્રતિપદા તિથિ 3જી ઓક્ટોબરના રોજ સવારે 12.18 વાગ્યાથી 4 ઓક્ટોબરના રોજ સવારે 02.58 વાગ્યા સુધી રહેશે. નવરાત્રિના પ્રથમ દિવસે ઘટસ્થાપન માટેનો શુભ સમય સવારે 06.15 થી 07.22 સુધીનો છે. 

શારદીય નવરાત્રિમાં મહાષ્ટમી અને દુર્ગાનવમીના દિવસો સૌથી પ્રભાવશાળી માનવામાં આવે છે. આ વખતે નવરાત્રિમાં અષ્ટમી 11મી ઓક્ટોબરે છે અને મહાનવમી 12મી ઓક્ટોબર 2024ના રોજ છે.

વર્ષ 2024ની શારદીય નવરાત્રિમાં મા દુર્ગા પાલખીમાં સવાર થશે, કારણ કે આ વર્ષે ગુરુવારથી નવરાત્રિ શરૂ થઈ રહી છે. જો ગુરુવારથી નવરાત્રિ શરૂ થાય છે તો માતા દેવી પાલખીમાં બેસીને પૃથ્વી પર આવે છે.

શારદીય નવરાત્રીની 9 દેવીઓ - મા શૈલપુત્રી, મા બ્રહ્મચારિણી, મા ચંદ્રઘંટા, મા કુષ્માંડા, મા સ્કંદમાતા, મા કાત્યાયની, મા કાલરાત્રી, મા મહાગૌરી, મા સિદ્ધિદાત્રી.

નવરાત્રિ દરમિયાન 9 દિવસ સુધી અખંડ જ્યોત પ્રગટાવવામાં આવે છે. ઘીનો દીવો દેવીની જમણી બાજુ અને તેલનો દીવો દેવીની ડાબી બાજુએ રાખવો જોઈએ.

પૌરાણિક કથા

શારદીય નવરાત્રી ઉજવવા પાછળ એક નહિ પરંતુ બે પૌરાણિક કથાઓ છે. મહિષાસુર નામના રાક્ષસે ભગવાન બ્રહ્માને તેમની પૂજા કરીને પ્રસન્ન કર્યા, જેમાં તેણે ભગવાન બ્રહ્મા પાસે એવું વરદાન માંગ્યું કે વિશ્વમાં કોઈ દેવ, દાનવ કે મનુષ્ય તેને મારી ન શકે. આ પછી તેણે આખી દુનિયામાં તબાહી મચાવી દીધી. આ સમયગાળા દરમિયાન, માતા દુર્ગા અને રાક્ષસ મહિષાસુર વચ્ચે નવ દિવસ સુધી યુદ્ધ ચાલ્યું. આખરે દસમા દિવસે માતાએ રાક્ષસનો વધ કર્યો.

બીજી કથા મુજબ, શારદીય નવરાત્રી એટલા માટે ઉજવવામાં આવે છે કારણ કે, ભગવાન રામ માતા સીતાને બચાવવા માટે લંકા પર હુમલો કરવા જઈ રહ્યા હતા. આ પહેલા તેમણે માતા ભગવતીની પૂજા કરી હતી. ભગવાન રામે નવ દિવસ સુધી રામેશ્વરમાં માતા દેવીની પૂજા કરી, ત્યારબાદ માતા પ્રસન્ન થયા અને તેમને વિજય માટે આશીર્વાદ આપ્યા. ત્યારબાદ દસમા દિવસે શ્રી રામે રાવણનો વધ કરી વિજય પ્રાપ્ત કર્યો. ત્યારથી વિજયાદશમીનો તહેવાર ઉજવવા લાગ્યો.

નોંધ: આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.