VIDEO / પેરિસ ઓલિમ્પિકના ભવ્ય ઉદઘાટનમાં છવાઈ ગયું ભારત, જાણો ઓપનિંગ સેરેમનીની મહત્ત્વની બાબતો
પેરિસ ઓલિમ્પિક્સ 2024ની લાંબા સમયથી રાહ જોવાઈ રહી હતી. અંતે, 26 જુલાઈના રોજ, મુખ્ય અતિથિ ફ્રાન્સના રાષ્ટ
પેરિસ ઓલિમ્પિક્સ 2024ની લાંબા સમયથી રાહ જોવાઈ રહી હતી. અંતે, 26 જુલાઈના રોજ, મુખ્ય અતિથિ ફ્રાન્સના રાષ્ટ્રપતિ એમેન્યુઅલ મેક્રોન અને IOC પ્રમુખ થોમસ બાકની હાજરીમાં, સીન નદીના પુલ પર ફ્રેન્ચ ધ્વજ ફરકાવ્યો. આ સાથે ભવ્ય ઉદઘાટન સમારોહનો પ્રારંભ થયો હતો. 10 હજારથી વધુ રમતવીરો સીન નદી પર 100 બોટમાં સવાર થઈને 6 કિલોમીટર લાંબી યાત્રાએ નીકળ્યા હતા. ઓલિમ્પિકના ઈતિહાસમાં આ પ્રથમ વખત છે કે સ્ટેડિયમની બહાર ઉદ્ઘાટન સમારોહનું આયોજન કરવામાં આવ્યું છે.
શરૂઆતનું સન્માન ગ્રીસને મળ્યું
પેરિસ ઓલિમ્પિકમાં 206 દેશોના કુલ 10,714 એથ્લેટ ભાગ લઈ રહ્યા છે. આમાં સૌથી મોટી ટુકડી અમેરિકાની છે, જેમાં 592 ખેલાડીઓ ભાગ લઈ રહ્યા છે. ગ્રીસે એથ્લેટ પરેડની શરૂઆત કરી હતી. તેના રમતવીરો બોટ દ્વારા સૌથી પહેલા સીન નદીમાં આવ્યા હતા. આ દેશમાં પ્રથમ ઓલિમ્પિક રમાઈ હતી. તેથી, પ્રથમ એન્ટ્રીનું સન્માન આ દેશને આપવામાં આવ્યું હતું. ગ્રીસ પછી, રેફ્યુજી ઓલિમ્પિક ટીમ સીન નદીમાં પ્રવેશી. ઘણા દેશોના રેફ્યુજી ખેલાડીઓ આ બેનર હેઠળ પેરિસ ઓલિમ્પિકમાં રમશે. આ એવા એથ્લેટ્સ છે જે કેટલાક કારણોસર પોતાના દેશના બેનર હેઠળ રમી શકતા નથી.
ટીમ ઈન્ડિયાની શાનદાર એન્ટ્રી
ભારતીય ટીમે પણ સીન નદી પર તિરંગો ફરકાવ્યો હતો. ભારતના 117 એથ્લેટ પેરિસ ગયા છે અને તમામ મેડલ જીતે તેવી અપેક્ષા છે. ભારતીય ટીમનું નેતૃત્વ પીવી સિંધુ અને શરત કમલે કર્યું હતું. આ બે દિગ્ગજો સિવાય નીરજ ચોપડા પાસેથી ફરી એકવાર ગોલ્ડની અપેક્ષા રાખવામાં આવશે.
લેડી ગાગાનું પ્રદર્શન
ઓપનિંગ સેરેમનીની શરૂઆત એથ્લેટ પરેડ તેમજ અમેરિકન સિંગર લેડી ગાગાના પરફોર્મન્સથી થઈ હતી. તેઓએ સીન નદીના કિનારે સિંગિંગ સાથે ડાન્સ પણ કર્યો હતો. તમને જણાવી દઈએ કે લેડી ગાગાએ ગ્રેમી એવોર્ડ જીત્યો છે. તેના સિવાય માઉલિન રાઉગના 80 કલાકારોએ ગુલાબી ડ્રેસમાં ડાન્સ કર્યો હતો. આ આઇકોનિક ડાન્સ 1820થી કરવામાં આવે છે. ત્યારબાદ નોટ્રે ડેમ અને પેરિસ સિટી હોલ પાસે 500 ડાન્સર્સ દ્વારા અદ્ભુત પરફોર્મન્સ આપવામાં આવ્યું હતું.
આ સેલિબ્રિટીઓએ પણ પરફોર્મ કર્યું હતું
પેરિસ ઓપેરાના પ્રથમ બ્લેક ડાન્સર ગુઇલ્યુમ ડાયોપની નિમણૂક કરવામાં આવી હતી. ઓપનિંગ સેરેમની દરમિયાન તેમણે પણ પરફોર્મન્સ આપ્યું હતું. ગયા વર્ષે તેણીને બેલેની પ્રતિષ્ઠિત ટોચની રેન્કમાં બઢતી આપવામાં આવી હતી. તેમના સિવાય, ફ્રાન્સની પ્રખ્યાત સેલિબ્રિટી અને પોપ સ્ટાર આયા નાકામુરાએ પણ પોતાના અભિનયથી ઓપનિંગ સેરેમનીમાં આકર્ષણ જમાવ્યું હતું. પોલીશ ગાયક અને બ્રેકડાન્સર જેકબ જોઝેફ ઓર્લિન્સ્કીએ પણ પરફોર્મન્સ આપ્યું હતું.
લિંગ સમાનતા દ્વારા રચાયો ઇતિહાસ
ઓલિમ્પિકમાં ભાગ લેનાર પુરૂષ અને મહિલા ખેલાડીઓની સંખ્યા સમાન છે. પેરિસ ઓલિમ્પિકની ઓપનિંગ સેરેમનીમાં લિંગ સમાનતાનો નવો અધ્યાય શરૂ થયો. આ સમારોહ દરમિયાન એક નવો ઈતિહાસ રચાયો હતો. એટલું જ નહીં આ દરમિયાન ફ્રાન્સની 10 સૌથી શક્તિશાળી મહિલાઓનું પણ સન્માન કરવામાં આવ્યું હતું. ઓલિમ્પે ડી ગોજેસ, એલિસ મિલિયટ, ગિસેલ હલીમી, સિમોન ડી બ્યુવોર, પૌલેટ નાર્ડલ, જીન બેરેટ, લુઇસ મિશેલ, ક્રિસ્ટીન ડી પીઝાન, એલિસ ગાઈ અને સિમોન વેઇલને શ્રદ્ધાંજલિ આપવામાં આવી હતી.
