હેર ફોલ ઓછો કરવા માટે ફાયદાકારક છે ડુંગળીમાંથી બનાવેલું સીરમ, જાણો કેવી રીતે કરવો તેનો ઉપયોગ

વાળ ખરવાની સમસ્યા દરેક ઋતુમાં થાય છે. તેનું કારણ છે પ્રદૂષણ અને વાળની ​​યોગ્ય કાળજી ન લેવી. આવી સ્થિતિમાં ઘણી વખત આપણા વાળ ખરવા લાગે છે. જેના કારણે આપણે ચિંતિત થઈએ છીએ. આવી સ્થિતિમાં ઘણા લોકો બજારમાં ઉપલબ્ધ હેર કેર પ્રોડક્ટનો ઉપયોગ કરવાનું શરૂ કરે છે. તેનાથી થોડા સમય માટે વાળ ખરતા ઓછા થાય છે. પરંતુ જ્યારે તેની અસર ઓછી થાય છે, ત્યારે વાળ ખરવા લાગે છે. આવી સ્થિતિમાં તમે ડુંગળીની મદદથી ઘરે જ હેર સીરમ બનાવી શકો છો. આને લગાવવાથી વાળ ખરતા ઓછા થશે. આ ઉપરાંત તેમનો ગ્રોથ પણ સારો રહેશે. આવો તમને જણાવીએ, હેર સીરમ બનાવવાની રીત.

સામગ્રી

• ડુંગળી - 1 નંગ
• એલોવેરા જેલ- 2 ચમચી
• નાળિયેર તેલ - 2 ચમચી

હેર સીરમ કેવી રીતે બનાવવું

• આ માટે તમારે એક ડુંગળીના બે ટુકડા કરવા પડશે.
• પછી તેની છાલ ઉતારી લો.
• હવે ડુંગળીને છીણી લો અને પછી તેને નિચોવીને રસ કાઢી લો.
• હવે બીજો બાઉલમાં એલોવેરા જેલ અને નારિયેળ તેલ નાખીને મિક્સ કરો.
• આ પછી તેમાં ડુંગળીનો રસ ઉમેરો અને ફરી એકવાર મિક્સ કરો.
• હવે તેને એર ટાઈટ કન્ટેનરમાં ભરી લો.

હેર સીરમ કેવી રીતે લગાવવું

• જ્યારે તમારું હેર સીરમ તૈયાર થઈ જાય, ત્યારે તેને ડ્રોપરની મદદથી સ્કેલ્પ પર લગાવો.
• ધ્યાનમાં રાખો કે સીરમ લગાવતા પહેલા તમારા હેર વોશ કરેલા હોવા જોઈએ.
• સ્કાલ્પ પર સીરમ લગાવ્યા પછી સારી રીતે મસાજ કરો.
• હવે તેને લગભગ 30 મિનિટ સુધી રહેવા દો.
• પછી શેમ્પૂથી વાળ સાફ કરો.
• તમે અઠવાડિયામાં 1થી 2 વાર વાળમાં આ સીરમ લગાવી શકો છો.

હેર સીરમ લગાવવાના ફાયદા

સીરમ વાળમાં મોઈશ્ચરને લોક કરે છે અને તેને હાઇડ્રેટેડ રાખે છે. તેનાથી હેર ગ્રોથ સુધરે છે. વાળમાં સીરમ લગાવવાથી વાળ ચમકદાર અને સ્વસ્થ દેખાય છે. ફ્રીઝી વાળ માટે હેર સીરમ ફાયદાકારક છે.

હેર સીરમ એ વાળને હીટ સ્ટાઇલ ટૂલ્સમાંથી નીકળતી ગરમીથી બચાવવા માટે ઉપયોગી થાય છે. વાળમાં ડુંગળીનું સીરમ લગાવવાથી તમારા વાળ ખરતા ઓછા થશે. પરંતુ આ સીરમને લાંબા સમય સુધી સ્ટોર ન કરો.

નોંધ: તમારા વાળમાં કંઈપણ લગાવતા પહેલા પેચ ટેસ્ટ કરો. ઉપરાંત, નિષ્ણાતની સલાહ લેવાનું ભૂલશો નહીં.