Paris Olympics: નિશા દહિયા ક્વાર્ટર ફાઈનલમાં છેલ્લી 33 સેકન્ડમાં હારી, હાર બાદ રડી પડી નિશા

Paris Olympics: ઉત્તર કોરિયાના કુસ્તીબાજે આ તકનો ફાયદો ઉઠાવીને 11 સેકન્ડમાં ચાર પોઈન્ટ બનાવ્યા અને સ્કોર 8-8થી બરાબર થઈ ગયો. જ્યારે મેચ સમાપ્ત થવામાં 12 સેકન્ડ બાકી હતી. ત્યારબાદ નિશાને વધુ દુખાવો થવા લાગ્યો અને મેચ ફરી બંધ થઈ ગઈ.

ભારતની સ્ટાર રેસલર નિશા દહિયાને ક્વાર્ટર ફાઇનલમાં હારનો સામનો કરવો પડ્યો હતો. મહિલા 68 કિગ્રા વજન વર્ગમાં તેણીનો સામનો ઉત્તર કોરિયાની પાક સોલ ગમ સામે હતો. જો કે આ સ્પર્ધા નિશા માટે અત્યંત પીડાદાયક સાબિત થઈ. ત્રણ મિનિટ બાદ તેઓએ 8-2ની સરસાઈ મેળવી લીધી હતી. જ્યારે મેચ સમાપ્ત થવામાં 33 સેકન્ડ બાકી હતી ત્યારે નિશા ઘાયલ થઈ ગઈ હતી. મેચ રોકી દેવામાં આવી અને તેના હાથ પર બેન્ડ લગાવવામાં આવ્યું. જોકે, બેન્ડ બાંધવું નિશા માટે સારું સાબિત ન થયું.

ઉત્તર કોરિયાના કુસ્તીબાજે આ તકનો ફાયદો ઉઠાવ્યો અને 11 સેકન્ડમાં ચાર પોઈન્ટ બનાવ્યા અને સ્કોર 8-8 થી બરાબર થઈ ગયો. જ્યારે મેચ સમાપ્ત થવામાં 12 સેકન્ડ બાકી હતી. ત્યારબાદ નિશાને વધુ દુખાવો થવા લાગ્યો અને મેચ ફરી બંધ થઈ ગઈ. ફિઝિયોએ નિશાની સારવાર કરી, પરંતુ નિશાને જોઈને લાગતું હતું કે તેના ડાબા હાથમાં સખત દુખાવો છે. તે સમયે તે રડવા લાગી હતી. જોકે, કોચે નિશાને કહ્યું કે તે હજુ પણ જીતી શકે છે. જો સ્કોર 8-8 થી બરાબર રહ્યો હોત તો નિશા સેમિફાઇનલમાં પહોંચી શકી હોત. જોકે છેલ્લી 12 સેકન્ડમાં નોર્થ કોરિયાના કુસ્તીબાજે બે પોઈન્ટ મેળવ્યા હતા અને મેચ 10-8થી જીતી લીધી હતી.

આ રીતે મેચ હાર્યા પછી નિશા મેટ પર પડી રહી અને જોરથી રડવા લાગી. તેણીની આંખોમાં આંસુ હતા કારણ કે તે વિજયની ખૂબ નજીક હતી. જો તેણીએ 10 પોઇન્ટ મેળવ્યા હોત, તો તે ટેકનિકલ શ્રેષ્ઠતા પર મેચ જીતી હોત. જો કે, આવું ન થઈ શક્યું અને આઠ પોઈન્ટ બાદ તે ઈજાગ્રસ્ત થઈ ગઈ. જો કે, નિશાએ બધુ ગુમાવ્યું નથી. જો ઉત્તર કોરિયાની આ કુસ્તીબાજ ફાઈનલમાં જગ્યા બનાવવામાં સફળ થાય છે તો નિશા રિપેચેજ રમીને બ્રોન્ઝ મેડલ જીતી શકે છે.

ઈજાને કારણે નિશા ભલે ક્વાર્ટર ફાઇનલમાં હારી ગઈ હોય, પરંતુ તેણે હાર માની નહીં. આ જુસ્સો બતાવીને નિશાને દેશના લોકોનું દિલ જીતી લીધું છે. તેણીએ હાર ન માની અને લડતી રહી. તે બે પોઈન્ટથી પાછળ રહી ગઈ હતી. તાજેતરમાં, મહિલા બોક્સિંગમાં એક ઘટના પ્રકાશમાં આવી હતી, જેમાં લિંગ વિવાદનો સામનો કરી રહેલા બોક્સર ઈમાને ખલીફેને પંચ લેતા 46 સેકન્ડમાં ઇટાલીની કેરિનીએ મેચ છોડી દીધી હતી. જોકે, હાથની ગંભીર ઈજા છતાં નિશાને તેના વિરોધનો સામનો કરવો પડ્યો હતો.

નિશાની ઈજા કેટલી ગંભીર છે તે જાણી શકાયું નથી. જો કે, જો તે રિપેચેજમાં પ્રવેશ કરે છે, તો તેના માટે હજુ બે દિવસ બાકી છે. આવી સ્થિતિમાં નિશા રમી શકશે કે નહીં તે જોવું રહ્યું. જો તેની ઈજા ગંભીર નથી તો તે રેપેચેજ જીતીને ભારત માટે વધુ એક મેડલ મેળવવાનો પ્રયાસ કરશે. નિશા જે રીતે તેનો હાથ પકડી રહી હતી તે જોઈને લાગતું હતું કે તેનો ખભા ડગમગી ગયો છે. તે મેચની કોમેન્ટ્રી કરી રહેલી સાક્ષી મલિકે કહ્યું હતું કે ઓલિમ્પિકની શરૂઆત પહેલા જ નિશાને તેને કહ્યું હતું કે તેના હાથમાં થોડો દુખાવો છે. આ પહેલા પ્રી-ક્વાર્ટર ફાઈનલ મેચમાં નિશાએ યુક્રેનની ટેટિના રિઝકો સોવાને 6-4થી હાર આપી હતી. નિશા આ મેચમાં 4-1થી પાછળ હતી. જોકે છેલ્લી થોડી મિનિટોમાં નિશાને વાપસી કરી હતી અને મેચ 6-4થી જીતીને ક્વાર્ટર ફાઇનલમાં જગ્યા બનાવી લીધી હતી.