ઓલિમ્પિકમાં કિશોર જેનાની સફર પૂરી, 80.73 મીટરના થ્રો સાથે ફાઈનલમાં ક્વોલિફાય ન થઈ શક્યો

ભારતના કિશોર જેના મંગળવારે મેન્સ જેવલિન થ્રોના ક્વોલિફિકેશન રાઉન્ડમાં 80.73 મીટરના શ્રેષ્ઠ પ્રયાસ સાથે તેના ગ્રુપમાં નવમા સ્થાને રહ્યો હતો. ગ્રુપ Aના ચાર એથ્લેટ્સે 84 મીટરના ઓટોમેટિક ક્વોલિફિકેશન માર્કને પાર કરીને ફાઈનલ માટે ક્વોલિફાય કર્યું હતું. આ પછી, ગ્રુપ Bમાંથી નીરજ ચોપરા અને પાકિસ્તાનના નદીમ સહિત ચાર એથ્લેટ્સ પણ 84 મીટરના માર્કને પાર કરીને ક્વોલિફાય થયા. તેનો અર્થ એ કે બંને જૂથમાંથી કુલ આઠ એથ્લેટ્સ ફાઈનલ માટે આપોઆપ ક્વોલિફાય થઈ ગયા. બંને ગ્રૂપ સહિત કુલ 12 ખેલાડીઓએ ફાઈનલ માટે ક્વોલિફાય થવાનું હતું. આઠ પછી બાકીના ચાર સ્થાનો એ જેવલિન થ્રોઅરે જવાનું હતું જેનો થ્રો આ આઠ ફાઈનલિસ્ટ પછી શ્રેષ્ઠ હતો. જો કે, આ ચારમાં કિશોર જેનાનો થ્રો ક્યાંય નહોતો. ઘણા ખેલાડીઓએ તેની ઉપર થ્રો કર્યો હતો.

જેનાનો થ્રો કેવો હતો?

ગ્રુપ A અને Bની ક્વોલિફિકેશન પછી, તમામ ખેલાડીઓ કે જેમણે 84 મીટર કે તેથી વધુનો થ્રો કર્યો હતો અથવા બંને ગ્રુપના ટોચના 12 ખેલાડીઓએ ગુરુવારે યોજાનારી ફાઈનલમાં જગ્યા બનાવવાની હતી. કિશોર જેનાએ તેના પ્રથમ પ્રયાસમાં 80.73 મીટર દૂર થ્રો કર્યો, ત્યારબાદ તેનો બીજા પ્રયાસ ફાઉલ થયો હતો. તેણે તેના ત્રીજા અને અંતિમ પ્રયાસમાં 80.21 મીટરનો થ્રો કર્યો હતો.

ગ્રુપ Aમાંથી, જર્મનીના જુલિયન વેબરે તેના પ્રથમ પ્રયાસમાં 87.76 મીટરના થ્રો સાથે ટોપનું સ્થાન મેળવ્યું અને ફાઈનલ માટે ક્વોલિફાય કર્યું. ભૂતપૂર્વ વિશ્વ ચેમ્પિયન કેન્યાના જુલિયસ યેગો (85.97 મીટર) અને ટોક્યો ઓલિમ્પિકના સિલ્વર મેડલ વિજેતા ચેક રિપબ્લિકના જેકબ વાડલેચ (85.63 મીટર) અનુક્રમે બીજા અને ત્રીજા સ્થાને રહીને ફાઈનલમાં પ્રવેશ્યા હતા. ફિનલેન્ડના ટોની કેરાનેન (85.27 મીટર) પણ ગ્રુપ Aમાંથી 84 મીટરથી વધુનો થ્રો કરીને ફાઈનલમાં પહોંચનાર ચોથો ખેલાડી બન્યો હતો. 

જેનાએ એશિયન ગેમ્સમાં સિલ્વર મેડલ જીત્યો હતો

ગયા વર્ષે ઓક્ટોબરમાં કિશોર જેનાએ 87.54 મીટરના થ્રો સાથે એશિયન ગેમ્સમાં સિલ્વર મેડલ જીતીને  ઓલિમ્પિક માટે ક્વોલિફાય કર્યું હતું. આ પછી, મંગળવાર પહેલા, તે છ સ્પર્ધાઓમાં માત્ર એક જ વાર 80 મીટરનું અંતર પાર કરવામાં સફળ રહ્યો હતો.

નીરજ ચોપરા ગ્રુપ-બીમાંથી ક્વોલિફાય થયો

ગ્રુપ Bમાંથી ભારતના સ્ટાર જેવલિન થ્રોઅર નીરજ ચોપરાએ પેરિસ ઓલિમ્પિકમાં શાનદાર શરૂઆત કરી હતી. નીરજ ગ્રુપ Bની ક્વોલિફિકેશનમાં શરૂઆત કરવા માટે પ્રથમ આવ્યો હતો અને તેણે તેના પ્રથમ પ્રયાસમાં 89.34 મીટરના થ્રો સાથે સિઝનનું શ્રેષ્ઠ પ્રદર્શન આપ્યું હતું, જે 84 મીટરની ઓટોમેટિક ક્વોલિફિકેશન કરતાં ઘણું વધારે હતું. નીરજે પોતાના ગોલ્ડ મેડલના બચાવમાં શાનદાર શરૂઆત કરી છે અને ફાઈનલમાં પણ તેની પાસેથી આવા જ પ્રદર્શનની અપેક્ષા છે.

નીરજ ઉપરાંત તેના હરીફ પાકિસ્તાનના અરશદ નદીમે પણ પ્રથમ પ્રયાસમાં શાનદાર પ્રદર્શન કર્યું અને 86.59 મીટરનો થ્રો કરીને ફાઈનલ માટે ક્વોલિફાય કર્યું. નીરજની જેમ અરશદનો પણ આ સિઝનનો સર્વશ્રેષ્ઠ થ્રો હતો. નીરજે 87.58 મીટરના થ્રો સાથે ટોક્યો ઓલિમ્પિકમાં ગોલ્ડ મેડલ જીત્યો હતો. 2022નો વર્લ્ડ ચેમ્પિયન ગ્રેનાડાનો એન્ડરસન પીટરસન 88.63 મીટરના થ્રો સાથે ગ્રુપ Bમાંથી ક્વોલિફાય થનાર ત્રીજો ખેલાડી હતો.