Olympics 2024: પેરિસ ઓલિમ્પિકમાં ભારતનું આખું શેડ્યૂલ, જાણો કઈ રમતોમાં ભારતીય એથ્લેટ લેશે ભાગ

ઓલિમ્પિક્સ 2024નું આયોજન પેરિસ દ્વારા કરવામાં આવશે. ગેમ્સના મહાકુંભનું ઉદઘાટન 26મી જુલાઈ, શુક્રવારના રોજ થશે, પરંતુ ભારત તેનું અભિયાન એક દિવસ પહેલા એટલે કે 25મી જુલાઈ, ગુરુવારથી શરૂ કરશે. આ વખતે ઓલિમ્પિકમાં કુલ 117 ભારતીય ખેલાડીઓ ભાગ લઈ રહ્યા છે. ભારત આ વખતના ઓલિમ્પિકની શરૂઆત તીરંદાજીથી કરશે. ભારતીય ખેલાડીઓ 16 રમતોની 69 મેડલ ઈવેન્ટ્સમાં ભાગ લેશે.

કઈ 16 રમતોમાં ભારતીય ખેલાડીઓ જોવા મળશે?

ભારતીય ખેલાડીઓ કુલ 16 રમતોમાં ભાગ લેતા જોવા મળશે. આ રમતોમાં તીરંદાજી, એથ્લેટિક્સ, બેડમિન્ટન, બોક્સિંગ, ઘોડેસવારી, ગોલ્ફ, હોકી, જુડો, રોઇંગ, સેઇલિંગ, શૂટિંગ, સ્વિમિંગ, ટેબલ ટેનિસ અને ટેનિસનો સમાવેશ થાય છે.

કઈ રમતમાં મેડલ મેળવવાની વધુ આશા છે?

ભારત પેરિસ ઓલિમ્પિકનો પહેલો મેડલ 27મી જુલાઈએ મેળવી શકે છે. 27 જુલાઈના રોજ, સંદીપ સિંહ/ઈલાવેનિલ વાલારિવન અને અર્જુન બાબુતા/રમિતા જિંદાલની જોડી મિશ્ર 10 મીટર એર રાઈફલ ઈવેન્ટ માટે મેદાનમાં ઉતરશે. એર રાઈફલ ઈવેન્ટમાં ભારતને મેડલ મળી શકે છે. ત્યારબાદ પીવી સિંધુ 27મી જુલાઈથી 5મી ઓગસ્ટ દરમિયાન યોજાનારી બેડમિન્ટન સ્પર્ધામાં શાનદાર પ્રદર્શન કરશે, તેમાં મેડલ મેળવવાની પૂરી શક્યતાઓ છે. લવલીના ગોરાગાહેન 27મી જુલાઈથી બોક્સિંગમાં જોવા મળશે. તેની સાથે નિખત ઝરીન પણ જોવા મળશે. 7 ઓગસ્ટના રોજ વેઈટલિફ્ટર મીરાબાઈ ચાનુ 49 કિગ્રા વેઈટલિફ્ટિંગ ઈવેન્ટમાં ભાગ લેશે. મીરાબાઈ ચાનુએ 2020 ટોક્યો ઓલિમ્પિકમાં સિલ્વર મેડલ જીત્યો હતો. આ સિવાય ભારત 8 ઓગસ્ટે પણ મેડલ જીતી શકે છે. સ્ટાર જેવલિન થ્રોઅર નીરજ ચોપરા 6ઠ્ઠી ઓગસ્ટે ક્વોલિફાયરમાં અને પછી 8મી ઓગસ્ટે ફાઇનલમાં મેદાનમાં ઉતરી શકશે.

પેરિસ ઓલિમ્પિકમાં ભારતનું આખું શેડ્યૂલ