Olympics 2024 / એક સમયે પાણીથી ડરતી હતી 14 વર્ષની ભારતીય સ્વિમર, હવે પેરિસ ઓલિમ્પિકમાં ઈતિહાસ રચવા તૈયાર

ઓલિમ્પિક ગેમ્સનું ઉદ્ઘાટન 26 જુલાઈના રોજ પેરિસમાં થયું હતું. તેમાં ભારતના 117 ખેલાડીઓ ભાગ લેશે. ઘણા ખેલાડીઓ પહેલાથી જ આ રમતોમાં ભાગ લેવાનો અનુભવ ધરાવે છે જ્યારે કેટલાક પ્રથમ વખત ભાગ લેશે. આ વખતે એક વાત ખાસ છે કે ભારતની 14 વર્ષની એથ્લેટ દેશ માટે મેડલ જીતવા માટે ભાગ લઈ રહી છે. 14 વર્ષની ધીનિધિ દેસિંઘુ તિરંગો ફરકાવવા માટે સ્વિમિંગમાં ભાગ લેશે.

સૌથી યુવા રમતવીર

14 વર્ષીય ધીનિધિ દેસિંઘુ ધોરણ નવની વિદ્યાર્થીની છે અને ભારતીય ટુકડીમાં સૌથી નાની વયની એથ્લેટ છે. ધીનિધિ સ્વિમિંગની 200 મીટર ફ્રી સ્ટાઇલ કેટેગરીમાં ભાગ લીધા બાદ બીજી સૌથી યુવા ભારતીય એથ્લેટ બની જશે. આરતી સાહા સૌથી યુવા એથ્લેટ છે. તેણે 1952 હેલસિંકી ઓલિમ્પિકમાં ભાગ લીધો હતો. આરતી 11 વર્ષની ઉંમરે ઓલિમ્પિક ગેમ્સમાં સૌથી નાની વયની ભારતીય ઓલિમ્પિયન હતી.

બોલવામાં તકલીફ હતી

ધીનિધિ લગભગ ત્રણ વર્ષની હતી ત્યાં સુધી બોલવામાં તકલીફ પડતી હતી. તે શરમાળ હતી અને અન્ય લોકો સાથે વાત કરવામાં ડરતી હતી. તેને એકલું રહેવું પસંદ હતું. આ કારણોસર તેના માતા-પિતાએ તેને કેટલીક રમતોમાં જોડાવા માટે પ્રોત્સાહિત કરી. સ્વિમિંગ એ વધુ સારો વિકલ્પ હતો કારણ કે તેના ઘરની બાજુમાં જ એક પૂલ હતો. તેના માતા-પિતા ઈચ્છતા હતા કે ધીનિધિ મિત્રો બનાવે.

મને પાણી ન હતું ગમતું: ધીનિધિ

ધીનિધિએ કહ્યું, “મને પાણી ગમતું નહોતું. હું એમાં જવા માંગતી ન હતી. હું પૂલમાં મારા પગ પણ ન હતી મૂકી શકતી. તે એક સંઘર્ષ હતો. એ વખતે હું છ વર્ષની હતી. જ્યારે હું બીજા વર્ષે પાછો ફરી, ત્યારે પણ હું ખૂબ ડરી ગઈ હતી. હકીકતમાં, હું તરી શકું તે પહેલાં મારા માતા-પિતાએ આ કર્યું. મને આરામદાયક લાગે તે માટે તે પૂલમાં ઉતર્યા અને તે જ રીતે બધું શરૂ થયું.

ધીનિધિનું સ્વપ્ન સાકાર થયું

ધીનિધિ ભારતીય સ્વિમિંગ લિજેન્ડ શ્રીહરિ નટરાજ સાથે સ્પર્ધા કરશે. આ સપનું તેની અપેક્ષા કરતાં ઘણું વહેલું સાકાર થયું. ગયા વર્ષે હાંગઝોઉમાં 2022 એશિયન ગેમ્સમાં પ્રદર્શન કર્યા પછી, દેસિંઘુએ આ વર્ષની શરૂઆતમાં દોહામાં વર્લ્ડ એક્વેટિક્સ ચેમ્પિયનશિપમાં ભાગ લીધો હતો.